Uztailean hasiko da Osakidetza pneumokokoaren kontrako txertoa ematen
Uztailaren 1etik hasita, aurten jaiotako ume guztiei eskainiko die Osakidetzak pneumokokoaren kontrako txertoa, Jon Darpon Eusko Jaurlaritzako Osasun Sailburuak iragarri duenez.
Darponek agerraldia egin du gaur txertaketa egutegian egindako aldaketen berri emateko. Urte hasiera iragarri zuenez, pneumokokoaren kontrako txertoa egutegian sartzea erabaki zuen Osakidetzak, eta gaur jakinarazi duenez, uztailean hasiko dira osasun zentroetan txertoa eskaintzen.
Urtero behar diren 100.000 dosiak erosteko 2,5 milioi euro bideratuko ditu Osasun Sailak.
Orain arte, gurasoek ordaindu behar zuten txertoa, eta dosi bakoitzeko 76 euro pagatu. Uztailetik aurrera, baina, doakoa izango da euren haurtxoa txertatu nahi duten gurasoentzat. Hiru dosi eskainiko dira, bigarren, laugarren eta 12. hilabetean.
Darponek zehaztu duenez, 2015ean jaiotako haurtxo guztiei eskainiko diete, dagoeneko dosiren bat jaso duten edo tratamendua jaso gabe duten gorabehera.
Pneumokokoaren bakteriak otitisa, pneumonia eta meningitisa eragin ditzake, besteak beste.
Barizelaren txertoa
Kazetariek galdetuta, barizelaren kontrako txertoaz ere mintzatu da Darpon. Azaldu duenez, 10 urterekin ematen diete gaixotasuna izan ez duten haurrei eta gaur gaurkoz, ez dago arinago eman behar dela iradokitzen duen "larrialdi epidemiologikorik". Dena dela, Itziar Astigarraga Euskadiko Txetxoen Aholkularitza Kontseiluko presidenteak nabarmendu duenez, erakundea "urtebeterekin, hiru eta lau urterekin ematea gomendagarria dela dioten adituen gogoetan parte hartzen ari da".
Gainerakoan, Osakidetzak urte hasieran iragarritako berrikuntza gehienak indarrean daude. Hala, otsailaren 2an kukurruku eztularen aurkako txertoa ematen hasi zitzaien haurdunei eta Meningokoko C txertoaren dosiak laugarren eta 12. hilabetean eta 12 urterekin eskaintzen dute orain.
Papilomaren kontrako txertoari dagokionez, irailetik aurrera hasiko dira 12 urteko neskatoei ematen (lehen 14 urterekin eskaintzen zen), bi dositan.
Darponen hitzetan, "tresna eraginkor eta ziurrak" dira txertoak eta txertoen euskal egutegia oso osatua dago, estalduraren % 90 bermatzen baitu (% 96, gaixotasun larrien kasuan: difteria, tetanosa, kukurruku eztula edo hepatitis B)
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.