Irizpide zientifikoak aldeztuko ditu Darponek barizela-txertoarentzat
Osasun sailburu Jon Darponek barizelaren txertoari buruzko erabakia "irizpide zientifikoetan eta ez politikoetan" oinarrituta egon dadila defendatuko du Osasun Sistema Nazionaleko Lurralde arteko Kontseiluan. Halaber, ukatu egingo du Estatuak kudeaketa klinikoko unitateen gainean arautzeko aukera izan dezala, "eskumen urraketa" bat baita.
Radio Euskadin eman duen elkarrizketa batean egin ditu Darponek adierazpen horiek, Osasunaren Lurralde arteko Kontseiluaren bilera dela-eta. Bilera horretan, haurtxoei eman beharreko barizelaren txertoari buruz eztabaidatuko dute.
Osasun sailburuak esan duenaren arabera, gai horretan "beti" defendatu izan duten jarrera defendatuko dute oraingoan ere, eta Euskadik txertaketa-egutegi "modernoa eta erabatekoa" duela gaineratu du. Adierazi duenez, aurten aldaketa "oso garrantzitsuak" egin dituzte, zenbait txerto aurreratu egin baitira.
Horrenbestez, bakunaren-txertoari dagokion erabakiak "irizpide zientifikoetan eta ez politikoetan" oinarrituta egon behar duela aldeztuko dute, eta Euskadik txertoen batzorde aholkulari teknikoaren erreferentzia jarraituko duela, gaineratu du. "Urte luzez ari da lan egiten eta oso ondo egiten du. Hark ezarri behar digu jarraibidea eta gure erreferentzia izan behar du".
Kudeaketa klinikoko unitateak
Bestalde, batzarrean kudeaketa klinikoko unitateen arauketaren gaiari ere helduko diote. Darponek azaldutakoaren arabera, "ospitaleen barruan antolatzen diren kudeaketa tresnak dira, espezialitate desberdinak koordinatzen dituztenak, pazienteei ahalik eta arreta onena ematezko asmoz".
Darponek baieztatu du Eusko Jaurlaritza Osasun Ministerioak planteatzen duen arauketaren kontra dagoela, uste baitu Estatuak ez duela zertan kudeaketa-tresna bat arautu behar. "Guk baditugu kudeaketa klinikoko unitateak, sekula ez da behar izan estatuko araudi bat, eta gure iritziz hemen eskumenak urratzeko eta homogeneizatzeko asmoa dago, eta Ministerioak homogeneizatzen duen bakoitzean beti okerrerako izaten da".
Bestalde, C hepatitisa duten gaixoentzat botika berriak banatzeko gaiaren gainean azaldu du aurretik ere esan zutela paziente guztiak "irizpide klinikoen arabera" artatuko dituztela, eta ez dela bat bera ere tratatu gabe utziko.
Albiste gehiago gizartea
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Suhiltzaileek lanean jarraitzen dute Gasteizko LEA lantegian, sutea kontrolpean baina itzali gabe baitute
Suhiltzaileek lantegira ura botatzen jarraitzen dute, su txiki gehiago izan ez dadin.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.
Kontrolpean dute Gasteizko LEA fabrikan piztutako sutea
Orduak edo egunak beharko dira oraindik sua erabat itzaltzeko. Ez da inor zauritu, industrialdea jendez hustu dutelako. Abetxuku eta Arriaga auzoak normaltasunera itzuli dira.