Osakidetzan artatutako lau pertsonak ikusmena galdu dute begi batean
Ekainean Donostia Ospitalean ebakuntza egin zieten lau pertsonak ikusmena galdu dute begi batean, eta Osakidetzak ikerketa abiatu du, gertatutakoa argitzeko, EAEko osasun sistema publikotik baieztatu dutenez.
Lau pertsona horiei perfluoroctanoa eman zieten, hau da, erretina-askatzeak konpontzeko osagai sintetiko bat. Kasu horretan, Ala Octa markakoa, Carlos Gomez Menchaca abokatuak EFE agentzian azaldu duenez.
Atzo, Jon Darpon Osasun sailburuak aurreratu zuen Osakidetzan eta Donostia Ospitalean ikertzen ari direla, zenbat kaltedun dauden zehazteko. Sendagaia hornitzen duen konpainiarekin ere hizketan ari dira.
Osakidetzak ez du informazio gehiago eman oraingoz, eta ikertzen ari dela baino ez du baieztatu.
Gomez Menchaca abokatuak azaldu duenez, "antza denez" sendagai horren sorta "akastun" bat merkaturatu du konpainiak, eta dagoeneko kendu du merkatutik Sendagaien Espainiar Agentziak.
Horren esanetan, auziak "larriak" dira, sendagaiak utzitako arrastoak "sendaezinak" direlako. Izan ere, begiaren nerbioari egin dio kalte.
Abokatuak bi bide abiatu ditu: alde batetik, Osakidetzari kalte-ordainak eskatu dizkio, eta, bestaldetik, sendagaia ekoizten duen konpainia ere auzibide zibilean jarriko du asteon bertan.
Donostia Ospitalean erabilitako sendagaiak Alemaniara eraman dituzte, aztertzeko. Nolanahi ere, ikerketak luze jo dezake.
Sendagai honekin beste hainbat herrialdetan ere izan dituzte arazoak . "Txilen, adibidez, osasun alerta ezarri zuten, eta merkatutik kendu zuten", Gomez Menchakak azaldu duenez.
Antza denez, Espainiako Estatuan kaltedun gehiago daude, eta bertan ebakuntza egin zuen "atzerritarren bat" ere.
Albiste gehiago gizartea
Jose Mari Ustarroz eta Lekarozko 'Infernuko Gazta' Artzai Eguneko protagonista
4.950 euro ordaindu dituzte 44. Gazta Lehiaketako gazta irabazlearengatik. Euria ere izan den arren, Aralar Mendi Elkartea pozik agertu da aurreikuspen guztiak gaindituta, "txiki geratu" delako Uharte Arakil.
Bi txirrindulari ospitaleratu dituzte Nafarroan, pronostiko erreserbatuarekin, auto banak harrapatuta
58 eta 51 urteko bi gizonek kolpe larriak jasan dituzte eta Nafarroako Unibertsitate Ospitalera eraman dituzte bi zirkulazio-istripuren ondorioz, bata Eguesibarren gertatu da eta bestea Berriobeitin.
26.000 ikasle itzuliko dira eskolara astelehen honetan Ipar Euskal Herrian
Ikasleen %13k Seasko murgiltze ereduan ikasiko dute. Aurten, berrikuntza gisa, gaskoia erakutsiko diete Samatzeko ikasleei astean hiru orduz.
Cabrales gazta irabazlearengatik 37.000 euro ordaindu eta, ospatzen ari zela, lurrera erori zaio
Asturiasko Cabrales gazta batengatik 37.000 euro ordaindu dituzte, horrelako batengatik inoiz ordaindu den kopururik handiena. Lehiaketa Encarnacion Bada gaztagileak irabazi du, eta Ivan Suarez El Llagar de Colloto Oviedoko jatetxeko ostalariak erosi du.
Protestarako deia egin dute Yala Nafarroak eta BDZ Nafarroak, Israel taldea Vueltan aritzearen aurka
Vueltako hainbat etapatan antolatutako protesta ekintza baketsuekin bat egingo dute Yala Nafarroa plataformak eta BDZ Nafarroa mugimenduak. Izan ere, Vueltako pelotoia Nafarroan barrena ibiliko da datorren asteartean, Sendavivan hasi eta Larra-Belaguan amaituko den hamargarren etapan.
Bilboko Aireportuko suhiltzaileen kamioi bat Sondikako haur-parke batera erori da
Eusko Jaurlaritzako Segurtasun Sailak jakinarazi duenez, ezbeharra 06:20 aldera gertatu da, eta ez da inor zauritu. AENA enpresa publikoa istripuaren nondik norakoak aztertzen ari da, suhiltzaileak ere kudeatzen baititu.
212 urte, Ingelesek eta Portugaldarrek Donostia erre zutenetik
Urtero legez ekitaldi ugarirekin oroitu dute gertakaria. Goizean, esaterako, Donostiako Udalak lore eskaintza egin du Itxas atean goizeko elizkizunaren ostean, 1813 hartan hil ziren donostiarren omenez.
Suteen okerrena igaro da: Espainia alerta eta jarraipen fasera igaro da
Amaitutzat jotzen da Espainiako historia hurbilean baso-suteen gertakaririk tragiko eta suntsitzaileenaren faserik zailena: 300.000 hektarea baino gehiago erre dira, lau lagun hil dira eta 48 zauritu.
Palestinari elkartasuna adierazi diote Bilbon
Ongi Etorri Errefuxiatuak elkarteak bilkura egin du Bilbon. Palestinako herriari babesa adierazi diote bertan, eta haren aldeko aldarrikapenak egin dituzte.
Etxauriko gainean, Ziritzan, piztu den sutea kontrolpean dago
Haizeak sua bizitu duen arren, ez da arriskutsua izan inguruko etxebizitzentzat, nahiz eta Na-700 errepidea itxi behar izan duten bi noranzkoetan.