Ebakuntza ondoren ikusmena galdu duten pertsonak 13 dira dagoeneko
Ebakuntza baten ondoren ikusmena galdu duten pertsonen kopuruak gora egin du Euskadin, 13 dira dagoeneko: zortzi kasu Donostia Ospitalean antzeman dituzte, bat Gurutzetako Ospitalean eta lau zentro pribatu batean.
Kirurgian perfluorooktanoa erabili ondoren, zenbait pazientek ikusmena galdu zuten, eta, horren aurrean, Osakidetzak eta Eusko Jaurlaritzak ikerketa abiatu dute. Osakidetzako profesionalek “une oro arduraz” jokatu dutela adierazi du Osasun Sailak gaur. Jaurlaritzaren hitzetan, “arazoa ustez marka zehatz bateko produktu batek (perfluorooktanoa) sortu du”.
Ebakuntzaren ondorioz eragindako kaltea “sakon” deitoratu dute Exekutiboak eta Osakidetzak, ohar batean zabaldu dutenez.
Produktua merkatutik kendu dute
Gainera, kasuen berri izan ondoren, Osasun Ministerioari abisua eman eta merkatutik kendu zutela jakitera eman dute EAEko erakundeek. Antza denez, Estatuan ere antzeko kasuak izan dira.
Aurreneko kasuen berri ekainean izan zutela ziurtatu du Eusko Jaurlaritzak, Donostia Ospitaleko profesionalek zenbait pazienteren ezohiko bilakaera antzeman zutenean. Guztien ebakuntzetan marka bereko perfluorooktanoa erabili zuten, eta, ondorioz, hornitzailez aldatzeko erabakia hartu zuten.
Donostia Ospitaleak Espainiako Gobernua ohartarazi ondoren, Osasun Ministerioak produktua merkatutik kentzeko erabakia hartu zuen, kasu gehiago izatea saihesteko.
Kaltedun guztiei “ospitale publiko zein pribatuetan egin zieten ebakuntza epe berean eta osasun-material jakin bat (perfluorooktanoa) erabiliz”, Osasun Sailak zehaztu duenez.
Osakidetzako zerbitzu juridikoek erantzukizunak zehazteko prozedurak zabaldu dituzte kasu bakoitzean. Gainera, orain arte bezala, Osakidetzak paziente kaltedunen “zaintza berezia” egingo du.
Zer da perfluorooktanoa?
Perfluorooktanoa ez da botika bat, ebakuntzetan erabili ohi den produktu bat baizik. Medikuek begietako kirurgian erabili izan dute azken bi hamarkadetan.
Perfluorooktanoaren produktu-sail susmagarriak bat edo bi direla uste dute EAEko agintariek. Izan ere, merkatutik kendu eta gero, ez da antzeko arazo gehiago izan ebakuntzen ondorioz.
.Albiste gehiago gizartea
Artzai Egunaren 57. edizioa ospatuko dute Uharte Arakilen igande honetan
Uharte Arakilen egingo den Artzai Eguneko gazta lehiaketak Jose Mari Ustarroz izena hartuko du, duela gutxi hil zen Idiazabal Gaztaren Jatorrizko Deiturako presidente ohiaren lana eskertzeko.
Otsagabiak 100 urte atzera egin du, 1925era, Orhipean jaiarekin
Nafarroako herrian Orhipean jaia ospatu dute larunbat honetan, antzinako lanbide eta tradizioak erakutsiz.
Babes Zibilak oraindik aktibo dauden fokuen "bilakaera ona" nabarmendu du, eta sute-bolada amaitzear dela uste du
Gaztela eta Leonen sei sute aktibo daude oraindik, larritasun gorenekorik ez, eta 1. mailako bat dago Almerian, Lubrin udalerrian.
Urbiako ostatuak 100 urte bete ditu gaur, mendeurren gazi-gozoa, itxita baitago duela bi astetik
1925eko abuztuaren 30ean zabaldu zen Urbiako fonda, 100 urte hauetan hamaika mendizale hartu ditu, goxo eta beso-zabalik. Mendeurrena, ordea, ateak itxita igaroko da, orain arte ostatua zeramatenek utzi egin baitute, eta kontsezioa dutenek hura martxan jarriko duten lagun berrien bila dabiltza.
Vueltak gorabeherak eragingo ditu irailaren 3an Bizkaiko errepideetan
2025eko Vueltaren 11. etapa irailaren 3an, asteazkena, hasi eta amaituko da Bilbon. Mozketak 12:40an hasi eta 17:20 aldera arte izango dira, antolatzaileek egindako aurreikuspenen arabera.
Mazonen aurkako hamargarren protestak GOIDIaren 228 biktimak omendu ditu
Gaur 10 hilabete bete dira GOIDIak Valentzia kolpatu zuenetik, eta haserrea nabaria da oraindik erkidego horretako kaleetan. "Mazon, dimisioa" lelopean, milaka pertsona mobilizatu dira hamargarren aldiz Valentzian. 228 pertsona hil ziren eta milaka familiak etxeak galdu zituzten. 304 egun geroago, horietako asko Gobernuaren laguntzen zain daude oraindik.
9 urteko haur bat zauritu da martxan zihoan villavesa batetik erorita, akats mekaniko baten ondorioz
Istripua 14:04an gertatu da, Sadar kalean. Ibilgailuko atea ustekabean ireki da, eta adingabea, atearen kontra zegoena, kanpora erori da. Haurra ateari katigatuta geratu da, eta hainbat metroz arrastan joan da, harik eta gidariak autobusa gelditzea lortu duen arte.
Milaka ibilgailu berrikusteko deia egin dute hainbat auto etxek, airbagetan arazoak izan ditzaketelako
Dozena bat pasatxo marka biltzen dituen Stellantis taldea erabiltzaileei gutunak bidaltzen ari da, Takata markako airbag akastunak direla eta.
8 kilometrorainoko auto-ilarak sortu dira AP-8an, Deban, istripu baten ondorioz
Kaltetutako ibilgailuak erretiratu ondoren, zirkulazioa normaltasunera itzuli da. 17:45ean, 7 kilometroko auto-ilarak sortu dira AP-8an, Irungo mugan.
Euskarabideak "Euskera ahora" kanpainaren edizio berri bat aurkeztu du, helduek euskaraz ikastea sustatzeko
Aurten, hasierako mailan (A1) izena ematen duten 16 urtetik gorako ikasleek matrikula doan edo ia doan izango dute, Euskarabidearen dirulaguntzei esker.