Euskadik hiru milioi turista baino gehiago hartu zituen 2015ean
Hiru milioi turista baino gehiagok Euskadi bisitatu zuten iaz. Ondorioz, 2015eko zenbakiek markak hautsi dituzte.
Eusko Jaurlaritzako Garapen Ekonomiko eta Lehiakortasunerako Sailak gaur jakitera eman duenez, 2.774.420 bisitarik EAEko hoteletan eta landetxetan hartu zuten ostatu iaz, 2014an baino % 8,8 gehiago.
Gainera, azarora arte beste 229.928 turistek kanpalekuetan eta etxebizitzatan eman zituzten gauak. Guztira, 3.004.348 bisitari jaso zituen EAEk.
Arantxa Tapiak zuzendutako Sailak goraipatu duenez, “Euskadiko toki turistiko guztietan historiako daturik onenak izan dituzte” iaz.
Hotelak
Eustatek gaur zabaldutako datuen arabera, 2014an baino % 8,8 bidaiari gehiago hartu zituzten hotelek iaz: % 6,8 gehiago Araban, % 8,6 Gipuzkoan eta % 9,5 Bizkaian.
5.041.338 gau igaro zituzten turistek, hau da, % 8,2 gora egin zuten. Gipuzkoak bereziki egin zuen gora (% 9,4), ondoren Bizkaiak (% 8,3) eta Arabak (% 4,9).
Batez besteko egonaldiak pixka bat behera egin du 2014ko datuekin alderatuta; izan ere, 1,92 egunetik 1,91 egunera pasa da, baina okupazioak gora egin zuen % 46,4tik % 49,8ra.
Turismo-baserriak
Nekazaritza-turismoko etxeei dagokienez, 137.035 turistek hartu zuten ostatu baserrietan, 2014an baino % 8,9 gehiago. Bestalde, 356.476 gau igaro zituzten bidaiariek, hau da, % 9,2 gora egin zuten.
Bidaiarien kopuruak gora egin zuen hiru lurraldeetan: % 10,5 Araban, % 10,1 Bizkaian eta % 7,8 Gipuzkoan. Era berean, igarotako gauek ere gora egin zuten, % 17,4 Araban, % 9,4 Bizkaian eta % 7 Gipuzkoan.
Turista bakoitzeko batez besteko egonaldia bere horretan mantendu zen, 2015ean (2,60 egun), baina okupazioak gora egin zuen % 23,3tik % 25,1era.
Zure interesekoa izan daiteke
Donostiako Klasikoak eragina izango du larunbatean Gipuzkoako trafikoan
Bestalde, Bizkaian, abuztuaren 2an, igandea, Getxoko 81. Txirrindularitza Zirkuitua-Otxoa anaiak Memoriala dela eta, zirkulazioari lotutako hainbat gorabehera izango dira, horien artean debekatuta egongo da lasterketaren noranzkoan zirkulatzea.
Donostiako Udalak debekuari "irmo" eusten diola eta bilerak emaitza onik ez duela eman salatu du KAS elkarteak
Ia bi orduz egon dira bilduta Kaleko Afari Solidarioak (KAS) plataformako eta Donostiako Udaleko ordezkariak, tartean, Jon Insausti alkatea. Ixiar Gonzalez KASeko kideak azaldu duenez, alternatiba indarrean izan arte, kaleko afari solidarioak baimentzea eskatu diote alkateari, baina erantzuna ezezkoa izan da. "Emaitza ez da positiboa", esan du.
Aita Marik Mediterraneoan egiten duen erreskate-lana zailtzen duen "etengabeko presioa" salatu du
Egunotan Malta eta Libia arteko migrazio-ibilbidean erreskate-lanetan ari den Aita Mari ontzia Libiako kostazainek inguratu dute asteazken honetan; ondoren, drone batek gainetik hegan egin zion.
Bi gizonezko atxilotu dituzte Getxon kalez jantzitako bi ertzaini erasotzeagatik, borroka baten abisura joan direnean
Udaltzaingoaren agenteek erasotzaileetako bat atxilotzen lagundu dute, ukabilekin jo eta kristalezko botila batekin mehatxu egin baitiete ertzainei.
Pazienteek Euskal Osasun Sisteman Parte Hartzeko Legeari buruzko aurreproiektuaren kontsulta publikoa abiatu du Osasun Sailak
Osasun Sailak herritarren iritziak bilduko ditu, pazienteek eta pazienteen elkarteek osasun-politikak diseinatzeko eta erabakiak hartzeko modu egituratuan eta eragiteko gaitasunarekin parte hartzeko helburuz.
Aste Nagusiko zezenketen kartel batean Marijaiaren irudia erabili izana salatu dute Bilboko Konpartsek
"Bilboko jai herrikoien ikur nagusiaren irudia animalien sufrimenduari eta heriotzari lotutako jarduera pribatu baten publizitatea egiteko erabiltzea" kritikatu dute Bilboko Konpartsek.
A63 autobidea ireki dute berriro, Girondako sutea egonkortzea lortu ondoren
Girondako sutea egonkortu izanak ahalbidetuko du Euskal Herria eta Bordele lotzen dituen A63 autobidea zabaltzea. Hala ere, SNCF tren konpainiaren abiadura handiko trenen trafikoak etenda jarraitzen du Hendaia eta Bordele artean.
Beroa eta haizea suak itzaltzea zailtzen ari dira Zamora, Madril, Avila eta Castellon
Gauean zehar bilakaera positiboa izan den arren, suak itzaltzeko lanak oztopatzen ari da beroaldia, batez ere Zamoran. Madrilgo, Avilako eta Castelloko suteek aktibo jarraitzen dute, baina dagoeneko perimetratuta daude. Suteengatik ezarritako larrialdi nazionala bertan behera gelditu dela iragarri du Espainiako gobernuburuak.
Espainiako sute handien bilakaera ona da, baina beste foku batzuk ari dira pizten Zamoran eta Leonen
Madrilgo sutea egonkortzea lortu dute, eta Avilako ebakuazioak eta konfinamenduak altxatu dituzte. Zamoran, 12 udalerri ebakuatu dituzte, eta bi konfinatu.
Afari solidarioak kriminalizatu izana deitoratu dute ekimenaren antolatzaileek
Kaleko Afari Solidarioak (KAS) plataformak, Donostian kaleko egoeran dauden pertsonentzako afari solidarioak antolatzen dituenak, Udalaren "jarrera kriminalizatzailea" salatu du asteazken honetan. Izan ere, Jon Insausti alkateak (EAJ) jarduera hori debekatu egin du, "bizikidetza arazoak" sortzen dituela eta "delinkuentzia areagotzen" duela argudiatuta.