Denboraleak duela bi urte baino kalte txikiagoak egin ditu
Josu Erkoreka Eusko Jaurlaritzako bozeramaileak olatu denboraleak egindako kalteen balantzea egin du, eta duela bi urte jasotakoak baino txikiagoak direla nabarmendu du.
Erkorekak gogorarazi du arriskua jaitsi egin dela eta dagoeneko alarma gorria bertan behera utzi dutela, baina gaur arratsalde-gau partean alerta laranja izango dela ohartarazi du.
Horren esanetan, kalte handienak ondoko herrietan izan dira: Bermeon, Ondarroan, Getxon eta Elantxoben, Bizkaian; eta Donostian, Hondarribian, Pasaian, Orion, Zumaian, Getarian eta Mutrikun, Gipuzkoan.
Bermeon, kai-muturreko 40 metro kaltetu dira. Gainera, kalteak daude izotz fabrikaren aurrealdean, zementuzko aldapan eta beste hainbat elementutan. Gainera, kirol portuan hiru ‘finger’ hautsi dira.
Ondarroan, urak kalteak egin ditu hainbat ontzitan eta ibilgailutan, eta alde zaharrean barrena sartu da. Ondorioz, hainbat lokal urak hartu ditu.
Getxon, portu zaharrerako sarbidea itxita dago, eta, Ereagan, hesiaren hainbat metro desagertu dira.
Elantxoben, kiroldegiko hormetako bat kaltetu da.
Donostian, olatuak Pasealeku Berrian, Eguzkin eta Kontxako hainbat lokaletan sartu dira.
Ondarretako hondartzan eta Mundaizeko eta Maria Cristinako zubietan ere hausturak daude.
Urumea ibaiak gora egin eta gero, uholde txikiak izan dira Urkin, Txomingo parkean eta Martuteneko espetxearen atzeko aldean.
Zarautzen, hainbat establezimendutan sartu da ura.
Hondarribian, itsasoak kirol portuaren sarrerak hautsi ditu, eta olatuek Butroeko pasealekuaren aurka talka egin dute, indartsu.
Pasaian hainbat garaje eta atari kaltetu dira.
Orion, kalteak daude hondartzako babes harresiko 25 metrotan, eta, Zumaian, portuko komun publikoa suntsituta dago.
Getarian, olatuek jatetxe bateko beirak apurtu dituzte, eta, Mutrikun, kalteak izan dira hondartzan. Pasealekua, adibidez, itxita dago herri horretan.
herri horretan.Zure interesekoa izan daiteke
CCOO Korrikatik kanpo geratu da AEK-k lekukoa ez eramateko erabakia hartu ostean, "euskararen aurkako jarrerak sustatzeagatik"
Ohar baten bidez, AEK-k argitu duenez, AEKren Nazio Kontseilua CCOO Euskadiko ordezkariekin bildu zen astelehenean, eta Argia aldizkariak argitaratutako informazioari "sinesgarritasun osoa" emanda, CCOOko kideei jakinarazi zieten "bateraezinak" zirela "euskararen aurkako jardunbide horiek sustatzea eta Korrikan lekukoa eramatea".
Donostiako Arrazakeriaren aurkako Martxak erroldatzeko eskubidea aldarrikatuko du, igandean
29. edizioak Trintxerpe eta Donostia zeharkatuko ditu, Erroldarik gabe ez naiz existitzen lelopean.
% 77,8ra igo da Euskadi plurala izan dadin nahi duten herritarren kopurua
Ikuspegiren azken txostenaren arabera, herritarren % 24,2k adierazi dute azken urtean diskriminazio-egoeraren baten lekuko izan direla eta % 14,6k diskriminazio motaren bat jasan dutela aitortu dute, lanpostu edo alokairu bila izan direnean batez ere. Kolektibo diskriminatuenak ijitoak eta migratzaileak dira, inkestaren arabera.
Medikuek grebaldian jarraitzen dute, estatutu propioaren alde
EAEko medikuak aste honetan bigarrenez kalera irten dira Osasun Ministerioak adostutako estatutu orokorraren aurka. Medikuek lan baldintzak negozioatzeko ahalmena izatea eskatzen diote Osasun Ministerioari. Gutxieneko zerbitzuak ostiralera arte ezarriko dira, medikuen eskubideak aldarrikatzeko.
Ane Elordi: “Ez dugu bateragarri ikusten CCOOren jardunbidea eta 'Euskara gara' aterkipean egingo dugun Korrikan parte hartzea”
Euskadi Irratiko "Faktoria" irratsaioan egindako elkarrizketan Ane Elordi Korrikaren koordinatzaileak adierazi duenez, Errenteriako Lan Deialdi Publikoan gertatu dena "mugarria" izan da Korrikako antolatzaileen ustez. Hortaz, sindikatuko kideekin egindako bileran, azaldu zieten ez zutela bateragarri ikusten haien jardunbidea eta 24. Korrikan parte hartzea.
'Aita Mari' Italiako Vibo Valentiako portura iritsi da, erreskatatutako 32 migratzailerekin
Aita Mari ontzia astearte honetan iritsi da Italiako Vibo Valentiako portura, erreskatatutako 32 migratzailerekin. Mediterraneo erdialdeko uretan topatu zuten ontzia igandean, jendez gainezka, "oso baldintza eskasetan". Erreskatatutako lagunen artean bederatzi adingabe eta haurdun dagoen emakume bat daude.
Zabalik dago AP-8 autobidea, Iurreta parean, istripu baten ondorioz itxita egon ondotik
Kamioi bat irauli da gaur goizean AP-8an, Iurreta parean eta Donostiarako noranzkoan. Istripuaren ondorioz, bi errei itxi dituzte.
Baionan desagertutako 50 urte inguruko gizon baten bila ari dira
Larunbatean ikusi zuten azkenengoz, Lapurdiko hiriburuan, goizaldeko ordu bata pasata.
Espainiako Poliziaren buru ohiaren sexu erasoak berretsi ditu epailearen aurrean salaketa jarri zuen inspektoreak
Epaileak atzera bota du Poliziako buru ohia emakumearekin ez komunikatzeko salaketa-jartzaileak egindako eskaria, "arriskurik ez" dagoela iritzita.
Espainiako Estatuko herritarren % 79k uste dute "posible" dela etorkizunean gerra batean arma nuklearrak erabiltzea
CISen inkesta baten arabera, herritarrak gehien kezkatzen dituen beste beldur batzuk dira gertuko senide bat galtzea, osasuna galtzea, itsu geratzea eta minbizia hartzea.