Bermeoko kai-muturraren zati bat eraman dute olatuek
Olatuen danbateko indartsuek egindako kalteak zenbatzen ari dira gaur Bizkaiko kostaldean. Denboralea izan da bart itsasoan, eta olatu handiak espero zirela eta, alarma gorria ezarri zuen Eusko Jaurlaritzako Segurtasun Sailak 03:00etatik 07:00etara. Gaur alerta laranja dago indarrean, itsasaldeko arriskuagatik.
Bizkaian, Bermeon, Ondarroan, Getxon, Lekeition eta Muskizen izan dira kalteak.
Duela bi urteko denboraleak txikitutako Bermeoko kai-muturraren 50 bat metro eraman dute oraingoan olatuek. Ura alde zaharrera ere sartu da, eta lokal batzuk hartu ditu. Inguru horretan aparkatuta zeuden autoetan eta portuko zoruan ere egin ditu kalteak.
Horrez gain, portuan zeuden zenbait ontzi txiki ere kaltetu dira denboralearen ondorioz.
Ondarroan, oraindik ez dituzte kalte guztiak zenbatu. Elena Unzueta Bizkaiko Foru Aldundiko bozeramaileak aurreratu duenez, ura Alde Zaharrean sartu da, eta aurretik eraman ditu inguruan zeuden arbolak, ibilgailuak eta hiri-altzariak.
Lekeition, Talan dagoen Isuntza elkartea txikituta geratu da, olatuen ondorioz.
Muskizen, berriz, itsasgorak egin ditu kalteak; izan ere, Pobeña auzoko etxe eta lokal batzuk urpean geratu dira, urak gainezka eginda.
Pobeña auzoko uholdeak. Argazkia: Muskizko Ingurumen Saila
Getxo
Olatuek Ereagako hondartzaren barandako zati batzuk txikitu dituzte, Igeretxe hotelaren eta Turismo bulegoaren tartean, hain zuzen. Gainera, Portu Zaharreko estoldaren tapa batzuk lekutik atera dira, bertan sartu den ur kopuru handiaren ondorioz.
Portu Zaharra itxita izan da ibilgailuentzat bi orduz. Ereagako hondartzaren pasealekua, berriz, itxita dute oinezkoek Igeretxe hotelaren eta Turismo bulegoaren tartean. Ingurua garbitu bitartean itxita egongo dela zehaztu du Getxoko Udalak. Turismo bulegoa ere itxita dago, ura sartu baita.
Getxoko Udaltzaingoa ari da eremu guztia zaintzen. Arratsaldean, itsasgora denean (17:10), hondartzako pasealekua itxiko dute. Oinezkoak ezingo dira ibili Pedro Bilbaoren eskulturatik Portu Zaharrera doan tartean. Ibilgailuek, berriz, itxita izango dute Ereagako igogailutik Portu Zaharrera doan tartea.
Zure interesekoa izan daiteke
Baso-sutea piztu da Aizkorri-Aratz natura parkean
Baso sutea piztu da Aizkorri-Aratz parkean. Dirudienez, ostiralean sortu zen sute txiki baten berpiztea da eta urrutitik da ikusgai.
Auto-ilarak BI-30 errepidean, Barakaldon, 8. kilometroan izandako istripu baten ondorioz
BI-30 errepidean, Barakaldo parean, izandako istripu baten ondorioz, auto-ilarak sortu dira Galdakaorako noranzkoan, errei bat itxi ostean.
Musikenek "arretaz" ikertuko du harpa irakasle batek ikasleei emandako tratua
Musikeneko Zuzendaritzak "kaltetua izan daitekeen edonori" jakinarazi dio "zentroaren arreta osoa" izango duela, eta, horretarako, ikastetxeak "eskura dituen bideen bidez harremanetan jartzeko" eskatu du.
San Joan suak leku hauetan egingo dituzte
Nafarroako Gobernuak San Joan surik ez egiteko gomendatu du. Eusko Jaurlaritzak ez du gomendio orokorrik eman eta herri bakoitza bere erabakiak hartzen ari da. Hala, Iruñean, Barakaldon, Urretxun, Zumarragan, Sopelan, Berangon, Gernikan eta Muxikan, besteak beste, ez da surik piztuko.
EHUko errektoreak ohartarazi duenez, kalifikazioak "ezin dira presio sozial, politiko edo mediatikoagatik zehaztu"
Joxerramon Bengoetxea EHUko errektoreak adierazi du kalifikazioak ezin direla zehaztu "presio sozial, politiko edo mediatikoagatik". Horrekin batera, USaPeko euskara azterketetan izandako zenbait notek eragindako polemikaren harira, esan du ikasleen eskubideak defendatzeak "ebaluazio-sistemaren inpendendentzia defendatzea" dakarrela.
Pedrosa sailburuak jakinarazi duenez, USaPeko euskara azterketan zeroen % 47 ebaluatzaile berak jarri zituen
Azterketa horretan jarritako 168 zeroetatik 108, 11. eta 12. epaimahaiek zuzendutako azterketei dagozkie; guztien % 64,3.
Berrikuspenaren ondoren, euskara azterketako zeroak murriztu egin dira, baina "igoera esanguratsurik gabe" kasu gehienetan
Unibertsitatera sartzeko proben behin betiko kalifikazioak argitaratu dituzte eta EHUko errektoreak balorazioa egin du: ebaluazio- eta berrikuspen-sistemaren alde egin du.
Haur-eskolak 13:00etan itxiko dira gaurtik aurrera, muturreko beroagatik
Haurreskolen Partzuergoak bere eskolak ohi baino goizago ixtea aurreratzea erabaki du, tenperatura altuak direla eta. Neurria datozen egunetan egongo da indarrean, kontrakoa erabaki arte.
Bi pertsona atxilotu dituzte Plentziako hondartzan, lapurretetan ari zirela eta udaltzainei erasotzeagatik
Halaber, Ertzaintza bi adingabe ikertzen ari da, igande honetan Plentziako hondartzan izandako gertakarietan parte hartu zutelakoan, hainbat lapurretarekin lotutako polizia-operazio batean.
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.