Atxilotu bat Etzegaraten, edanda gidatu eta istripu bat eragiteagatik
Ertzaintzak kamioi-gidari bat atxilotu du Etzegarate mendatean, N-1 errepidean aurkako noranzkoan gidatu, istripu bat eragin eta alkoholaren eraginpean gidatzeagatik. Baimendutako alkohol-tasa zazpi aldiz gainditu zuen gidariak.
Eusko Jaurlaritzaren Segurtasun Sailak ohar bidez gaur jakinarazi duenez, istripua 06:45ean gertatu zen. Kontrako norabidean zihoan kamioi-gidariak lur orotako ibilgailu batekin egin zuen talka, eta ibilgailuko hiru bidaiariak bertan harrapatuta gelditu ziren. Ondorioz, suhiltzaileek atera behar izan zituzten.
Zaurituak, 8 eta 43 urteko bi gizon eta 36 urteko emakume bat, Donostia Ospitalera eraman zituzten, eta errepidea itxita egon zen Donostiarako noranzkoan gaueko bederatziak arte.
Ondoren, Ertzaintzak zehaztu zuen kamioi-gidaria kontrako noranzkoan zihoala istripua izan zenean, eta alkoholaren eraginpean gidatzen ari zen zantzuak zituela.
Alkoholemia-proba egin ondotik, botatako aire litroko 1,13 eta 1,11 miligramoko alkohol-tasa eman zuen, eta kamioi-gidariek gehienez ere 0,15 miligramokoa eman dezakete.
Atxilotua (42 urte) gaur igaroko da epailearen aurretik.
Zure interesekoa izan daiteke
Ikerketaren arabera, Santanderren erori zen pasabideko torlojuak oso herdoilduta zeuden
El Bocal inguruan izandako istripuaren ondorioz Polizia Zientifikoak egindako ikuskapenaren arabera, euskarriek eta torlojuek korrosioagatiko degradazio handia zuten.
Beloradoko moja ohiak monasteriotik atera dira, horretarako epea amaitu baino ordu batzuk lehenago
Francisco Canals Beloradoko moja ohien bozeramaileak jakinarazi duenez, 02:46an atera dira monasteriotik. Hori egin aurretik, Laura Garcia de Viedma abadesa ohiak elizako aldarean zegoen azken kandela eta eraikineko argi guztiak itzali ditu.
Azkenekoz Fustiñanan ikusi zuten 17 urteko neska baten bila ari dira
Zabaldutako datuen arabera, 1,60 metro luze da, gorpuzkera mehea du, eta begi marroiak eta ile beltz luzea ditu.
Hiztunen Berdintasunaren Alde: "Gure plataforma ez dago inongo trama, konplot edo konspiraziorekin nahastuta"
Elkarteak defendatu du bere jarduera bakarra Osakidetzako langileen "lan-eskubideak defendatzea" dela, eta ziurtatu du "erkidegoko bigarren hizkuntza" den euskara "beti" errespetatzen dutela.
Ertzaintzak gizon bat atxilotu du Bilbon, emakume bati sexu-erasoa egiten saiatzeagatik
Biktimak jarritako salaketaren arabera, San Frantzisko kaleko atari batean sexu-erasoa egiten saiatu zen atxilotua, 42 urteko gizona. Sexu-askatasunaren aurkako delitua leporatuta atxilotu dute.
Epaiaren zain gelditu da Ekain Perrinoren aurkako eraso homofoboaren auzia, akusatuek deklaratu ostean
Asteazken honetan deklaratu dute hamaika akusatuek. Guztiek ukatu dute biktimaren aurkako irain homofoboak egin izana eta haren orientazio sexualagatik eraso egin izana. Batek onartu du biktimarekin borroka izan zuela, baina esan du ez zuela beste inork parte hartu.
Euskara Denontzat elkarteak onartu egin du Errenteriako lan-eskaintzaren kontrako helegitea jartzera animatu izana, baina ukatu egin du talde antolaturik dagoela
“Bizpahiru kasutan” laguntza eta defentsa juridikoa eskaini zutela dio Sabin Zubiri Euskara Denontzat elkartearen kideak, eta ikerketarekin “seinalamendu kanpaina” bat bultzatzea leporatu dio Argiari.
Miranda Ebroko sutea krimen matxista dela baieztatu du Marlaskak
Barne ministroak adierazi duenez, sutearen ustezko egilea eta horren bikotekide ohia, Dolores, 58 urtekoa, VioGen sisteman zeuden, baina ez bien arteko harremanagatik. Gizonezkoaren kasuan, 2007an egon zen erregistratua, eta emakumezkoaren kasuan, 2008an. Une honetan, ez zeuden aktibo VioGen sisteman.
Hiru emakume hil dira eta lau lagun zauritu, Miranda Ebron "nahita" eragindako sute batean
Agintariek baiztatu dutenez, bart 22:45 inguruan piztutako sutea "nahita" eragindakoa izan da; egileak poliza-etxean bere burua entregatu du eta atxilotu egin dute. Hildakoak 78, 58 eta 23 urteko hiru emakume dira.
Hizkuntza politikari buruzko "konspirazio teoriak" sortu nahi izatea eta lan eskubideak defendatzen dituztenak "seinalatzea" salatu du Euskadiko CCOOk
Sindikatuak zabaldutako ohar baten arabera, zenbaitek "existitzen ez den oldarraldi judizial" gisa aurkeztu nahi izan dituzte lan eskaintza publikoetako hizkuntza eskakizunen aurka jarritako helegiteak.