Gizon bat hil da etxegabetu eta atxilotu ondoren Oviedon
30 urteko gizon bat hil da etxegabetu ondoren Oviedoko Independencia kalean. Poliziak hildakoa atxilotu zuen agente bati kosk egin ostean.
Gizona atxilotu eta Asturiaseko ospitalera (HUCA) eraman zuten poliziek, oso urduri zegoelako. Gutxi geroago heriotzaren berri eman zuten.
Polizia Nazionalak jakitera eman duenez, 13:00ak aldera batzorde judizial bat Oviedoko Independencia kalera joan zen, etxegabetzearen berri emateko.
Hasiera batean, gazteak atea zabaltzeari uko egin zion. Batzorde judizialak poliziari abisua eman zion.
Poliziek gizonarekin hitz egin eta negoziatu ondoren, etxegabetuak atea zabaldu zuen. Hala, Oviedoko epaitegi batek agindutako etxegabetzearen berri eman zion idazkari judizialak.
Etxebizitza uzteko arazorik ez zuen jarri hasieran, baina oraindik batzorde judiziala bertan zela, jarrera aldatu eta polizia bati eraso egin zion. Polizia bati kosk egin zion hankan.
Kameralari bat Oviedoko Independencia kalean. Argazkia: EFE
Menderatu eta eskuburdinak jarri ondoren polizia-etxera eraman zuten, baina bidean arnas hartzeko zailtasunak eta oso urduri zegoela ikusi zuten poliziek, eta atxilotua HUCAra eramatea erabaki zuten, bertan artatzeko.
HUCAn hartu eta 20 minutu geroago heriotzaren berri eman zien ospitaleak poliziei. Hildakoa 2010etik bizi zen Oviedon eta kubatarra zen.
Bertsio kontraesankorrak
Hala ere, hildakoaren auzoko batek El Comercio de Oviedo egunkariari azaldu dionez, gazte etxegabetua "etxeko eskailera-buruan etzanda eta beroki batekin estalirik" ikusi zuen.
Osasun iturrien arabera, HUCAn gaztea artatu zuten medikuek heriotzaren akta sinatzeari uko egin eta auzitegiko mediku bati autopsia egiteko eskatu zioten.
Telebistan agerraldiak
Hildakoak dantza-akademia bat zeukan Oviedon anaiarekin batera, baina, horrez gain, telebistako hainbat saiotan agertzeagatik ere ezaguna zen, besteak beste Adán y Eva, Cámbiame edota Spain Got Talent.
.Zure interesekoa izan daiteke
Posible al da adimen artifizialaren garapena gelditzea?
Adimen artifiziala garatzen duten enpresa nagusietako buruek galga jartzeko eskaria egin dute azken aste hauetan, gizakion kontroletik ihes egiteko arriskua izan dezakeela eta. Baina posible al da? Eta zergatik adierazten dute orain beldur hori? Hainbat aditurekin zalantza hauek argitu ditugu.
Sutea piztu da Derion, Loiuko aireportutik oso gertu
20:30 aldera sutea piztu da Derion, Loiuko aireportutik oso gertu. Sua San Isidro auzoko baso batean piztu da, Aiartza mendian, eta oraingoz ez du eraginik izan aireportuaren funtzionamenduan. Suhiltzaileak lanean ari dira garrak itzaltzeko.
Gizon bat hil da Laidatxu hondartzan (Mundaka)
Gizonezkoa uretatik atera behar izan dute sorosleek, eta suspertzen saiatu diren arren, bertan hil da. Ez dakite zerk eragin duen heriotza.
Aldaketa asteartetik aurrera, eta euria asteazkenerako zein ostegunerako
Astearte goiza eguzkitsua eta beroa izango da, baina iluntzerako aldaketa iritsiko da eta asteazkenean tenperaturek nabarmen egingo dute behera. Euria egingo du bai asteazkenean baita ostegunean ere.
Zaldibiatik Ordiziarainoko bidea oinez egin dute dozenaka ikaslek eta gurasok, eskola garraioa ez kentzea eskatzeko
Iazko ekainean, Hezkuntza Sailak Zaldibiako ikasleen gurasoei jakinarazi zien 2026-27 ikasturtetik aurrera DBH3 eta DBH4ko gazteak eskola-garraiorik gabe geratuko zirela. Emandako arrazoia eskola batetik besterako distantzia izan zen.
Gustuko oporlekua lortzeko itxaropenez gerturatu dira Imsersoko lehen bidaiariak agentzietara
Nafarroan astelehen honetan hasi dira agentziak adinekoei zuzendutako bidaia horien erreserbak kudeatzen. Lehen egun honetan, Imsersorekin lehen aldiz oporretara joango direnek izan dute bidaia eskuratzeko aukera. EAEn asteazkenean hasiko dira.
EHUk urte akademikoa abiatu du, AAren arriskuez jakitun eta "eredu propioa" aldarrikatuz
Joxerramon Bengoetxea errektoreak azpimarratu du auzia ez dela adimen artifiziala "deabrutzea, harekiko erabateko mendekotasuna" saihestea baizik. Finantzaketari dagokionez, Juan Antonio Perez Iglesias sailburuak uste du "egingarria" dela bost urteko epean finantzazioa Europako mailara iristea.
Olarizuk agur esan dio udari, musika, babarrunak eta bertoko produktuak lagun
Iraganeko ohitura da Olarizukoa. Hiria mugatzen zuten mugarriak ikuskatzen hasi ziren agintariak, inguruko herriek lurra lapurtu ez zitzaten. XIX. mendearen erdialdean gertatu zen hori, eta gaur egun erromeria herrikoi bihurtu da tradizioa.
Emakume bat ikerketapean dago, Bilbon adingabe bat bahitzen saiatzeagatik
Adingabea lagunekin ari zen jolasten, eta banku batean eserita zegoen emakume bat hurbildu zitzaien. Senidea zela esanda, adingabea besotik heldu eta berarekin eramaten saiatu zen. Gurasoen lagun batzuek gertatutakoa ikusi zuten, eta adingabeari galdetu zioten emakumea ezagutzen ote zuen.
EHUk uste du lehendakariak ez diola "behar besteko balioa eman unibertsitate publikoari" ikasturte hasierako ekitaldian egoteari muzin eginez
Horixe adierazi du Ixone Fernandez de Labastida Arabako Campuseko errektoreordeak Radio Vitorian egindako elkarrizketa batean, Imanol Pradales lehendakariak ikasturte hasierako ekitaldietan Mondragon, Deustu eta EHU txandakatzeko hartu duen erabakiaren harira.