Adierazpen askatasunak polizia iraintzea babesten duela dio Alemaniak

Alemaniako Auzitegi Konstituzionalak ostiral honetan esan duenez, adierazpen askatasunak “A.C.A.B.” bezalako laburdurak babesten ditu. Ingelesez, “polizia guztiak alu hutsak” direla esan nahi du horrek.

Auzitegi Konstituzionalak dioenez, mespretxuzko adierazpen orokorrak dira horiek, eta, ondorioz, ez dute inolako deliturik suposatzen. Hala ere, “talde txiki bati” bideratutako irainak izango balira, delitua egon zitekeela gaineratu du.

Horregatik, Alemaniako bi futbol zalek erabili zuten laburdura hori ez duela inolako deliturik suposatzen ebatzi du. Izan ere, akusatuetako batek prakan zeraman “A.C.A.B.” akronimoa idatzita, eta, besteak, pankarta bat egin zuen laburdura horrekin.