Mendizale bilbotar bat hil da Benasqueko haranean
Madrilen bizi den 52 urteko mendizale bilbotar bat hil da gaur Benasqueko haranean (Huesca), Sacs izeneko via ferrata eskalatzen ari zenean, itxura denez. Aragoiko Pirinioetako ezagunenetakoa da via ferrata hori. Hildakoa 150 metrotik erori da, ikertzen ari dira zergatik.
Guardia Zibilaren iturriek Eferi jakitera eman diotenez, 11:15ean jaso dute dei bat 112 zerbitzuan, mendizale bat via ferrata horretan erori dela jakinarazteko.
Talde berezi bat bidali dute, baina ez dute istripua izan duen laguna aurkitu. Hori dela eta, via ferrata igotzeari ekin diote, eta ibilbidearen erdian topatu dute gorpua, 11:45ean. Ezin izan dute ezer egin haren bizitza salbatzeko, eta mendizalea hilda zegoela baieztatu besterik ezin izan dute egin.
Guardia Zibilaren laguntzarekin, Benasquera eraman dute gorpua, eta bertan egingo diote autopsia.
Iturri horiek nabarmendu dutenez, erreskate oso zaila izan da, lurraldea oso malkartsua baita.
"Oso minduta"
Gerora, espezialistek hildakoarekin zihoazen hiru mendizaleak eta istripua jazo den lekutik apur bat gorago zeuden beste lau lagun batu dituzte. Oso minduta zeuden guztiak, eta espezialisten laguntza jaso diete. Biktimarekin zihoan emakume bat helikopteroz eraman dute, shock egoeran baitzegoen.
Sacseko via ferrata klasikoa da mendizaleentzat, Pirinioetako eremu honetan; ibilbide luzekoa da, eta eskaladako azken zatian oso bertikala da.
Zure interesekoa izan daiteke
Isabel Aaiun, Boney M, Ojete Calor eta Shinova taldeek kontzertuak eskainiko dituzte 2026ko sanferminetan
Nafarroako hiriburuko Udalak aurtengo sanferminetan kontzertuak eskainiko dituzten artistetako batzuk ezagutzera eman ditu.
Gizon bat atxilotu dute Arrasateko ikasle-egoitza batean emakume bati sexu-erasoa egitea leporatuta
Ustezko bortxaketa joan den otsailean gertatu zen Arrasateko ikasle-egoitza batean, eta 22 urteko emakumeak ostiralean jarri zuen salaketa. Mondragon Unibertsitateak oharra zabaldu du gaur goizean, ikasle eta langileen artean bortxaketaren berri emateko, eta elkarretaratzeak deitu ditu eguerdiko 12:00etarako, unibertsitateko campus guztietan.
Insaustiren ustez, etxebizitza tasatua da Donostiako "klase ertainarentzako irtenbidea"
Donostiako alkatearen iritziz, etxebizitzaren prezioa tasatzea da klase ertainak Donostian etxebizitza bat eskuratu ahal izateko irtenbidea; izan ere, "etxebizitza babestua eskuratzeko baremoen gainetik dago, baina merkatu libreko prezioen azpitik".
Bi-30 errepidea normal antzean, auto-istripu batek Leioako errepidean eta Txorierriko igarobidean hainbat kilometrotako auto-ilarak eragin ostean
Hainbat ibilgailuk talka egin dute Bi-30 errepidean, eta horren ondorioz 3 pertsona artatu behar izan dituzte.
Babes ofizialeko etxebizitzen salerosketan egiten diren iruzurrekin amaitu nahi du Eusko Jaurlaritzak
Denis Itxaso sailburuaren hitzetan, oso zabalduta dago babes ofizialeko etxebizitzak iruzurrez saltzea, eta ezkutuan erosleari gainbalioa eskatzea. Babes ofizialeko etxeak espekulazioaren aurka egiteko sortu zirela defendatu du, eta praktika horien aurka gogor egingo dutela jakinarazi du.
40 urteko gizon bat atxilotu dute, Gasteizen, bikotekideari eta taberna bateko arduradunari erasotzeagatik
Gertaera joan den larunbat gauean izan zen, Oto etorbideko ostalaritza-establezimendu batean.
Donejakue Bideak erromesen arretarako bulego bat ireki du Iruñean
Orreaga eta Donibane Garaziren ostean, Donejakue Bideko lehen hiria da Iruñea, eta bertako Kale Nagusiko 6. zenbakian erromesentzako arreta bulego bat zabaldu dute. Bakarra da Estatu osoan (Santiago de Compostelakoaz gain).
AAk emozioak interpretatzen ditu dagoeneko, baina legea ez da egokitu oraindik, EHUren ikerketa batek ohartarazi duenez
Sistema horiek modu jarraituan funtzionatzen dute egiten duguna etengabe aztertzen eta gure portaerari buruzko ondorioak ateratzen, eta horrek zaildu egiten du gaur egungo kategorien arabera sailkatzea. Datuak Babesteko Espainiako Agentziaren saria jaso du ikerketak, eta Leire Escajedo EHUko Konstituzio Zuzenbideko irakasle eta ikertzaileak "teknologiak aurrera egiten duen azkartasunaren eta Zuzenbideak horretara egokitzeko duen gaitasunaren arteko desfasea" daogela azpimarratu du.
Pertsona bat hil da Guardian, trafiko istripuz
Ezbeharra A-124 errepidean gertatu da. Oraindik argitzeke dauden arrazoien ondorioz, Gasteizerako noranzkoan zihoan furgoneta bat errepidetik irten eta irauli egin da.
Eusko Jaurlaritzak informazio-kanpaina bat jarri du abian Euskadiko Etxebizitza Plan Integralaren neurri nagusiak azaltzeko
Kanal anitzeko estrategia da, eta Eusko Jaurlaritzak bizitegi-larrialdiari aurre egiteko abian jarritako neurri nagusiak herritarrei azaltzera bideratuta dago. Aurkezpena bat dator bihar, maiatzak 12, indarrean sartuko den etxebizitzaren arloko Premiazko Neurriei buruzko Dekretua argitaratu izanarekin.