Paul Abasolo futbolariaren fitxaketak polemika piztu du Portugaleten
Polemika eta arbuio soziala piztu dira Portugaleten (Bizkaia), herriko futbol taldeak fitxatu baitu Paul Abasolo, hiru sexu eraso egiteagatik epaileek kondenatu zuten futbolaria.
Hori horrela, EH Bilduk ostegun honetako udalbatzara eramango du gaia, eta futbolariaren kontratua etetea eskatuko du.
Koalizio abertzaleak azaldu duenez, Portugaleteko Mugimendu Feministak eskatuta aurkeztuko du ebazpena.
Mozio horretan, Paul Abasoloren fitxajea "irmo errefusatzeko" eta futbol klubari kontratua etetea eskatzeko deia egingo dio EH Bilduk Udalari.
Bizkaiko Lurralde Auzitegiak hiru urte eta hiru hilabeteko espetxe zigorra ezarri zion 2010an Paul Abasolori, 2006tik 2007ra hiru emakumeri sexu abusuak egiteagatik. Dena dela, 2011n, Espainiako Gobernuak indultua eman zion, eta haren espetxe zigorra bi urtera jaitsi zuen. Horregatik, futbolaria ez zen espetxean sartu.
Abasolok hainbat futbol taldetan jokatu du, tartean Sestao Riverren, Amurrion eta Zamudion. Athleticek ere helburu izan zuen, baina atxilotu egin zuten fitxatzeko zorioan zegoela, eta azkenean ez zen gauzatu operazioa.
Portugaleteko futbol taldeak adierazpen bat eskegi du bere webgunean, eta, horretan, jokalariaren alde agertu da. "Kondena beteta, guztiz gizarteratuta dago, bai giza alorrean, bai kirol alorrean", esan du.
Klubaren esanetan, Abasolok "gainerako herritarren eskubide eta betebehar berdinak ditu, eta inork ez du zilegitasunik herritar bati eskubideak ukatzeko".
Halaber, "aurrekari judizialak" izateagatik ez duela inor "baztertuko" ohartarazi du taldeak: "ez da bidezkoa futbolean aritzea galaraztea gizartearekin zuten zorra jada ordaindu duten eta gizarteratuta daudela erakutsi duten pertsonei".
Portugaleteko Mugimendu Feministak, baina, ohartarazi du jokalariari "indultua" eman ziotela, baina ez zutela "errugabe" jo. Gainera, gogorarazi du kirolaria ez dela inoiz "damutu", eta ez duela barkamenik eskatu. Horregatik, zalantzan jarri du "gizarteratuta" dagoenik.
EH Bilduk aurkeztutako mozioak beste eskaera bat du: "indarkeria matxistarekin lotura izan duten kirolarien fitxaketak errefusatzeko konpromisoa hartzea".
Zure interesekoa izan daiteke
19 urteko gazte bat atxilotu dute eta 17 urteko adingabe bat ikertzen ari dira Donostian izandako eraso batengatik
35 urteko gizon bat zauritu da hainbat pertsonaren arteko borroka batean. Atxilotuari hilketa saiakera egotzi diote.
Helikopteroz erreskatatu dute Gorbeia mendian istripua izan duen mendizale bat
14:15ean jakin du SOS Deiak 112 zerbitzuak emakume bat erori dela Zigoitia udalerriko Murua kontzejuko harrobietara jaisten ari zela. Ezbeharraren ondorioz, ezin zen ibili, orkatila hautsita omen zuelako.
Ilargi urdinarekin amaituko da igande honetan maiatza
Urteak 12 ilargi bete izaten ditu normalean. Bizpairu urtez behin, baina, 13. ilargi bete bat agertzen da zeruan, ingelesek "Blue Moon" deitzen diotena, eta maiatzaren 31 honetan gertatuko da hori.
Lore-eskaintza Kanadako Red Bay herrixkan lurperatuta dauden euskal arrantzaleei
Guztira 140 euskal arrantzale daude bertan lurperatuta, eta lehen aldiz omendu dituzte. Duela 500 urte baleak arrantzatzera joaten ziren bertara, eta ur horietan hondoratu zen San Juan baleontzia.
Ibilaldiak milaka euskaltzaleren erdigune bihurtu du Bilbo
Hiru gune nagusitan banatzen dira ekimenak: Txurdinagako kiroldegia musika- eta abentura-proposamenen agertoki bihurtu da; Europa Parkeak familia ugari bildu ditu, haurrentzako jarduerei esker; eta Kirikiño Ikastolak, berriz, tailerrak, jolasak, emanaldiak eta karaoke-saioak hartu ditu, besteak beste.
Lau pertsona atxilotu eta 10.000 botox-dosi atzeman dituzte Bizkaian, legez kanpoko klinika estetikoen aurkako operazio batean
Miaketak egin dituzte Bilbon, Basaurin, Galdakaon eta Barakaldon. Ikerketa Forondan hasi zen, baimendu gabeko osasun-produktuak eta sendagaiak atzeman zituztenean, eta polizia-operazioa Bartzelona, Asturias eta Las Palmas aldera ere zabaldu da.
Euskararen arnasgune bihurtuko da gaur Bilbo Kirikiño Ikastolak antolatutako Ibilaldiarekin
Igande honetan ospatuko dute Bizkaiko ikastolen jai handia Txurdinaga inguruan. Hiru gunetan banatuta, egun osoko egitarau zabala eta bizia egongo da gozagai.
Getxotik Sevillaraino bizikletaz, Jaime Lafitak erronka berria hasi du ELAri ikusgarritasuna emateko
Jaime Lafitak erronka berri bat hasi du gaur Getxon. "DalecandELA" elkarteak lagunduta, eta Tandem batean igota, Sevillaraino joango dira zortzi lagun bizikletaz, ELA Legea lehenbailehen aplikatzea eskatzeko. Bidean, Madrilen eta Sevillan, Death Valley. El valle de la muerte dokumentala aurkeztuko dute.
Mugimendu antimilitaristak protesta egin du Basaurin Sidenorren aurka, Gazako genozidioa salatzeko
Mugimendu antimilitaristako kideek protesta egin dute larunbatean Sidenorrek Basaurin duen egoitzaren aurrean, "herri palestinarraren aurkako genozidioan izan duen papera" salatzeko; izan ere, aktibisten esanetan, bertan ekoizten den altzairua “funtsezkoa” da Israelen arma-industria asetzeko. Ertzaintzak dozena bat ekintzaile identifikatu ditu.
Ehunka lagun bildu dira Errenterian, “Inpunitateari Stop, erasoen aurrean autodefentsa feminista” lelopean
Errenteriako eta Oiartzungo herritarrek bat egin dute Mugimendu Feministak egindako deiarekin, eta irmo salatu dute Xenpelar Bertso Eskolako irakasle batek, "ardi larruz jantzitako erasotzaile" gisa definitu dutenak, ustez hainbat urtez egindako erasoak.