Jendetza Leioan, neskato bati egindako sexu-erasoa gaitzesteko
Ehunka bizilagun bildu dira arratsalde honetan Leioako Bulebarrean, joan den asteartean adingabe baten aurka izandako sexu-erasoa gaitzesteko eta, oro har, indarkeria matxista salatzeko.
Erasoa Elexalde auzoan gertatu zen, astearte goizaldean, neskatoa festa batetik etxera zihoanean. Handik gutxira atxilotu zuten ustezko erasotzailea.
Elkarretaratzean Mari Carmen Urbieta alkatea, udaletxeko hautetsiak, Izaskun Landaida Emakundeko zuzendaria eta alderdi politikoetako ordezkariak izan dira.
Bost minutuko isilunea egin dute bilkuran, 'Berdintasunaren alde eta emakumeen aurkako indarkeriaren kontra' eta 'Nazkatuta gaude. Eraso sexistarik ez' lelopean.
Mugi Leioako Gazteak elkarteak agiri bat irakurri du gertatutakoaz “desengainatuta” eta “haserre” sentitzen direla esateko eta horrelako erasoak egiten dituztenak errespetatuko ez dituztela ohartarazteko.
Elkarretaratzea amaituta, Izaskun Landaidak Emakunderen babesa eskaini die biktimari eta haren familiari, eta azpimarratu du emakumeen aurkako indarkeria “berdintasun faltaren adierazle basatiena” dela.
Segurtasun Sailaren arabera, sexu askatasunari lotutako delituak % 13ko beheraka izan dute. “Datu positiboa da hori, baina erasoak hor daude eta horrek erakusten du lanean jarraitu behar dugula”, erantsi du.
“Arazo larri honi aurre egiteko ezinbestekoa da gizartearen inplikazioa eta jarrera aktiboa”, nabarmendu du Landaidak. Ildo horretan, Leioak bizilagunek emandako erantzuna eta sexu-erasoaren kontrako mobilizatu izana goraipatu du.
Bestalde, Mari Carmen Urbieta alkateak erabat arbuiatu du erasoa eta biktimari eta haren familiari laguntzeko Udalaren bitarteko guztiak martxan jarri dituztela iragarri du.
“Une gogor honetan, familiak aholkuak behar ditu, hartu beharreko erabakiak eta neurriak hartzeko”, esan du Urbietak.
Ustezko erasotzailea, aske
Bitartean, neskatoari sexu-erasoa egitea egotzita atxilotutako gaztea aske utzi du gaur epaileak.
18 urteko gizona erasoa egin eta gutxira atxilotu zuen Ertzaintzak, asteartean.
Segurtasun Saileko iturrien arabera, erasoa 02:45ean inguruan gertatu zen, adingabea etxera bidean zihoanean, festa batean izan ostean.
Abisua jaso eta gero, Ertzaintza erasoaren lekura bertaratu zen eta, handik minutu gutxira, 03:30 aldera, ustezko erasotzailea identifikatu eta atxilotu zuen, Leioan bertan. Gizonezko gaztea Getxoko Epaitegira eraman zuten eta gaur epaileak aske utzi du.
Biktima Gurutzetako Ospitalera eraman zuten, eta han auzitegiko medikuak artatu zuen. Neskatoa etxean da jada.
Albiste gehiago gizartea
Zizurko Mugimendu Feministak indarkeria matxistaren aurkako egiturazko neurriak eskatu ditu
Talde feministak elkarretaratzea deitu du Zizur Nagusian udalerriko emakume baten hilketa gaitzesteko. Berdintasun Ministerioak gaur baieztatu du genero indarkeria kasu bat dela.
Zikloturista bat harrapatu eta ihes egin zuen gidari bat atxilotu dute Erandion
Istripua eragin ondoren, ihes egin zuen eta ibilgailuari su ematen saiatu zen, atxiloketa oztopatzeko.
Williams anaiek ukatu egin dute "inolako deliturik egin izana" luxuzko auto bat erostean
Erosketarekin lotutako ustezko iruzur bati buruz Agoitzeko epaitegi batean jarritako salaketa asteazkenean zabaldu zuten hedabide batzuek, Iñaki Williams Athleticeko kapitainak ultraeskuinari buruz egindako adierazpenen biharamunean.
Tigre-eltxoek kutsatzen duten chikungunya gaitzaren kasu bat agertu da Lapurdin
Hendaian bizi den gizon bat da gaixoa. Azken 15 egunetan ez du bidaiatu eta, beraz, bertan kutsatu dela susmatzen dute. Ez dago larri. Hendaiako Udalak iragarri du desinfekzio lanak egingo dituela larunbat gauean. Eusko Jaurlaritzako Osasun Sailak kontrol neurriak areagotzeko eskatu die Bidasoaldeko udalei.
Zaramagak horma-irudi berri batekin gogoratuko du 1976ko martxoaren 3a
30 pertsonako artista taldea ari da Gasteizko auzo horretan zegoen aurreko murala ordezkatuko duen irudi berria prestatzen.
42 urteko gizon bat atxilotu dute Gasteizen, bikotekide ohiari botilaz mehatxu egiteagatik
Biktimaren arabera, biek eztabaida izan zuten, haren etxebizitzan, eta elkarrekin borrokatu ziren. Gizonak mehatxu egin zuen eta liskarrak kalean jarraitu zuen, oinezko batzuek gizonari alde eginarazi zioten arte.
Berdintasun Ministerioak baieztatu du Zizur Nagusiko hilketa genero indarkeria kasu bat dela
Aldez aurretik ez zegoen indarkeriagatiko salaketarik ustezko erasotzailearen aurka. Espainiako Estatuan indarkeria matxistak aurten hildako emakumeak 23 dira dagoeneko, eta, guztira, 1.317 dira biktimak zenbatzen hasi zirenetik, 2003tik.
Sei haur gazatar artatuko dituzte Euskal Herriko ospitaleetan
Horietatik hiru Gurutzetako Ospitalera eramango dituzte, bi, Donostiako Ospitalera, eta seigarren bat Nafarroako Ospitalean artatuko dute. Zaragozako aireportu militarrera iritsiko dira arratsaldeko 18:00ak inguru, gaur goizean Jordaniako hiriburutik, Amanetik atera den hegaldi batean.
Amaitu egin da EuskarAbentura, Getxon, Euskal Herrian zehar hilabete eman ondoren
15 eta 17 urte bitarteko ehun gaztek baino gehiagok Euskal Herria oinez zeharkatu dute, euskararen erabilera sustatu, kultura ezagutu eta hizkuntzaren etorkizunarekin konprometitutako hiztun sarea eraikitzeko.
Jacob Elordi aktorearen aitona Ondarroatik Australiara joan zen, azukre-kanabera plantazioetan lan egiteko
1958 eta 1963 artean, Espainiako pasaportea zuten ia 8.000 langile Australiara joan ziren, azukre-kanaberaren plantazioetan lan egitera; 2.500, euskal herritarrak. Gaur egun, migratzaile haien ondorengoek eta harrezkero iritsitakoek komunitate sendoa osatzen dute Queenslanden. Joaquin Elordiren kasua da, Jacob Elordi aktore ospetsuaren aitona.