Leioako adingabearen ustezko erasotzailea, aske
Leioan (Bizkaia), astearte goizaldean adingabe bati sexu-erasoa egitea egotzita atxilotutako gaztea aske utzi du epaileak.
18 urteko gizona erasoa egin eta gutxira atxilotu zuen Ertzaintzak, asteartean.
Segurtasun Saileko iturrien arabera, erasoa 02:45ean inguruan gertatu zen. Adingabea etxera bidean zihoan, festa batean izan ostean.
Abisua jaso eta gero, Ertzaintza erasoaren lekura bertaratu zen eta, handik minutu gutxira, 03:30 aldera, ustezko erasotzailea identifikatu eta atxilotu zuen, Leioan bertan. Atxilotua gizonezko gazte bat da, eta Getxoko Epaitegira eraman zuten.
Biktima Gurutzetako Ospitalera eraman zuten, eta han auzitegiko medikuak artatu zuen. Neskatoa etxean da jada.
Sexu-erasoa gaitzesteko elkarretaratzea deitu dute 19:30ean
Leioako Udaleko Bozeramaile Batzordeak sexu-erasoa gaitzesteko elkarretaratzea deitu du gaur, 19:30ean, Avanzadako Bulebarrean. Halaber, emakumeen kontrako indarkeria kasuen aurrean isilik ez gelditzeko deia egin die herritarrei.
Horrez gain, Udalak adierazpen instituzional bat onartu du gertatutakoa salatuz, eta "gaitzespen eta konpromiso jarrera bera" hartzeko eta emakumeen kontrako indarkeria ez onartzeko dei egin die herritarrei.
Bestalde, halakoen kontrako ekitaldietan parte hartzeko eta "emakumeen eta gizonezkoen arteko berdintasun balioak txertatzeko" gonbita egin die herritarrei.
Gertatutakoaren aurrean, Leioako Udalak ohar bat argitaratu zuen atzo bere webgunean erasoa gaitzesteko: "Leioako Udalak atzo gauean Leioako adingabeko neska batek jasandako eraso sexista gogorra erabat gaitzesten du".
Oharrean jasotzen zenez, Udalak "emakumeen askatasun sexualaren kontrako eraso guztiak salatzen ditu baina, bereziki, adingabekoen kontrakoak, kasu honetan bezala".
Emakundek Leioako sexu-erasoa gaitzetsi du
Izaskun Landaida Emakundeko zuzendariak Leioako sexu-erasoa "irmoki gaitzetsi" du, eta Leioako Udalarekin harremanetan dagoela adierazi du kasuaren jarraipena egin ahal izateko.
Emakumearen Euskal Erakundeak bere babesa eskaini dio biktimari, eta emakumeak salaketa berehala jarri izanaren garrantzia azpimarratu du, aurreikusitako protokoloak martxan jartzea ahalbidetu zuela argudiatuta.
Ildo horretan, gogoratu du Emakunderi dagokiola indarkeria matxistari lotutako hilketa kasuetan protokoloak martxan jartzea eta Udalari, ostera, sexu-erasoen kasuan.
________________________
Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak edota deitu telefono hauetako batera: 900 840 111 (Euskadin) edo 016 (Estatu osoan); doakoak dira eta ez dute arrastorik uzten fakturan.
uzten fakturan. uzten fakturan. uzten fakturan.Albiste gehiago gizartea
Zizurko Mugimendu Feministak indarkeria matxistaren aurkako egiturazko neurriak eskatu ditu
Talde feministak elkarretaratzea deitu du Zizur Nagusian udalerriko emakume baten hilketa gaitzesteko. Berdintasun Ministerioak gaur baieztatu du genero indarkeria kasu bat dela.
Zikloturista bat harrapatu eta ihes egin zuen gidari bat atxilotu dute Erandion
Istripua eragin ondoren, ihes egin zuen eta ibilgailuari su ematen saiatu zen, atxiloketa oztopatzeko.
Williams anaiek ukatu egin dute "inolako deliturik egin izana" luxuzko auto bat erostean
Erosketarekin lotutako ustezko iruzur bati buruz Agoitzeko epaitegi batean jarritako salaketa asteazkenean zabaldu zuten hedabide batzuek, Iñaki Williams Athleticeko kapitainak ultraeskuinari buruz egindako adierazpenen biharamunean.
Tigre-eltxoek kutsatzen duten chikungunya gaitzaren kasu bat agertu da Lapurdin
Hendaian bizi den gizon bat da gaixoa. Azken 15 egunetan ez du bidaiatu eta, beraz, bertan kutsatu dela susmatzen dute. Ez dago larri. Hendaiako Udalak iragarri du desinfekzio lanak egingo dituela larunbat gauean. Eusko Jaurlaritzako Osasun Sailak kontrol neurriak areagotzeko eskatu die Bidasoaldeko udalei.
Zaramagak horma-irudi berri batekin gogoratuko du 1976ko martxoaren 3a
30 pertsonako artista taldea ari da Gasteizko auzo horretan zegoen aurreko murala ordezkatuko duen irudi berria prestatzen.
42 urteko gizon bat atxilotu dute Gasteizen, bikotekide ohiari botilaz mehatxu egiteagatik
Biktimaren arabera, biek eztabaida izan zuten, haren etxebizitzan, eta elkarrekin borrokatu ziren. Gizonak mehatxu egin zuen eta liskarrak kalean jarraitu zuen, oinezko batzuek gizonari alde eginarazi zioten arte.
Berdintasun Ministerioak baieztatu du Zizur Nagusiko hilketa genero indarkeria kasu bat dela
Aldez aurretik ez zegoen indarkeriagatiko salaketarik ustezko erasotzailearen aurka. Espainiako Estatuan indarkeria matxistak aurten hildako emakumeak 23 dira dagoeneko, eta, guztira, 1.317 dira biktimak zenbatzen hasi zirenetik, 2003tik.
Sei haur gazatar artatuko dituzte Euskal Herriko ospitaleetan
Horietatik hiru Gurutzetako Ospitalera eramango dituzte, bi, Donostiako Ospitalera, eta seigarren bat Nafarroako Ospitalean artatuko dute. Zaragozako aireportu militarrera iritsiko dira arratsaldeko 18:00ak inguru, gaur goizean Jordaniako hiriburutik, Amanetik atera den hegaldi batean.
Amaitu egin da EuskarAbentura, Getxon, Euskal Herrian zehar hilabete eman ondoren
15 eta 17 urte bitarteko ehun gaztek baino gehiagok Euskal Herria oinez zeharkatu dute, euskararen erabilera sustatu, kultura ezagutu eta hizkuntzaren etorkizunarekin konprometitutako hiztun sarea eraikitzeko.
Jacob Elordi aktorearen aitona Ondarroatik Australiara joan zen, azukre-kanabera plantazioetan lan egiteko
1958 eta 1963 artean, Espainiako pasaportea zuten ia 8.000 langile Australiara joan ziren, azukre-kanaberaren plantazioetan lan egitera; 2.500, euskal herritarrak. Gaur egun, migratzaile haien ondorengoek eta harrezkero iritsitakoek komunitate sendoa osatzen dute Queenslanden. Joaquin Elordiren kasua da, Jacob Elordi aktore ospetsuaren aitona.