Lagun bat atxilotu dute Bilbon jihadismoaren aurkako operazio batean
Guardia Zibilak 44 urteko aljeriar bat, S.M., atxilotu du gaur Bilbon, jihadismoaren kontrako operazio batean, Espainiako Barne Ministerioak ohar batean jakinarazi duenez. Auzitegi Nazionalera bidean da atxilotua, Guardia Zibilak haren etxea miatu ostean.
Atxilotuari ISISen propaganda zabaltzea, jarraitzaileak doktrinatzea eta terrorismoa goratzea egotzi diote. Barne Ministerioaren arabera, aurretik ere izan du harremanik muturreko taldeekin. Al Kaedaren alde dirua biltzeko eta talde terroristari babes logistikoa emateko jardunetan nahasita egon omen zen, horren esanetan. "Azken hilabeteetan, gainera, are gehiago erradikalizatu da", eta ia ez da etxetik atera.
Azken boladan interneten aritu da gizona, eta Facebook sare sozialean zituen hainbat profilen bitartez ISISek egindako propaganda zabaltzea egotzi diote. Partekatutako eduki batzuk "oso bortitzak" ziren, Ministerioaren arabera. Sarera konektatzeko segurtasun neurri zorrotzak erabili omen ditu, eta horrek esan nahi du ISISen ekoizpen mediatikoa zabaltzeko sareak ondo ezagutzen dituela, betiere ikerketaren arduradunen hitzetan.
Zabaldutako edukien artean, "federik gabeko pertsonen heriotza justifikatzekoak eta martiria goratzekoak" ageri dira bereziki. 'Txakur' deitzen die.
Atxilo hartutako gizonak Facebooken dituen lagunen artean, droga trafikoarekin lotutako gaizkileak eta EBn terrorismoagatik ikertutako pertsonak omen daude. Hain justu, kontaktu horiek ikertzeari ekin dio Guardia Zibilak, ikerketa lerro berriak zabal daitezkeelakoan.
Operazioa Guardia Zibilaren Informazio Zerbitzuak egin du, Auzitegi Nazionaleko Fiskaltzak eta 2. Instrukzio Epaitegiak zuzenduta, eta oraindik ez dute bukatutzat eman.
eman.
Zure interesekoa izan daiteke
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.
Euskalmeten arabera, urria "oso lehorra" izan da: ohiko prezipitazioen erdia egin du
Arabako zenbait eremutan, mende honetan izan den "urririk beroena eta lehorrena" izan dute, eta batez besteko tenperatura ohi baino 1,2 ºC gorago egon da.
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.
Horrelakoa da NEIKERren Euspen Biologikoko 3. mailako laborategia (NCB3)
NEIKER Nekazaritza Ikerketa eta Garapenerako Euskal Erakundeak erabat berritu du Euste Biologikoko 3. Mailako Laborategia (NCB3), P3 laborategi gisa ere ezaguna, Derioko egoitzan. Aurrerapen hori funtsezkoa da tuberkulosia eta hegazti gripea eragiten dituzten arrisku handiko agente patogenoen azterketan, besteak beste.
Segurtasun Sailak abisu bereziak ezarriko ditu kostaldean ostegunean eta ostiralean, olatuengatik
Abisu horiek asteazken honetarako daudenei gehitu behar zaizkie; gaur indarrean dira abisuak baso-suteengatik, haize-bolada bortitzengatik eta, arratsaldeko hirurak eta bostak bitartean, kostaldean, olatuengaik, bi metrorainoko olatuak izango baitira.
Bizkaiko DYAko presidente ohiak epaiketan ukatu egin du erakundearen dirua desbideratu izana
Fernando Izaguirrek ziurtatu duenez, bere asmo bakarra Kataluniako osasun-garraioaren sektorean erakundearen jarduera indartzea zen, baina "dena alferrik izan zen".
Pablo Ibarren auziko epaileak erabaki du lekuko berria nor den isilpean gordetzea
31 urte bete dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita biziarteko kartzela zigorrera kondenatu zuten. Hala ere, berak errugabea dela dio.
Sei urteko kartzela zigorra ezarri diote Eric Olhats entrenatzaile ohiari, adingabeei sexu-erasoak egiteagatik
Espetxe zigorraz gain, Aviron Bayonnaiseko entrenatzaile eta Realeko behatzailea izandakoak ezingo du adin txikikoekin lan egin eta kirol eremuetara joateko debekua ere jarri diote. Epaiaren berri izan ondoren, Alain Larrea defentsa abokatuak ez du baztertu helegitea jartzea.
Txorierriko igarobidea ohikora itzuli da, goiz korapilatsu baten ostean
Zortzi ibilgailuren arteko istripua gertatu da goizeko lehen orduan, eta ilarak A-8ra, Arrontegira eta Artatzako errepidera ere iritsi dira. Dena den, trafikoa bere onera etorri da 10:00ak baino lehen.
Eric Olhatsek adingabeei sexu-erasoak egin izana ukatu du epailearen aurrean, Baionan
1997-2022 urte artean sei adingaberi sexu-erasoak egitea leporatuta, gaur epaitu dute Aviron Bayonnaisen entrenatzaile eta Realaren ikuskatzaile ohia. 10 urteko espetxe-zigorra eta 150.000 eurorainoko isuna jaso dezake.