'Justizia kenduko digute, baina denek dakite zer gertatu zen'
"Justizia kenduko digute, baina denek dakite zer gertatu zen", adierazi du Manuel Cabacas Iñigo Cabacasen aitak. Ertzain batek jaurtitako pilota batek jota hil zen Iñigo Cabacas Athleticeko jarraitzailea 2012ko apirilean.
Cabacas auziaren instrukzioa egiten ari den Bilboko 10. Instrukzio Epaitegiko epaileak bi ertzain lekuko gisa deklaratzera deitu ditu gaurko. 2012ko apirilaren 5ean gertaerak jazo ziren tokian kalez jantzita zeuden bi ertzain dira deklaratzera deitu dituztenak.
Lekukoen testigantza hasi baino lehen Manuel Cabacasek hedabideen aurrean adierazi duenez, "Justizia ez da denontzat berdina". Hala ere, bi ertzainen gaurko deklarazioak kasuari ekarpenen bat egingo dion itxaropena agertu du. "Ea zorte pixka bat dugun eta (deklarazioak) mesede egiten digun; izan ere, orain arte kontrakoa gertatu da", esan du.
Jone Goirizelaia Cabacas familiaren abokatuak bi ertzain horiek deklaratzera deitzeko eta froga berriak egiteko eskatu zuen. Cabacas auzia instrukzio fasean dago oraindik.
Familiaren abokatua pozik agertu da, baina ñabardurak egin dizkio poztasun horri. Goirizelaiak azaldu duenez, izan beharko lukeen jokabidearen kontrakoa izaten ari da fiskala; izan ere, "ikerketa bultzatu behar du eta froga berriak eskatu".
Goirizelaiaren esanetan, fiskalak ez du instrukzioa bultzatu, alderantziz, kontra azaldu izan da.
Bestalde, bi ertzainek gaur deklarazioan esaten dutenaren arabera erabakiko omen dute froga gehiago eskatu ala ez.
Zure interesekoa izan daiteke
Riglosko sutea "datozen orduetan" kontrolatuko dute
Ostiral honetan, sua kontrolatutzat emateko falta diren gune beroak itzaltzen saiatuko dira, eta Santa Cruz de la Serosko bizilagunak, aterperik gabe zeuden bakarrak, etxera itzuli ahal izango dira.
Bilboko Aste Nagusian galdu ezin diren 5 ekitaldi
Bost plan proposatzen dizkizugu Bilboko Aste Nagusiaz gozatzeko. Galdu ezin dituzun ekitaldiak dira: pregoia eta jaien hasierako txupinaren jaurtiketa, txosnak, lehiaketa gastronomikoak edo balearen ohiko desfilea
Bilboko Aste Nagusiko lehen kartela, 1978an sortua, egia bihurtuko da igande honetan
Ekitaldia Areatzan egingo da, eta zapi urdinak banatuko dituzte bertan, urte hartan jaien ikur gisa zabaldu baitziren.
Herritarrak konfinatu dituzte hainbat orduz Pasaiako portuan piztutako sute baten ondorioz sortutako keagatik
Sua gaur goizean piztu da Pasaiako portuko desegite-gune batean, eta, batez ere, autoak eta bateriak erre dira. Ke-laino handiaren ondorioz, larrialdi zerbitzuek ES-Alert bat aktibatu eta konfinamendua eskatu dute, batez ere Lezoko herritarrei. Airearen kalitatea normala zela egiaztatu ondoren kendu dute abisua.
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.