Beira-birziklapenak % 1,1 egin zuen gora Euskadin 2016an
Iaz 57.978 tona beira birziklatu ziren Euskadin edukiontzi berdeen bidez, 2015ean baino % 1,1 gehiago. Ecovidriok beira-ontzien hondakinen birziklatzea kudeatzeaz arduratzen den irabazi-asmorik gabeko elkarteak 221 milioi ontzi bildu zituen gaika: 101 ontzi pertsonako.
Datu horiek ikusita, Euskal Autonomia Erkidegoa birziklatzearen abangoardian mantendu dela azpimarratu du Iñaki Arriola Eusko Jaurlaritzako Ingurumen, Lurralde Plangintza eta Etxebizitza sailburuak, gaur goizean Gasteizen emandako prentsaurrekoan. Arriolaren esanetan, "euskal gizarteak ingurumenarekin duen konpromisoa ez da adierazpen erretorikoetara mugatzen". Izan ere, "ingurumena zaintzen laguntzen duten jarrerak eta jokabideak dira adierazgarrienak, gure bizimoduak ingurunean eragin ditzakeen kalteak ahalik eta gehien murrizteko".
Hala, Iñaki Arriolak azaldu duenaren arabera, edukiontziak bildu eta birziklatuz gero, "elementu horiek sortzen duten kutsadura ekidin dezakegu". "Gainera, berriz erabilita, ingurumena zaindu ez ezik, klima-aldaketaren aurka borroka egin dezakegu", azaldu du.
2012 eta 2016 bitartean, edukiontzian jasotako beira % 6 igo da Euskadin -54.666 tonatik 57.978 tonara-; biztanleko tasa, aldiz, 24,9 kilokoa zen 2012an eta 26,2 kilokoa 2016an.
Datuak lurraldez lurralde aztertuz gero, Gipuzkoan birziklatu zen beira gehien 2016. urtean: 35,7 kilo batezbeste. Araban eta Bizkaian baino gehiago. Halaber, sailburuak aipatu duenez, estatu espainiarreko gainerako erkidegoekin alderatuta, Gipuzkoa da gehian birziklatzen duena.
Zure interesekoa izan daiteke
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.