'Cabacas auzia' artxibatzeko eskatu du fiskalak
Bizkaiko Fiskaltzak "Cabacas auzia" artxibatzeko eskatu du, Athleticeko jarraitzailea hil zuen gomazko pilotakada nork jaurti zuen jakiteko frogarik ez dagoela iritzita.
Ana Torres Bilboko 10. Instrukzio Epaitegiko titularrak ahozko epaiketa hasteko autoa kaleratu zuen martxoaren 31n, hain zuzen ere, hiru ertzainen kontrako ekinbideak hastea eta beste hiru ertzainen kontrako ekinbideak artxibatzea erabaki zuen. Aldi berean, beren iritzia plazaratzeko eskatu zien aldeei, hots, ahozko epaiketa hasteko edo auzia artxibatzeko. Iñigo Cabacasen defentsak sei ertzain auzipetzea eskatu zuen, zuhurtziagabekeriazko giza hilketa leporatuta.
Ministerio publikoaren hitzetan, instrukzioan zehar ahaleginak egin diren arren ez da posible izan argitzea Ertzaintzaren zein agentek jaurti zuen Iñigo Cabacas hil zuen pilotakada.
Gaineratu duenez, egile materialen eta nagusien artean hierarkia harremana egonagatik, ez du esan nahi nagusiak ertzainen jarduna agindu, baimendu edo ezagutzen zuenik.
Ildo horretan, nabarmendu du ezin izan dela erantzukizun penala izan dezakeen bestelako autoretzarik zehaztu, Espainiako Konstituzioko 106. artikuluak jasotzen duen bezala.
?Epaiketa abiatzea beharrezkoa da inpunitatearekin amaitzeko?
?Iñigorekin justizia egiteko eta inpunitatearekin amaitzeko? Athleticeko jarraitzailearen hilketa argitzeko epaiketa abiatu beharra dagoela azpimarratu du ostiral honetan Iñigo Cabacas Herri Ekimenak.
?Ertzaintzak jaurti zuen gomazko pilotakada batek? Iñigo Cabacas hil zuenetik bost urte igaro direla gogora ekarri du plataformak, eta Fiskaltzaren jarrera behin eta berriro kritikatu dutela azpimarratu du.
?Nola izan liteke hain lotsa gutxi izatea? Bost urte igaro dira jada, eta instrukzio epaileak emandako epaian argi utzi zuen Iñigo Cabacas hiru furgonetetako arduradunen arduragabetasunagatik hil zela; zehatz-mehatz esanda: proportzionaltasun, zuhurtzia eta segurtasun printzipioak errespetatu gabe?, gaineratu du Iñigo Cabacas Herri Ekimenak.
Arrazoi horregatik, Iñigo Cabacas auzia ezin dela artxibatu esan dute, eta inpunitatearekin amaitzeko epaiketa abiatzea beharrezkoa dela nabarmendu dute. Alabaina, Athleticeko jarraitzailearen hilketaren erantzule guztiak ez dituztela auzipetu esan dute.
Zure interesekoa izan daiteke
Influencerren amaiera al da?
Azken egunotan, Instagram eta TikTok bideoz bete dira 'lifestyle' eduki sortzaileen amaieraz hitz eginez. Baina, influencer-en amaiera al da? Alex Padilla lankidearekin aztertu dugu gaia.
Bilboko Aste Nagusiko lehen kartela, 1978an sortua, egia bihurtuko da igande honetan
Ekitaldia Areatzan egingo da, eta bertan zapi urdinak banatuko dira, urte horretan bertan jaien ikur gisa ezarri zirenak.
Herritarrak konfinatu dituzte Pasaiako portuan piztutako sute baten ondorioz sortutako keagatik
Pasaiako portuan izandako sute batek eragindako keak Lezo eta inguruko biztanleei eragin diezaieke, eta, ondorioz, larrialdi zerbitzuek ES-Alert bat bidali dute bizilagunei konfinatzea eskatzeko.
Berehalako trafiko-kontrolak ezarri dituzte Oiartzunen eta Irunen, hirigunean zirkulazio-arazoak saihesteko
Ertzaintzak Oiartzungo landa-bideetako sarbideak zainduko ditu bereziki, mugan harrapatutako ibilgailuek ordezko bideak erabil ez ditzaten. Irunen, Udaltzaingoak iragazkiak ezarriko ditu, igarobideko trafikoak hirigunea kolapsatu ez dezan. Ostegun honetan, 10 kilometrorainoko auto-ilarak sortu dira Biriatun, Baionarako noranzkoan.
Hamar urteko mutiko bat hil da Burlatako etxebizitza batean izandako sutearen ondorioz
Sua hartu duen eraikineko hirugarren solairuko leihoetako batetik erori da eta ospitalera eraman dute, larri, kolpe ugarirekin.
14 dira Donostiako gozoki-saltzailearen sexu-erasoen biktimak
Ertzaintza 6 urteko epea ikertzen ari da, salatutako gertakarietako batzuk 2020koak baitira. Ustezko egilea behin behineko espetxealdian dago uztailaren hasieratik.
Anboto mendian 30 metroko altueratik erori ostean erreskatatutako 18 urteko emakume bat hil da
Istripua atzo, asteazkena, gertatu zen. Bi lekukok eman zuten abisua, gailurraren iparraldean biktima bihotz-arnasketako geldialdian zegoen bitartean, haren ondoan laguntza eske oihuka ari zen mutil bat prismatikoekin ikusi ostean. Gaur hil da gaztea, Gurutzetako ospitalean.
Urzainkiko suteak aktibo jarraitzen du, eta garrak perimetratzea da orain lehentasuna
Iñaki Elias Nafarroako suhiltzaileen buruak esan duenez, ez dago arriskurik herritarrentzat, baina eremu oso malkartsua izateak asko zailtzen ditu sua itzaltzeko lanak. Azken orduetan 4x4 ibilgailuentzako eta mangerentzako bideak irekitzea lortu dute, eta, horri esker, errazago heldu ahal izango diote suari, lurrez; airez, zortzi helikoptero ari dira lanean.
Enpresen iruzurrerako sare bat desegin dute Bilbon eta Castron
Guardia Zibilak bost pertsona atxilotu ditu talde kriminaleko kide izatea, iruzur egitea, dirua zuritzea, dokumentuak faltsutzea eta egoera zibila usurpatzea egotzita.
Izarrako igerilekua gaur itxi dute, ur eskasia dela eta
Urkabustaizko Udalak (Araba) udal igerilekuen denboraldia ohi baino lehenago ixtea erabaki du, ur kontsumo handia eta akuiferoen agortzea tarteko.