'Nuggets'ak urtebetez doan izatea eskatu eta bertxio marka hautsi du
Carter Wilkersonek (16 urte, Reno, Nevada) 'nuggets'-ak urtebetez doan izateko laguntza eskatu zuen Twitterren, eta historia osoan gehien hedatutako txioa izan da, 3.522.977 bertxiorekin (albistea egin den unean), Elen DeGeneresek Oscarretako 2014ko sari banaketan aireratutako txioa (ia 3,5 milioi lortu ditu) gaindituta.
Orain dela hilabete inguru bururatu zitzaion 16 urteko mutikoari ekimena. Twitter bidez galdetu zion Wendy's otordu lasterrak prestatzen dituen enpresari zenbat bertxio beharko lituzkeen urtebetean 'nuggets'-ak doan izateko. Wendy'sek berehala erantzun zuen, umore onez: "18 milioi"; orduan "egintzat eman ezazue", erantzun zien.
Argi denez, enpresak ezin zuen imajina Wilkersonek komunitate birtualari laguntza eskatuz txiokatutako pantaila-kapturak hartuko zuen neurria. "Lagun nazazue mesedez. Gizon batek 'nuggets'-ak behar ditu" txioa 3,5 milioi bider baino gehiagotan bertxiotu dute, 16 urteko nerabe horrentzat ezinezko zirudiena errealitate bihurtuta.
Elur-pilota gero eta handiagoa egin da, eta Apple, Microsoft, Amazon eta Google munduko enpresa handienetakoak ere, besteak beste, Wilkersonen kanpainan lagundu dute.
Atzo, asteartea, Guinness Errekorren organizazioak baieztatu egin zuen Carterrek egindakoa, DeGeneresen bertxio kopurua gaindituta. DeGeneresek, duela aste batzuk, bere marka arriskuan zegoela ikusita, Bradley Cooperrekin agertu zen "errekorra ez galtzeko laguntza eskatzeko".
Arrakastak ospea ere ekartzen du eta Carter Wilkersonek dozenaren bat edo beste jarraitzaile bazuen ere, orain milaka ditu eta mundu osoan ezagutzen dute.
Bertxio errekorra gaindituta, wendy'sek 100.000 dolar eman ditu adopzioan laguntzeko fundazio bati, aurretik promestu zuena beteta. Halere, ikusteko dago Wilkersonek 'nuggets'ak lortuko ote dituen.
Zure interesekoa izan daiteke
ENBAk plan bat eskatu du baserri guztiak urez hornitu ahal izateko
Xabier Iraola nekazarien sindikatuko bozeramaileak zehaztu duenez, 5.000 baserri inguru daude Araban, Bizkaian eta Gipuzkoan ur-hornidurako sare publikotik kanpo. Udako lehorteen ondorioz, gero eta gehiago pairatzen dute ur-falta.
4,7ko beste lurrikara batek Granada astindu du, hiru zauritu eta Alhambra itxita utzita
Granadan 4,7ko indarreko beste lurrikara bat izan dute, eta hiru pertsona arin zauritu dira, tartean adin txikiko bat. Granadako Gojar herrian egon da epizentroa, baina Andaluziako beste lurraldeetan ere igarri da. Granadako monumentuak itxi egin behar izan dituzte badaezpada, Alhambra bera ere bai.
Epaileak 24 urteko espetxe-zigorra ezarri dio Nelson David Morenori, Bilbon 73 urteko gizon bat hiltzeagatik
Epaileak 22 urteko zigorra ezarri dio hilketa astunduagatik, eta beste bi urtekoa iruzur informatikoagatik. Laugarren kondena du, eta ikertzaileek uste dute 2021eko udazkenean hildako zazpi gizon homosexualen heriotzekin zerikusia duela.
Suhiltzaileak Urzainkin piztutako baso-sutea itzaltzeko lanean ari dira
Baso suteetarako Babes Zibileko Plan Bereziaren bigarren egoera operatiboa aktibatu du Nafarroako Gobernuak, ostiralean piztu zen sutea berpiztu ostean.
Llantenoko sutea egonkortuta dute eta zaintza- eta hozte-lanetan ari dira suhiltzaileak
Egoerak onera egin duen arren, puntu beroak daude oraindik eta lanean jarraitzen dute Gasteizko eta Espejoko suhiltzaileek. Aiarako Udalak herritarrei eskatu die ez gerturatzeko sute-eremura, suhiltzaileen lana ez oztopatzeko.
Eguzki eklipsearen ondoren, beste bat dator: ilargiarena, partziala, hilaren 28an
Joan den abuztuaren 12ko eguzki-eklipse osoaren ondoren, zeruak fenomeno astronomiko berri bat eskainiko du: abuztuaren 28ko gauean ilargiaren eklipse partziala ikusiko da, eta ilargiaren diskoaren % 93 estaliko du, gutxi gorabehera. Begi hutsez ikusi ahal izango da, instrumentazio berezirik gabe.
Jacan oporretan dauden euskaldunak boluntarioen taldeetan antolatu dira sua herrira irits ez dadin
Huescako sutea itzaltzen saiatzeko boluntaro taldeak antolatu dira. Horietako asko, euskaldunak dira. Jakan etxebizitza duten gipuzkoar eta nafarrak. Sugarrak kontrolatzeko bidean dira suhiltzaileak, baina beraiek ere bere aletxoa jarri nahi dute. Sasi, zuhaitz eta adar; sua indartu dezakeen erregaia kentzen.
Imsersok iazko formula bera erabiliko du 2026-2027 denboraldian: bidaiak 50 eurotan eta maskotarekin bidaiatzeko aukera
Ia 900.000 plaza eskainiko dira orotara, eta horietatik 7.400 baliabide gutxien dituzten pentsiodunentzat erreserbatu dira, 50 euroko prezioan. Bidaiak irailaren 14tik 15era bitartean merkaturatuko dira.
Iruñeko Udaltzaingoaren ustez, gidariak giza akats bat egin zuen Nabarreriako kamioiaren istripuan
Gidaria ibilgailutik jaitsi zen kamioia itopuntuan zuela eta esku-balazta aktibatu gabe, Iruñeko Udaltzaingoak epaitegira bidalitako atestatuaren arabera. Hasiera batean balaztari eragin ziola ziurtatu zuen, baina gero adierazi zuen ez zuela argi gogoratzen.
Hil egin da Espinosa de los Monterosen (Burgos) traktore batek harrapatutako mutiko bizkaitarra
Ezbeharra pasa den larunbatean gertatu zen, eta, harrezkero, Gurutzetako ospitalean egon da larri.