Gizon bat atxilotu dute Gasteizen haur-pornografia sarean partekatzeagatik
Polizia Nazionalak gizon bat atxilotu du gaur, osteguna, Gasteizen, adingabeei egindako sexu-abusuekin zerikusia zuten bideoak eta argazkiak elkarbanatzeagatik, interneten artxiboak partekatzeko sare pribatu baten bidez.
Ikerketa Suitzan egindako atxiloketa baten ondotik abiatu zuten. Orduan atxilotutako pertsona hori aipatutako sareko erabiltzailea zen eta, horri esker, Suitzako Poliziak sare horretako kide guztiak identifikatu ahal izan zituen, besteak beste, Gasteizen gaur atxilotutako gizona.
Interpolen bidez, ikertzaile suitzarrek informazioa helarazi zioten Polizia Nazionalari, eta horrek Gasteizko gizon bat identifikatu zuen, materiala pedofiloa sare horren bidez elkarbanatzen zuena.
Agenteek deskubritu zuten, 2016ko maiatzean, susmagarri horrek perfila sortu zuela sarean, eta bere etxebizitza miatu zuten. Operazio horretan, Poliziak ordenagailu mugikor bat eta disko gogor bat atzeman zuen.
Hala, ikertzaileek jakin dute atxilotuak materiala "kontsumitu" eta ondoren ezabatzen zuela, bere familiako kideren bat partekatzen zituen bideo eta argazkiak deskubrituko zituen beldur.
Polizia Nazionaleko Ikerketa Teknologikoaren Unitateko agenteak Gasteizen atxilotu duten gizon honen perfila aztertzen ari dira orain, mundu osoan hedatuta dagoen sare horretako kide gehiago identifikatzeko asmoz.
Atxilotuak erabiltzen zuen programaren bidez, modu pribatuan eta azkarrean partekatu zitzakeen edozein tamainako artxiboak, konfiantzazko erabiltzaileekin, sare pribatuen bidez. Sareko kide izateko, beste kide baten gonbidapena jaso behar dute pedofiloek.
Kide izateko baimena jaso ondoren, partekatutako karpetak araka eta nahi beste artxibo kopia ditzakete.
Gainera, sare horrek artxiboak zifratu egiten ditu, eta pasahitz baten bidez babestu, Poliziak ez deskubritzeko segurtasun neurri gisa.
Horregatik guztiagatik erabiltzen dituzte pedofiloek eta pederastek horren moduko sareak argazkiak eta bideoak elkarbanatzeko, sistemak anonimotasuna eta konfidentzialtasuna ahalbidetzen dielako.
Zure interesekoa izan daiteke
Albiste izango dira: hantabirusaren azken ordua, AEBk errefusatu egin du Iranen erantzuna eta Alejandro Gonzalez-Iñarritu Bilbon
Gaurkoan Orain-en albiste izango direnen laburpena, bi hitzetan.
Milaka euskaltzaleren bultzadaz hasi dira gaur Senperen geroa eraikitzen
Urtero bezala, milaka euskaltzale bildu dira gaur Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izan da nagusi goizetik arratsera, baina aldarrikapenak ere izan du lekua.
?fmt=webp-alpha&qlt=80)
Pertsona bat atxilotu, beste bat ikerketapean jarri eta hainbati espedientea ireki diete Gasteizko bi diskotekatan egindako kontroletan
Ertzaintzak bost arma zuri eta objektu arriskutsuak konfiskatu ditu gaur goizaldean bi diskotekatan ezarritako segurtasun-dispositiboetan egindako kontroletan.
Zumaiako flyschean harrapatuta geratu diren 40 bat lagun erreskatatu behar izan dituzte
Algorri hondartzan ez atzera eta ez aurrera geratu dira, mareak ezustean harrapatu baititu txangoa egiten ari zirenean.
"Manifestazio erraldoi batek" zaintza sistema eraldatzea eskatuko du 2027ko apirilaren 17an, Bilbon
Denon Bizitzak Erdigunean dinamikatik deitu du mobilizazioa. Izan ere, azaldu dutenez, oraindik ere badaude zaintza sistemaren "gabeziak" salatzeko nahikoa arrazoi, 2023ko azaroaren 30eko greba orokor feminista eragin zuten berberak, hain zuzen ere.
Ertzaintzak gizon bat atxilotu du Gasteizko Alde Zaharrean botila hautsi batekin eraso egin baitu
Ertzaintzako kalez jantzitako patruila batek gizon bat atxilotu du Gasteizko Alde Zaharrean, beste bati botila hautsi baten lepoarekin erasotzea egotzita. Barne ikerketa abiatu dute poliziaren jarduna aztertzeko.
Gizon bat atxilotu dute Iruñean, Arrotxapean emakume bati sexu-erasoa egiten saiatzea egotzita
Erasoa goizaldean gertatu da, Trinitarios inguruan, Iruñean. Hiru gaztek biktimaren oihuak entzun dituzte, eta horiek geldiarazi dute erasoa. Biktima sexu-erasoetarako protokoloari jarraituz artatu dute, eta atxilotua beharrezko izapideak betetakoan eramango dute epaile aurrera.
132 salaketa jarri dituzte Igorreko errugbi taldeak saldutako Gabonetako loteria txartelen auziagatik
Arratiko Zekorrak Rugby Taldeak onartu zuen 90.693 zenbakiaren partizipazio gehiegi saldu zituela, behar zuena baino 225 gehiago hain zuzen ere. Kaltetuek, hala ere, diote 286 direla kobratu gabeko txartelak, eta ia 2,8 milioi euroko zuloa dela hori.
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.