Birziklapena hobetzeko aplikazio bat aurkeztu du Arabako Foru Aldundiak
Etxeko hondakinak bereizi eta sailkatzeko orduan sor daitezkeen zalantzak argitzeko balio dezakeen tresna digital berri bat aurkeztu du Arabako Foru Aldundiak astelehen honetan. Bi helburu nagusi ditu: Araban birziklapena hobetzea eta horren inguruko kontzientzia zabaltzea.
InfoRecikla.eus telefono mugikorrentzako aplikazio bat da, eta ordenagailuentzako beste bertsio bat prestatu dute. Arabako Foru Aldundiak nabarmendu duenez, erabiltzaileentzat oso lagungarria izango da hondakin bakoitza zein edukiontzitara bota behar duten jakiteko orduan.
Zalantzak argitzeaz gain, puntu berde mugikorraren ordutegiaren berri emango du tresna digital berriak, eta erabiltzailea dagoen tokitik garbigune edo berrerabiltzekoen edukiontzi zurietara joateko biderik laburrena zein den ere zehaztuko du.
InfoRecikla.eus telefono mugikorrentzako aplikazioaren aurkezpena.
Josean Galera Arabako Foru Aldundiko Ingurumen eta Hirigintza Saileko foru diputatua InfoRecikla.eus tresna digitalaren aurkezpenean izan da, eta birziklatze ohiturak hobetzera bultzatu du herritarrak.
Foru diputatuak emandako datuen arabera, “birziklatze ohituretan aurrera egitea premiazko beharra da”. Horren esanetan, edukiontzi grisera botatzen diren hondakinen erdiak organikoak dira, eta edukiontzi marroira bota litezke, konpost bihurtzeko.
Era berean, edukiontzi grisera botatzen den guztiaren % 18 ontziak dira, eta horiek edukiontzi horian sartu beharrekoak lirateke.
Paperari eta kartoiari dagozkien zifrak ere antzekoak dira: edukiontzi griseko hondakinen % 14k edukiontzi urdinean egon beharko lukete.
Oker gutxixeago egiten da beirarekin: edukiontzi griseko hondakinen % 5 inguru izan ohi da beira, Galeraren hitzetan, eta kezkagarritzat jo ditu zifra horiek.
“Klima aldaketa leuntzeko, nork bere harri koskorra jartzeko aukera du, eta ziur naiz aplikazio honek arabarrei ekarpen hori egiten lagunduko diela”, esan du foru diputatuak.
Zure interesekoa izan daiteke
Gizon bat atxilotu dute Barakaldon, Poliziarengandik ihesi zihoala bost ibilgailurekin talka egin eta zortzi pertsona zauritu ostean
Polizia iturrien arabera, agenteak berarengana hurbildu ziren, ustez estupefazienteak kontsumitu ostean kotxea gidatzera zihoalako.
Epaileak aske utzi ditu Hezbolarekin zerikusia dutelakoan Bizkaian atxilotutako bi lagunak
Pasaporteak kendu dizkiete eta hamabost egunean behin epaitegian agertu beharko dute. Bi gazteak Iranekin bat plataformako kideak dira; talde horrek "inperialismo genozida salatzearen" aurkako kanpaina bat salatu du.
Emakume bat hil da Tuteran, auto istripu batean
Ezbeharra NA-134 errepidean gertatu da, gaur arratsaldean. Hildako emakumeak gidatzen zuen autoak kamioi bat jo du aurrez aurre.
Osakidetzak gezurtatu egin du igandeko erizaintzako proba beroagatik bertan behera geratu dela
Osasun Sailak zehaztu du proba aurreikusita zegoen bezala egingo dutela, eta gogorarazi du Osakidetzak bere kanal ofizialen bidez ematen duela balizko aldaketen berri.
Iganderako aurreikusitako hainbat ekitaldi bertan behera utzi dituzte, bero handia dela eta
Bilbon, hiribilduaren sorreraren 726. urteurrenaren desfile ofiziala ez dute egingo. Bestalde, Gogorak bertan behera utzi du Artxandan egin behar zuen gudari eta milizianoen omenaldia. Sopelan, Kosta Trail mendi lasterketa bertan behera geratu da, eta Barakaldon hainbat ekitaldi moldatu dituzte.
Osakidetza kontaktuak bilatzen ari da Trapagarango klub batean tuberkulosi kasu bat antzeman ondoren
Euskal Osasun Zerbitzua proba diagnostikoak zabaltzea eta establezimenduko langileak banan-banan deitzea aztertzen ari da, miaketa osatzeko eta kutsatze berriak baztertzeko.
Basauriko banketxe batean lapurreta egin zuen gizonaren bila ari da Ertzaintza
Lapurreta ostegunean gertatu zen, 14:45 aldera, eta gizonak dirua hartu eta ihes egitea lortu zuen. Ertzaintzak ikerketa abiatu du, eta oraingoz ez du lapurretaren inguruko datu gehiagorik zabaldu.
Landa eremuetako mugikortasuna aztertuta, EAEko herriguneetako 3 kotxeko 2 daude hiriguneetan
Saretzen txostenean aztertu dituzten Trafiko Zuzendaritza Nagusiaren azken erregistro ofizialen arabera, Hego Euskal Herriko landa eremuetan metropolietan baino % 55 auto gehiago daude biztanleko, eta toki batzuetan bizilagunak baino gehiago dira kotxeak.
Gero eta emakume gidari gehiago dago Hego Euskal Herrian: gizonena halako bi baino gehiago hazi da kopurua azken hamarkadan
2014tik 2024ra, gidabaimena duten emakumeen kopurua % 14raino igo da Nafarroan, gizonen % 6,6ren aurretik; EAEn, aldea hirukoiztu ere egin da ia. Genero-arrakala estutzen ari da horretan, nahiz eta oraindik gizonak gehiago diren errepideetan.
Saretzen txostenaren bitxikeriak: bizilagun baino auto gehiago dituzten herriak eta emakumezko gidaririk gabeko udalerriak
Hegoaldeko mugikortasunaren berezitasunak azaleratu ditu Saretzen txostenak, besteak beste, Bizkaia motorren kopuruaren hazkundean nagusi dela, eta Nafarroak Hegoaldeko autorik zaharrenak dituela.