Emakumeen aurkako irainak zituzten 219 txapa atzeman dituzte sanferminetan
Iruñeko Udaltzaingoak 219 txapa kendu dizkio kaleko saltzaile bati, emakumeen aurkako mezu iraingarriak jasotzen zituztelako, eta nondik atera dituen ikertzen ari dira.
Udalak prentsa-ohar batean azaldu duenez, objektu horiek beste nonbait saltzen ari ote diren aztertzen ari dira.
Atzo 20:20 aldera jakin zuen Udaltzaingoak Basotxoa kaleko saltoki batean mezu sexistak zituzten txapak saltzen zituztela. Kaleko jantzitako agenteak bertaratu ziren eta, mezu iraingarriak zituztela eta horien atzean gorroto delitua egon zitekeela iritzita, objektuak atzeman zituzten eta saltzaileari egoera zein zen azaldu zioten.
Salaketa
Horren harira, Emakumeen Aurkako Tratu Txarrak Ikertzeko Batzordeak salaketa jarri du Nafarroako Fiskaltzaren aurrean ikerketa abia dezan, "mezu oso iraingarriak" dituzten txapak edo kamisetak saltzea edo erakustea gorroto delitua ote den jakiteko.
Batzordeak ohar batean adierazi duenez, mezu horiek "emakumeen sexu askatasunaren aurkako erasoak" dira, "emakumeek gizonek nahi dutena egiteko prest egon behar dutela" zabaltzen dutelako, "behartuta ere, sexurako prest egon behar dutela" iradokitzen dutelako.
"Miaztu eta isildu" zioten txapa batzuek, eta kamiseta batzuetan gizonezko bat ageri zen eserita eta emakume bat belauniko, felazio bat egiten balego bezala, gizonak eskutik heltzen dion bitartean.
Zure interesekoa izan daiteke
1,1 milioi euro utzi ditu Primitivak Bilbon
Astarloa kaleko 3. zenbakian dagoen 11 zenbakia duen Loteria Administrazioan zigilatu zuen txartela asmatzaileak.
25 pertsona artatu dituzte EAEn igande honetan izandako tenperatura altuen ondorioz
16 eta 94 urte bitarteko pertsonak dira artatuak. Horietatik zortzi tokian bertan artatu dituzte sendagiria eman diete; beste 17ak, aldiz, anbulantzian eraman dituzte osasun zentroetara eta ospitalera, jarraipena egiteko, baina ez daude larri.
Mañeruko sutea egonkortu dute, eta pertsona bat eraman behar izan dute ospitalera kea arnastu duelako
Hainbat etxebizitza hustu behar izan dituzte Mañerun, eta A-12 errepidea bi orduz itxita egon da, pilatu den keagatik.
30 urteko gazte bat hil da Sopuertan, trafiko istripu bat izan ostean
Eusko Jaurlaritzako Segurtasun Sailak jakitera eman duenez, istripua 02:10 aldera gertatu da; gidatzen ari zen ibilgailua errepidetik atera da eta horma baten kontra jo du. Gurutzetako Unibertsitate Ospitalean hil da handik ordu batzuetara.
Iñaki Dorronsoro Eusko Ikaskuntzako presidente ohia hil da
1947an Ataunen jaioa, gaur egun, Gaindegia behatokiko presidentea eta Jakiundeko akademiako ohorezko kidea zen.
Sute txikiak, atzerapenak Metroan, arazoak TUVISAn... hainbat gorabehera eragin ditu beroak
Muskizen, Arena hondartzatik gertu, sute txiki bat izan da, eta horrek ikuspena zaildu du. Bestalde, Metro Bilbaoren zerbitzua eten egin da beroak arazo teknikoak eragin baititu. TUVISAk ere gorabeheren berri eman du bere zerbitzuan.
Polemikaz inguratura itzuli da Sokamutura Eibarrera, zortzi urteren ostean
Eibarren azken sokamuturra egin zutenetik 8 urte igaro direnean, gaur berriro egin dute halako bat bertan. Udalak aurten festetako egitarauan sartzea erabaki du, eta polemika handia izan da aurreko asteetan. Hala ere, arazorik gabe egin da. Parte hartzaile asko izan dira, batez ere gazteak, eta sokamuturren aurka dauden dozena bat lagun ere bertaratu dira, protesta egiteko.
Arenako hondartzatik gertu sastraka batzuek su hartu dute, eta kea A-8raino heldu da
Sastraka batzuek su hartu dute Muskizen, Arenako hondartzatik gertu, eta A-8raino heldu da kea. Larrialdietarako zerbitzuek jakitera eman dutenez, A-8ko zati bati ere eragin dio, eta, ondorioz, zirkulatzeko arazoak izan dira. Suhiltzaileak bertaratu dira sua itzaltzera, inguruko beste sail batzuetara zabal ez zedin.
Bizirik topatu dute Gasteizen desagertutako 56 urteko emakumea
Desagerpenak kezka sortu zuen eta mobilizazio handia eragin zuen sare sozialetan.
15 urte martxan daramatzan Iraetako Trena elkarteak tren txikien X. topaketa egin du gaur
Bost hazbeteko, edo bestela esanda, 12 zentimetroko errailetan ibiltzen diren trenak jarri dituzte. Batzuek ikatzez ondo hornitu dituzte eta besteek ezustekoei aurre egin behar izan diete.