Villar Guardia Zibilaren esku dago, atxilotuta
Angel Maria Villar Espainiako Futbol Federazioko presidenteak atxilotuta segitzen du. Guardia Zibilak Las Rozasen (Madril) duen komisarian dago. 04:00ak aldera eraman dute hara, 12 orduz Espainiako Futbol Federazioaren egoitza nagusia miatu ostean.
Bestalde, Federazioko langileak gaur goizean bueltatu dira lanera, polizia-operazioaren ondorioz jarduera eten behar izan baitzuten atzo.
Soule operazioan, Villarren semea (Gorka Villar) eta Juan Padron Espainiako Futbol Federazioko presidenteorde ekonomikoa ere atxilotu zituzten, besteak beste.
Atxiloketak Auzitegi Nazionaleko Santiago Pedraz epaileak agindu zituen. Administrazio desleiala, bidegabeko jabetzea, ustelkeria eta dokumentuak faltsutzea leporatzen dizkiete.
Litekeena da Villarrek bihar deklaratzea Pedrazen aurrean, Auzitegi Nazionalean.
Atxioloketak eta miaketa luzeak
Ustelkeriaren aurkako operazioa atzo, asteartea, 08:30ean hasi zen, Kontrol Operatiboaren Unitateko agenteek Villarren etxebizitzara jo zutenean. Sei ordu eman zituzten han.
Ondoren, Las Rozaseko Futbolaren Hirira eraman zuten Villar. 15:03ean heldu zen, eta 12 ordu eta erdi geroago atera da, goizaldean, 03:35ean.
Tarte horretan, agenteek Futbol Federazioaren egoitza miatu zuten, Guardia Zibilak eraikin nagusiaren ataria zaintzen zutela.
Miaketan, Jose Maria Castillon Futbol Federazioaren administratzaile ohia ere egon zen. Otsailean kaleratu zuten Castillon, Kirol Kontseilu Nagusiak emandako diru-laguntza bidegabe erabil zutelakoan ikerketa hasi eta Vilarrek deklaratu ondoren.
Castillon beste pertsona batekin batera heldu zen egoitzara, Villar heldu ondoren. Presidentea Guardia Zibilaren hiru agenteekin sartu zen eraikinean.
Hala, 03:35ean, ikertzaileek bukatutzat eman dute miaketa, eta Villar Las Rozaseko Futbolaren Hiritik Guardia Zibilaren Komandantzia Nagusira eraman dute. Espero dutenez, han egongo da ostegunera arte, deklaratzera eramaten duten arte.
Villar ez ezik, Gorka semea, Juan Padron Espainiako Federazioaren presidenteorde ekonomikoa eta Ramon Hernandez Tenerifeko Futbol Federazioaren idazkari nagusia ere atxilotu dituzte.
Hainbat delitu leporatzen dizkiete: administrazio desleiala, bidegabeko jabetzea, ustelkeria eta dokumentuak faltsutzea. Nazioarteko futbol partidak antolatzen zituzten horretarako.
(Guardia Zibila Espainiako Futbol Federazioaren egoitza nagusian, Madrilen. EFE)
Partidak bere mesedetan antolatzea
Ikerketa joan den urte hasieran abiarazi zuten. Espainiako futbol selekzioaren eta nazioarteko beste selekzio batzuen arteko partidak bere onurarako antolatu izana leporatu zion Espainiako Kirol Kontseilu Nagusiak Espainiako Futbol Federazioari.
Partida horien truke, Anjel Maria Villarren semearen etekin ekonomikorako zerbitzuak kontratatzen zirela eta harreman komertzialak lortzen zituela salatu zuen. Gorka Villar kirol zuzenbidean aditua da.
Guardia Zibilaren arabera, Juan Padronek "gehiegikeriak" egin ditu Federazioaren ondasunak administratzeko zuen ahalmenaz baliatuta. Sozietate jakin batzuk kontratu eta trukean dirua jaso izana egozten diote.
Padronek Ramon Hernandez Baussouf Tenerifeko Federazioko idazkariaren laguntza zuen, eta biek kudeatzen zuten enpresa batera bideratzen zuten modu irregularrean eskuratutako dirua, Guardia Zibilaren ikerketaren arabera.
Zure interesekoa izan daiteke
Euskadik beroari lotutako ia 300 heriotza posible erregistratu ditu udan
Adinari begiratuta, hildakoen % 92k 65 urte baino gehiago zituen, Carlos III.a Osasun Institutuaren Eguneko Hilkortasuna Monitorizatzeko Sistemaren (Momo) kalkuluen arabera.
Bizkaiko pentsiodunek manifestazioa egin dute gaur Bilbon, Aste Nagusi bete-betean, beste behin ere pentsio duinak aldarrikatzeko
Aste Nagusiko giroan deitu dute manifestazioa, pankarta nagusiaren leloak dion bezala, "Jaietan ere, pentsionistak kalean" daudela gogorarazteko. Eusko Jaurlaritzaren jarrera gogor kritikatu du mugimenduak, euren herri-ekimen legegilea aldez aurretik atzera bota izana salatuz. Pentsio minimoa gutxieneko soldatarekin berdintzea eta osasun zein zaintza-sistema publiko, unibertsal eta doakoak bermatzeko deia egin dute.
Giro aparta Bilbon, lehiaketa gastronomikoan, bilbainadekin, eta publiko guztientzako hamarnaka jardueratan
Musika, antzerki eta dantza ikuskizunak tradizio jarduerekin uztartuko dira astelehen honetan, hala nola lehiaketa gastronomikoarekin, zezensuzkoarekin eta su artifizialekin. Gaur Athleticeko jokalarien harrera izango da eta Pentsiodunen Mugimenduak mobilizazioa egingo du.
Gernikako gaztetxeko kideek Udalak bertan egin nahi duen liburutegiko obrak atzeratzeko eskatu dute, alternatiba seguru bat izan arte
Duela urtebete baino gehiago okupatu zuten Gazte Asanbladako kideek “hamar urte baino gehiagoz hutsik” egon den eraikina.
Gizon batek sexu-erasoa egin dio emakume bati Iruñean, eta erasoa eragozten saiatu den pertsona bat jo du
Gainera, beste gizon bat atxilotu dute Nafarroako hiriburuan, bikotekide ohia kalean jo omen duelako.
Osasun Ministerioak eta erkidegoek Ceutara 45.000 txerto bidaltzea adostu dute
Ceutak hirukoitz birikoaren 15.000 dosi eta difteria-tetanos, barizela zein polioaren aurkako 30.000 jasoko ditu, uztailaren amaieran iritsitako adingabe migratzaileei txertoa jartzeko.
Nafarroako Gobernuak eta Petilla Aragoiko Udalak 150.000 eurotik gorako plana adostu dute, datozen suteen aurrean herria babesteko
Udako sute larriaren ostean, suebaki berriak, bigarren ur-putzu bat eta gazteentzako abeltzaintza-proiektu bat abiatzea adostu dute.
Biobizkaiak osasun-produktu pertsonalizatuak fabrikatuko ditu 3D inprimaketaren bidez
Lizentzia horri esker, Aurpegi-masailetako Kirurgia, Bihotz-hodietako Kirurgia, Traumatologia, Otorrinolaringologia eta Onkologia Erradioterapikorako produktuen bost familia fabrikatu ahalko dira.
Hondarribiko Alarde tradizionalak utzi egin du gatazkari konponbidea emateko elkarrizketa prozesua
Udalak kezka agertu du erabakiaren aurrean, baina gatazka sozialari konponbide partekatu eta iraunkorra bilatzeko lanean jarraituko duela berretsi du.
A8an Abanton Kantabriarako noranzkoan sortu diren auto-ilarak amaitu dira dagoeneko
Kantabriarako norantzan erreietako bat itxi behar izan dute lanak egin ahal izateko, eta, ondorioz, auto-ilara luzeak sortu dira inguru horretan, baina, behin lanak amaituta, konpondu dira ilarak ere.