251 postu izango dira Gernika-Lumoko Urriko Azken Astelehenean
Denetik egongo da bertan: elikagaiak, artisautza, nekazaritza makineria... Horrez gain, bertso saioak, gazta enkantea eta Eusko Label Winter Series zesta-punta txapelketaren hasiera izango dira bertaratzen direnen gozagarri.
Urriko Azken Asteleheneko artxiboko irudia. Argazkia: Europa Press
Gernika-Lumok ate joka du urteko hitzordu garrantzitsuenetako bat, garrantzitsuena ez bada: Urriko Azken Astelehena. Ohi bezala, Bizkaiko udalerriak nekazaritza eta abeltzaintza azoka hartuko du, eta aurten 251 postu izango dira bertan.
Gazta da azokako produkturik aipagarrienetakoa, eta entzutetsua izaten da lehiaketako gazta irabazlearen enkantea. 42 postutan salduko dute aurten gazta.
Horrez gain, bestelakoak ere eskainiko dituzte bertako postuetan: kontserbak (10), barazkiak (9), fruta (6), pateak (6), esnekiak (5) eta loreak (2). Halaber, sagardoa (6) eta txakolina (16) ere erosi ahalko dituzte bisitariek. Gainera, artisau-postuak (56) egongo dira, baita erroskillak saltzekoak eta txosnak ere. Eta, urtero legez, bertsolariak ere egongo dira.
Bestalde, 80 pertsona baino gehiago izango dira jai-esparrua zaintzen, Gurutze Gorriko kideak, Ertzaintza eta Udaltzaingoaren agenteak eta suhiltzaileak tartean, eta Gernika-Lumoko Udaleko kideek harrera egingo diete egun osoan Toro (Zamora), Alconchel (Badajoz) eta El Burgo Ranero (Burgos) udalerrietako alkateei.
Zesta-punta, arratsaldean
Udalak Lekerika eta Barandika puntista gernikarrak omenduko ditu, munduko txapelketa irabazi baitute, baita enpresa batzuk ere, horien lan solidarioa eskertzeko.
Arratsaldean, bi partida jokatuko dira Jai Alai frontoian, Eusko Label Winter Series txapelketa hasteko. Lehenengoan, Urreisti eta Atain Goitia eta Oyhenarden aurka arituko dira; bigarrenean, Erkiagak eta Salegik Goixerri eta Lekerika izango dituzte aurkari.
Zure interesekoa izan daiteke
128 pertsona atxilotu dituzte eta 15 polizia zauritu dira Bartzelonako istiluetan
Nafarroan egindako saiakuntza kliniko batek emaitza onak lortu ditu kolon eta ondesteko minbiziari aurre egiteko
Ehun bat atxilotu Bartzelonako istiluetan, % 25 adingabeak
Itsasadar azpiko tunelaren proiektuaren aurkako manifestariek lanak gelditzeko eskatu diote Bizkaiko Foru Aldundiari
Yoanna Acedo izan dute gaur gogoan Zarautzen, bikotekideak hil eta urtebetera
Milaka lagun Baionan, bizitzaren garestitzearen kontrako manifestazioan, eta 11 atxilotu ondorengo istiluetan
Ilarak desagertu dira Irunen, Frantziako Poliziak kontrolak egiteari utzi ostean
Gasteizen etxegabetutako familiak lehen gaua igaro du aterpetxe batean
