Bilboko Konpartsek erasoen aurkako 'pasibotasunarekin' amaitzea eskatu dute
Bilboko Konpartsek "pasibotasunarekin eta konplizitatearekin" amaitzeko deialdia egin diete gizonezkoei, Aste Nagusian izan daitezkeen balizko sexu erasoen aurka. Halaber, jarrera aktiboa izatea eskatu die.
Areatzako kioskoan izan den agerraldi publikoan, Bilboko konpartsetako emakumeak bildu dira, eta batzordeak honako hau esan du: ?Emakumeak erasorik ez jasotzeko zaintzera bultzatzen dituen gizarte batean bizi gara, baina, aldiz, gizonezkoei ez die ez erasotzeko eskatzen?.
Hori dela eta, Bilboko Konpartsek ?nahitaezkotzat? jo dute gizonezkek dinamika hori aldatzen laguntzea. ?Irten zaitezte idatzitako gidoitik, matxismoko eta sexu erasoko edozein adierazpenen aurrean erantzun ezazue, berdin du zein motatakoa den, kanpotik datorren edota zuen lagunetatik?, adierazi du Izaskun Madariagak, Jai Batzordeko ordezkariak.
Konpartseroek "ezarritako gidoia haustea" eskatu dute, hau da, ?emakumezkoei erasoak jasotzeko errua egozten digute, nahi dugunaz eta norekin nahi dugun erabakitzeko gaitasuna kentzen digu gidoi horrek, baita gure gorputzaz eta askatasunaz erabakiak hartzea ere, gure aukerak murriztuz?, nabarmendu dute.
Bilboko Konpartsek "erasorik gabeko" Aste Nagusia nahi dute; ?aurrerapauso bat ematea tokatzen zaigu, gertatu ez daitezen?, eta erasotzaileen aurkako gaitzespena ?irmoa eta jendetsua? izan dadin.
Halaber, ?guztion lankidetza funtsezkoa da, beharrezkoa izanez gero?, azpimarratu dute. Konpartsen batzordeak iragarri du jaietan ?babesa eta informazioa? eskainiko duela.
Babesa eta aholkuak
Balizko eraso baten aurrean, erantzun protokoloa aktibatu behar izanez gero, Bilboko Konpartsek herritarrei ?emango diren pauso guztien aurrean adi egoteko eta mobilizazioekin bat egiteko? eskatu diete, ?nazkatuta gaudelako, ez zaitez isildu, ez onartu, zarata egin eta erantzun?.
Zure interesekoa izan daiteke
3.000 pertsona inguru bildu ditu Osasun Bidasoak Irunen, kalitatezko osasun-zerbitzu publikoak eskatzeko
Bidasoako bizilagunek osasun publikoan premiazko hobekuntzak egin beharra daudela ohartarazi dute berriz ere larunbat honetan Irunen. Izan ere, Bidasoa Ospitalean eta eskualdeko lehen mailako arretako zentroetan kolapsoa izateko arriskua dagoela salatu dute. Deitzaileek gogora ekarri dutenez, duela urtebete 12.000 pertsona bildu ziren, pediatriako larrialdiak eta haur eta gazteen psikiatria zerbitzuaren itxiera salatzeko, eta egoerak ez duela hobera egin adierazi dute.
Dena prest Amurrion, Araba Euskaraz jaia ospatzeko
Goizeko 10:00etan hasita, egun osoko egitarau oparoa antolatu dute Arabako Ikastolen jaiaren baitan. "Taupadak berpiztu" da aurtengo leloa eta "hizkuntza eskubideak exijitzeko aldarrikapen espazio bat" izatea nahi dute antolatzaileek.
33 pertsona artatu behar izan dituzte EAEn beroagatik
EAE eta Nafarroako Erribera abisu horian egon dira beroagatik 13:00etatik 20:00etara. Igandean ere abisu horia errepikatuko da ordu tarte horretan. Gueñesen eta Laudion erregristratu dira eguneko maximoak: 38,5 eta 38 gradu, hurrenez hurren.
Milaka lagun joan dira Urkiolara, San Antonio eguneko azokaz eta erromeriaz gozatzera
Urtero hutsik egiten ez dutenak ere ez dira gutxi, tradizioari jarraituz. Aurten lehen aldiz, lehiaketa antolatu dute, bisitariek zaldi ederrena aukera dezaten. Azoka, bertsolariak eta umeentzako jarduerak ere ez dira falta izan.
Euskarak bizi duen "larrialdiaren" aurrean "biziberritze ziklo berri bat" beharrezkoa dela aldarrikatu du Kontseiluak Iruñean
Manifestazioa hiru zutabetan zatitu dute, eta Askatasun Plazatik atera den zutabean hainbat ordezkari politikok hartu dute parte: Ana Ollo Euskara kontseilariak, Unai Hualde Nafarroako Parlamentuko presidenteak eta EH Bilduko eta Geroa Baiko parlamentariek, besteak beste.
Euskararen aldeko aldarria goizean goizetik Iruñean, Euskaltzaleon Martxaren aurretik
Euskararen aldeko mobilizazio handia egingo da gaur Iruñean Euskalgintzaren Kontseiluak deituta. 17:00etan hiru zutabe abiatuko dira hiriko hiru puntutatik, eta bakoitzak mezu bat eramango du: euskararen ofizialtasun osoa eskatu, hizkuntza politiketan jauzia emateko premia aldarrikatu, eta euskaltzaletasuna azpimarratzeko. Aurrez, hainbat ekintza daude martxan goizetik Nafarroako hiriburuan.
Palestinarekin Elkartasuna taldeko aktibistak identifikatu dituzte, CAFen Beasaingo lantegirako sarbidea oztopatzeagatik
Protesta modu baketsuan egin dute CAFen fabrikara sartzeko zubian. 30 bat gaztek eserialdia egin dute, eta ibilgailuei bidea moztu diete. Ondorioz, identifikatu egin dituzte, baina ez dute inor atxilotu.
1.500 dronek Bilboko zerua argiztatu dute, Iberdrolaren 125. urteurrena ospatzeko
Jende askok gozatu du Iberdrolaren urteurren berezirako berariaz diseinatu duten eta musika eta efektu bisualak izan dituen ikuskizunaz. Guztira 1.500 dronek argiztatu dute Bilboko zerua.
EHUren festa erraldoia
Ikasketak amaitzen dituzten 4.000 ikasle inguru elkartu dira EHUko graduazio ekitaldi handian. Nøgen, Janus Lester, Maialen Lujanbio eta Amets Arzallus aritu dira oholtza gainean. EHUk txapela eman die graduatuei, birretak eman beharrean.
Errenteriako abusu kasuen erabilera politikoa salatu du Asanblada Feministak
Oreretako Asanblada Feministak elkarretaratzea deitu du ostiral arratsalde honetarako, azken hilabetean ezagutu diren bi sexu-abusu kasuen instrumentalizazioa salatzeko. Udalak egindako kudeaketa eskertu dute, eta salatu dute legelari, kazetari eta alderdi politiko batzuek etekin politikoa bilatzeko erabili dituztela kasu horiek.