Bost terrorista hilda eta sei zibil zaurituta eraso batean, Cambrilsen
Esquadra Mossoek bost terrorista hil dituzte gaur, ostiralean, goizaldean Cambrilsen (Tarragona) izan den eraso terrorista batean. Sei zibil zauritu dira. Zaurituetako bat egoera kritikoan dago, Generalitateko Larrialdietako zerbitzuaren arabera. Gainera, agente batek zauri arinak izan ditu tiroketan. Mossoek baieztatu dutenez, hildako bost terroristek soinean zeramatzaten lehergaiak faltsuak ziren.
01:00 aldera, mossoek Twitterren iragarri dutenez, hasi dute operatiboa Cambrilsen eta bizilagunei etxetik ez irteteko deia egin diete. Tiroketari esker, harrapaketa are larriagoa izatea saihestu dute. Ordu batzuk lehenago, furgoneta batek 13 pertsona hil eta 100 inguru zauritu ditu Bartzelonako Ramblan; Estatu Islamikoak atentatua aldarrikatu du.
Esquadra Mossoen esanetan, terroristek zenbait pertsonari eraso egin diete Cambrilsen; horietako sei larri daude, eta bat egoera kritikoan.
Atentatuaren ostean, Mossoek terroristak atzeman dituzte Itsasoko Pasealekuan, itsas klubetik gertu.
Goizaldeko operatiboa, Cambrilsen. Argazkia: EFE
Joaquim Forn Generalitateko Barne kontseilariak esan duenez, terroristek zeramatzaten ibilgailua irauli egin da, eta une horretan agenteek tiro egin dute.
Fornek geroago azaldu duenaren arabera, 12 ordu baino gutxiagoan Katalunian izan diren erasoen eta, ostegun goizaldean, Alcanarren (Tarragona) gertatutako leherketaren arteko lotura ikertzen ari dira.
Hildakoek lehergaiak ziruditen gerrikoak zeramatzaten soinean. Tedaxeko kideek, ordea, horiek faltsuak direla zehaztu dute. Joaquin Forn Barne kontseilariak ere gerrikoak faltsuak zirela baieztatu du, nahiz eta "egiazko lehergaien itsura izan".
Bostgarren terrorista bat ez da tiroketan berehala hil, eta atxilotu egin dute, baina handik gutxira hil da, Polizia kataluniarrak baieztatu duenez. Agenteek leherketa batzuk eragin dituzte tiroketaren ostean.
Gertaeraren ostean, Carles Puigdemont Generalitateko presidenteak Mossoen lana goraipatu du: "Mossoen lan bikaina une kritiko eta tragiko honetan", idatzi du Twitterren duen kontu pertsonalean.
Eraso berri honek piztutako alarmaren aurrean, Mossoek ukatu dute antzekorik gertatu denik Reusen, eta hiritarrei zurrumurru faltsuak ez zabaltzeko eskatu diete.
>
Zure interesekoa izan daiteke
Basauri BEA futbol taldearen hurrengo hiru partidetara ez du epailerik bidaliko Bizkaiko Arbitroen Batzordeak
Epailerik gabe, beraz, partida ezingo da jokatu. 16 urteko arbitro emakume bat iraintzeagatik eta mehatxatzeagatik ezarri diote zigorra futbol taldeari.
Corellako 14 urteko adingabe bat saldu eta ezkontzera behartu zuten pertsonak epaituko dituzte
Kasua ikertu duen epailearen ustez, gertakariak gizakien salerosketaren delitu izan daitezke. Autoaren arabera, gaztea ezkontzera behartu zuten "5.000 euro, bost whisky botila eta janariaren truke" eta, ondoren, Kataluniako hainbat udalerritan eskean aritzera behartu zuten.
24. Korrikaren amaiera: festa erraldoia Bilbon, igandean
Martxoaren 29an Bilboko udaletxean amaituko da 24. Korrika, "Euskara gara" lelopean, eta egun osoan zehar jarduera desberdinez osatutako egitarau zabala izango da.
Euskal hiztunen "eguneroko errealitatearen lagin txiki bat": 883 urraketa, 2025ean
Hizkuntza Eskubideen egoerari buruzko txostena aurkeztu du Behatokiak. Ondorio nagusia da "araugintzan errotiko aldaketak" egin ezean, "atzerapausoak emateko arriskua gero eta nabarmenagoa" dela. Azaldu dutenez, zenbait lanpostu publikotan euskararen ezagutza ez izateak sistema osoaren euskaraz funtzionatzeko gaitasuna oztopatzen du.
Eusko Jaurlaritzak Trans Memoriaren Eguna izendatu du azaroaren 20a
Dekretua elkarte eta erakunde sozialekin lankidetzan egin da, besteak beste, Naizen, Errespetuz eta Loratuz Lotu elkarteekin. Besteak beste, aukeratutako dataren proposamenean eta adostasunean parte hartu dute.
Akusatutako irakaslearen ikasle ohia: "Guk ere lekuz kanpo zeuden iruzkinak entzun behar izan genituen 11-12 urte genituenean"
Oiartzungo Elizalde ikastetxean irakasle akusatuaren ikasle izan ziren hainbat emakume Gipuzkoako Probintzia Epaitegira hurbildu dira gaur biktimei babesa ematera. Horietako batek azaldu duenez, 11-12 urte zituztenean "iruzkin lizunak" egiten zizkien gizonak, eta epaiketan entzundakoaren aurka, ziurtartatu duenez, gizona bera zen gerturatzen zitzaiena eta "lekuz kanpoko iruzkinak" egiten zizkiena. Ikasgelan bideo pornoak jartzen zizkiela eta hitz-joko lizunak egiten zituela esan dute, eta "nazkagarria" eta "lotsagabea" zela.
Irungo institutu batean diruaren truke ikasleei sexu harremanak proposatzea leporatzen dioten irakasleak akusazioak ukatu ditu, eta lan jazarpena salatu du
Fiskaltzak 22 urteko kartzela zigorra eskatu du irakasle horrentzat, 13 eta 15 urteko hiru adingaberi diruaren zein oparien truke sexu harremanak izateko proposamenak egitea egotzita.
Epaileak Amaya Zabarteren kasua artxibatu du, jaurtigaia nork bota zuen egiaztatu ezin duelako
Donostiako epaileak behin-behinean artxibatu du 2024ko martxoan jasandako lesioagatik irekitako auzia, eta familiak helegitea aurkezteko aukera du orain.
Epailearen arabera, Estatuko administrazioarena zen El Bocaleko pasabidea mantentzearen ardura, eta ikerketapean jarri ditu Trantsizio Ekologikoko bi funtzionario
Epailearen ustez, Estatuko administrazioa da martxoaren 3an Santanderko hondartza horretan istripua izan zen pasabidearen "kontserbazio-egoera eta mantentzea egokia zela bermatzeko arduradun bakarra", eta pasabide horretako eta beste batzuetako lanak "amaitu gabe" daudela. Sei pertsona hil ziren eta bat larri zauritu zen, martxoaren 3an, itsaso ondoko pasabidea behera etorrita.
Alokairuen eskaintza, amilduta: Bilbon eta Donostian % 70 baino gehiago murriztu da
Iruñean alokairuen eskaintza % 47 jaitsi da, eta Gasteizen % 26, Idealistaren arabera. Bilbon, etxebizitza baten bila dabiltzanen lehiak % 864 egin du gora bost urtean.