Espainiak 4. alerta mailan jarraituko du, segurtasun neurriak indartuta
Espainiako Barne Ministroak mehatxu terroristaren balorazio mahai bildu du larunbat goiz honetan, Bartzelonako eta Cambrilseko (Tarragona) atentatuen ostean, eta mehatxu terroristaren alerta maila mantentzea erabaki du. Hala, Espainiak 4. alerta mailan jarraituko du (alerta maila gorena ezartzea baztertu dute), baina zenbait tokitan segurtasun neurriak indartuko dituzte, Juan Ignacio Zoido Barne ministroak jakinarazi duenez.
Mehatxu terroristaren balorazio mahaiak ezohiko bilera egin du larunbat honetan, eta segurtasun neurriak adostu ostean, Zoido Moncloako jauregira hurbildu da. Bertan, mahaian hartutako erabakiaren berri eman dio Mariano Rajoy Espainiako Gobernuko presidenteari.
Geroago egindako prentsaurrekoan jakinarazi duenez, bereziki gune turistikoetan eta pertsona asko biltzen diren tokietan indartuko dituzte segurtasun neurriak. Dena dela, mehatxu terroristaren maila ez da aldatuko.
Espainia 4. alerta mailan dago, bostetik, 2015eko ekainetik.
4. alerta maila ?egokia? dela uste du Ertzaintzako buruak
Jorge Aldekoa Ertzaintzako buruak esan duenez, balorazio mahaiak mantentzea erabaki duen 4. alerta maila ?egokia? da. Halaber, Ertzaintzak segurtasuna bermatzeko ?funtsezko prebentzio neurriak? hartu dituela nabarmendu du.
Horrez gain, Euskadi dauden taldeak Bilboko Aste Nagusian segurtasuna bermatzeko koordinatuta duela ziurtatu du. ?Polizien presentzia garrantzitsua? egongo dela adierazi du, beste hainbat neurrirekin batera eta ?ikusteko elementu gutxiagorekin?.
Beila-gune bat ireki dute biktimengatik
Beste alde batetik, Bartzelonako Udalak Salo de Cent eraikineko ateak ireki ditu goiz honetan, beila-gune modura, atentatuetan izandako biktimengatik. Halaber, doluminen liburu bat jarri du, hiritarrek elkartasuna adierazteko.
Gunea 10:00etan ireki dute, eta hala mantenduko dute gaur eta bihar, 20:00ak arte, dolu ofizialak irauten duen bitartean, hilaren 17ko eta 18ko atentatu terroristengatik. 13 pertsona hil ziren Bartzelonako Ramblan, eta bat Cambrilsen.
Udalak jakitera eman duenez, Ada Colau Bartzelonako alkatea bertan izango da, eta doluminen liburua sinatuko du, 10:00etan.
Albiste gehiago gizartea
Adunako prostituzio-etxe bateko arduraduna atxilotu dute, sexu esplotazioa eta sexu eraso baten saiakera leporatuta
Lokaleko langileetako batek tratu umiliagarria jasan zuela eta drogak kontsumitzera behartu zutela salatu zuen, besteak beste.
Elkar argitaletxeak erabaki du Igartza bekarekin ez jarraitzea, CAFek Israelekin duen lotura dela eta
Saioa Alkaiza bertsolari eta idazleak sariari uko egin eta hamar egunera iritsi da Elkarren erabakia. “Palestinar herriaren kontra gauzatzen ari den genozidioan CAFek duen inplikazioa" salatu zuen sortzaile iruindarrak.
Donostian izandako azken sexu erasoa salatzeko bilkura egin dute hiriko udaletxe atarian
45 urteko gizon bat atxilotu dute joan den ostiralean emakume batek jasandako sexu-erasoaren egilea izatea egotzita. Emakumeak ertzain-etxean salatu zuenez, gizonak sexu-erasoa egiteaz gain, zer egiten zuen eta norekin zegoen kontrolatzen zuen, eta lagunak ikustea debekatzen zion.
Euskal Sagardoak 2025eko sagar-uzta aurkeztu du Altzon
Aurtengoa sagar urtea dela ziurtatu dute, eta azken urtean bildutako sagar kopurua bikoiztea espero dute. Iaz ez bezala, aurtengo sagar uztak itxura oso ona du.
Osakidetzak 48 urtera zabalduko du bularreko minbizia detektatzeko baheketa
Osakidetzako Protonterapia Unitate berriaren obrak bisitatu ditu Imanol Pradales lehendakariak, eta bertan egin du iragarpena.
Bilboko hilketagatik atxilotutakoak ez dira indarkeriazko taldeetako kideak, Ertzaintzako buruaren arabera
"Etxerako bidean elkar ezagutzen ez zuten bi gazte taldekoak ziren" hiru atxilotuak eta hildakoa. Dirudienez, elkarri irainka hasi ziren, eta azkenean liskarra gertatu zen. Ertzaintzaren buruak errefusatu du atxilotuek talde edo indarkeriazko taldeekin lotura dutenik.
Urolako eta Goierriko adingabeen odolean konposatu kimikoak daudela baieztatu dute
EHUren azterketa batek ondorioztatu du adin txikikoetan aurkitutako PFAS konposatu kimikoen mailek ez dutela arrisku larririk eragiten osasunerako, baina zaintza indartzeko premia ohartarazi du.
Espainiako Gobernua Gasteizko errefuxiatuen zentroaren edukiera murrizteko proposamenaren "bideragarritasuna" aztertzen ari da
Gobernuak Euskadin duen ordezkaria "bat dator" eta "ulertzen du" baliabide horretako plazak 350etik 200era murrizteko Maider Etxebarria Gasteizko alkateak egindako eskaera.
Bilbon lurreratzekoak ziren zazpi hegazkin beste aireportuetara bideratu behar izan dituzte, lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera bideratu dituzte. Horietako bat Madrilera itzuli behar izan da, eta beste bat Zaragozara bidali dute. Loiuko aireportuan zabaldutako laino mardulagatik gertatu dira gorabeherak.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.