Jaurlaritzak jihadisten fenomenoa aztertzeko lantaldea eratu du
Eusko Jaurlaritzak lantalde bat eratu du, Iñigo Urkullu lehendakaria horren buru dela, "jihadisten fenomenoari erantzuna" emateko, eta, besteak beste, "arriskutsutzat" jotzen diren etorkinak gizarteratzeko neurriak onartu nahi dituzte.
Hala iragarri du gaur, osteguna, Josu Erkoreka Jaurlaritzaren bozeramaleak, hedabideen aurrean egindako adierazpenetan, Bilbon.
Erkorekaren esanetan, lantaldea ekainean sortu zuten Eusko Jaurlaritzan. Lehendakaria da taldeko burua, eta Cristina Uriarte (Hezkuntza), Beatriz Artolazabal (Enplegua eta Gizarte Politika), Estefania Beltran de Heredia (Segurtasuna) eta Jonan Fernandez (Giza Eskubideak, Elkarbitiztza eta Kooperazioa) ere parte hartzen ari dira.
Erkorekak azaldu duenez, espero dute "irailetik aurrera" emaitzak ematen hastea eta, horrela, Jaurlaritzak fenomeno jihadistari emango dion erantzuna zehaztea.
"Terrorismoaren aurkako derrigorrezko eta ezinbesteko prebentzioaz" gain -Ertzaintzaren esku- Jaurlaritzak "joera terroristak izan ditzaketen etorkinen taldeei aurre egiteko erantzuna" eta, horien aurrean, jokatzeko modua zehaztea da helburua.
Erkorekak azpimarratu duenez, "Ertzaintza gainerako indar polizialekin elkarlanean ari da, terrorismoaren aurkako borrokan adostutako protokoloen baitan, eta prebentzio neurriak adostuta, kasuan kasu, arrisku mailaren araberakoa".
"Gai horretan gabeziak egoteko arriskua badago, erkidegoetako poliziak ere Eurpako eta Nazioarteko foroetan Ertzaintza eta Mossoak egotea aldarrikatzen jarraitu behar da", terrorismoaren aurkako borroka eraginkorra izateko.
Zure interesekoa izan daiteke
Hiru adingaberi sexu-erasoak egin zizkien masajistari 26 urteko kartzela-zigorra ezarri diote
Gipuzkoako Auzitegiak jada agindu du gizona espetxeratzea. 14 urteko kartzela-zigorra ezarri dio 16 urtetik beherako adingabeei egindako bi sexu-eraso delituengatik (zazpi urte, biktima bakoitzeko), 10 urtekoa, 16 urtetik beherakoari egindako sexu-eraso jarraituagatik, eta, bi urtekoa, haurren sexu-ziberjazarpenagatik. Gainera, beste neurri batzuen artean, espetxetik ateratzen denean 17 urte egin beharko ditu zaintzapeko askatasunean, eta, orotara 40.000 euroko kalte-ordaina eman beharko die hiru biktimei.
Euskalmeten arabera, urria "oso lehorra" izan da: ohiko prezipitazioen erdia egin du
Arabako zenbait eremutan, mende honetan izan den "urririk beroena eta lehorrena" izan dute, eta batez besteko tenperatura ohi baino 1,2 ºC gorago egon da.
NEIKERrek animalia-osasunaren inguruko ikerketa indartu du, segurtasun handiko laborategia berrituta
Euspen Biologikoko 3. mailako laborategia handitu dute, eta laborategi eta gela espezializatu berriak jarri dira. Horrek arrisku handiko patogenoak aztertzeko eta biosegurtasunean aurrera egiteko gaitasuna optimizatzen du, animalien ongizatearen nazioarteko estandarrak errespetatuz.
Horrelakoa da NEIKERren Euspen Biologikoko 3. mailako laborategia (NCB3)
NEIKER Nekazaritza Ikerketa eta Garapenerako Euskal Erakundeak erabat berritu du Euste Biologikoko 3. Mailako Laborategia (NCB3), P3 laborategi gisa ere ezaguna, Derioko egoitzan. Aurrerapen hori funtsezkoa da tuberkulosia eta hegazti gripea eragiten dituzten arrisku handiko agente patogenoen azterketan, besteak beste.
Segurtasun Sailak abisu bereziak ezarriko ditu kostaldean ostegunean eta ostiralean, olatuengatik
Abisu horiek asteazken honetarako daudenei gehitu behar zaizkie; gaur indarrean dira abisuak baso-suteengatik, haize-bolada bortitzengatik eta, arratsaldeko hirurak eta bostak bitartean, kostaldean, olatuengaik, bi metrorainoko olatuak izango baitira.
Bizkaiko DYAko presidente ohiak epaiketan ukatu egin du erakundearen dirua desbideratu izana
Fernando Izaguirrek ziurtatu duenez, bere asmo bakarra Kataluniako osasun-garraioaren sektorean erakundearen jarduera indartzea zen, baina "dena alferrik izan zen".
Pablo Ibarren auziko epaileak erabaki du lekuko berria nor den isilpean gordetzea
31 urte bete dira gaueko klub baten jabea eta bertako bi langile hil zituztela. Hiru hilketen egiletzat Ibar jo zuten, eta horren errua egotzita biziarteko kartzela zigorrera kondenatu zuten. Hala ere, berak errugabea dela dio.
Sei urteko kartzela zigorra ezarri diote Eric Olhats entrenatzaile ohiari, adingabeei sexu-erasoak egiteagatik
Espetxe zigorraz gain, Aviron Bayonnaiseko entrenatzaile eta Realeko behatzailea izandakoak ezingo du adin txikikoekin lan egin eta kirol eremuetara joateko debekua ere jarri diote. Epaiaren berri izan ondoren, Alain Larrea defentsa abokatuak ez du baztertu helegitea jartzea.
Txorierriko igarobidea ohikora itzuli da, goiz korapilatsu baten ostean
Zortzi ibilgailuren arteko istripua gertatu da goizeko lehen orduan, eta ilarak A-8ra, Arrontegira eta Artatzako errepidera ere iritsi dira. Dena den, trafikoa bere onera etorri da 10:00ak baino lehen.
Eric Olhatsek adingabeei sexu-erasoak egin izana ukatu du epailearen aurrean, Baionan
1997-2022 urte artean sei adingaberi sexu-erasoak egitea leporatuta, gaur epaitu dute Aviron Bayonnaisen entrenatzaile eta Realaren ikuskatzaile ohia. 10 urteko espetxe-zigorra eta 150.000 eurorainoko isuna jaso dezake.