Ripollgo imamaren jarraipenak erradikalizatuta ez zegoela ondorioztatu zuen
Abdelbaki Es Satty Ripollgo (Girona) imama, Kataluniako atentatu jihadistekin lotutako Alcanarreko leherketan hildakoa, “une horretan” “erradikalizatuta” ez zegoela ondorioztatu zuten kartzelan zegoela, 2012. urtera arte, adituek egin zizkioten behaketek.
Hori esan diote Efe albiste agentziari, eta gaineratu dute, beste preso askori bezala, Es Sattyri jarraipen berezia egin ziotela, “erradikalizazio zantzuak” ba ote zeuden egiaztatzeko.
Abdelbaki Es Satty lau urteko kartzela zigor irmoa ezarri zion Ceutako epaitegi batek 2012ko otsailean, 2010eko urtarrilaren 1ean egin zuen droga trafikoaren delitu bategatik.
Mossoek Belgikako Poliziarekin hitz egin zuten
Mossos d’Esquadrako agenteek elkarrizketa “ez-ofizial” bat izan zuten Belgikako Poliziarekin, beroriek Es Sattyren gaineko informaziorik bazuten galdetu baitzieten, eta daturik ez zutela erantzun zieten mossoek, Kataluniako Barne Kontseilaritzatik argitu dutenez.
Informazioaren arabera, kontaktu informal bat egon zen –inolako ‘alerta’ edo ‘abisurik’ ez– duela urtebete baino gehiago belgikar polizia baten eta Mossoen Informazio Zentro Nagusiko agintari baten artean, eta polizia katalanak Es Sattyren inguruko informaziorik ez zutela erantzun zion.
Isiltasuna, Es Sattyren jaioterrian
Marokoko agintariek isiltasuna inposatu dute Tinghaya herrixkan (herrialdearen iparraldea), Abdelbaky Es Satty jaio zen tokian.
Tinghaya Xauendik 20 kilometrora dago, eta bertarako sarbide bakarrean kontrolgune bat ezarri du Marokoko Jendarmeriak kazetariei pasatzen ez uzteko.
Abdelhafid Saadun Bab Taza herriko alkateak esan duenez, Essaty aspaldi joan zen bertatik eta ez du ezagutzen.
Zure interesekoa izan daiteke
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.