Uholdeak Gipuzkoako leku batzuetan, zaparrada handien ondorioz
Asteazken honetako arratsaldean izandako zaparrada handiek uholdeak eta ur-putzu handiak sortu dituzte Gipuzkoako leku batzuetan, batez ere kostaldean. Irunen, hiritar zentro bateko teilatuaren zati bat behera etorri da; ez da zauriturik izan, baina aretoa hustu behar izan dute. Horrez gain, Donostian, Zarautzen, Orion, Azkoitian, Usurbilen eta Andoainen ere izan dira gertakizunak; Bizkaian, zaparrada handiak izan badira ere, ekaitzen eragina nabarmen txikiagoa izan da.
Euskalmet Euskal Meteorologia Agentziak orain arte hartutako datuen arabera, Gipuzkoan busti du gehien: Ereñozun, hamar minutuan, metro koadroko 15,4 litro bota ditu; Oiartzunen, 12,9; Behobian, 12,8; eta Lasarten, 11. Bizkaian, metroko koadroko 10,3 litro bota ditu Deustun, Bilbon.
Ordubetean botatakoa kontuan izanik, Gipuzkoari dagokionez, Ereñozun metro koadroko 44 litro neurtu dituzte; Oiartzunen, 33,2; Behobian, 30,4; Zarautzen, 29,2; eta Lasarten, 26,6. Araban, Agurainen, metro koadroko 23 litro neurtu dituzte.
Osteguneko 00:00etan, Segurtasun Sailak indargabetu du asteazken arratsaldetik indarrean izan den abisu horia, zaparrada handiengatik.
Irunen, hiritar zentro bat hustu dute
Hala, Udaltzainak Irungo hiritar zentroa hustu du, Ricardo Alberdi kalean; izan ere, teilatuko zati bat behera etorri da, euria dela eta. Ez da zauriturik izan.
20:00etara arte, horixe izan da arratsaldeko ekaitzek eragindako gertakariarik larriena. Gipuzkoako hainbat lekutan uholdeak eta ur-putzu handiak izan dira, batez ere itsasaldean. Bizkaian, aldiz, eragina txikiagoa izan da, Segurtasun Sailaren arabera.
Donostian, Zarautzen, Orion eta Irunen, hainbat kaletan eta etxabetan uholdeak izan dira.
Hiriburuan, suhiltzaileak zenbait aldiz irten behar izan dira, sortutako ur-putzuengatik.
Barnealdean ere izan dira arazo batzuk; adibidez, Azkoitian, Usurbilen edo Andoainen.
Zure interesekoa izan daiteke
Maialen Mazon hiltzeagatik akusatutako gizonak biktimaren odol orbanak zituen arropetan
Ostiral honetan egin da Arabako Probintzia Auzitegian ustezko hiltzailearen aurkako epaiketaren bosgarren saioa. Auzipetuaren arroparen hainbat lagin aztertzeaz arduratu ziren Ertzaintzako bi adituk deklaratu dute gaur. Zehazki, haren galtzetan zegoen orban bat, eta alkandoran eta zapatiletan zituen orban batzuk ikertu dituzte, eta ondorioztatu dute odol orbanak zirela eta odol hori Mazonen DNArekin bat zetorrela.
EHUk graduazio ekitaldi bateratua egingo du San Mamesen, ekainaren 12an
Ikasleek dagoeneko izena eman dezakete, doan. Halaber, ikasleen senide eta hurbilekoek arratsaldetik aurrera erosi ahalko dituzte sarrerak, 19 euroan, EHUren webgunean.
Lukas Agirre hiltzeaz akusatutakoen "errugabetasun presuntzioa suntsitzeko zantzu nahikoak" ikusten ditu fiskalak
2022ko Gabonetan gertatu zen krimenaz akusatuta, hiru pertsona eseriko dira aulkian: hilketaren ustezko egilea, beharrezko laguntzailea (hiltzaileari labana eman ziona) eta krimena estali zuen neska bat. Gaur osatuta geratuko da herri epaimahaia, eta astelehenean hasiko da epaiketa bera, aurretiazko gaiak aztertuta. Fiskaltzak eta akusazio partikularrak 22 eta 25 urte arteko kartzela zigorra eskatzen dute.
Eusko Jaurlaritzak Gaixotasun Infekzioso Emergenteen Aholku Batzordea aktibatu du hantabirusak eragindako alerta hurbiletik jarraitzeko
Gontzal Tamayo Osasun sailburuordea buru duen organoak bere lehen azalpenak eman ditu MV Hondius ontziaren egoera aztertu ondoren, eta lasaitasunerako mezua helarazi nahi izan du, Euskadin arriskua oso txikia dela goraipatuz; Osakidetzak, berriz, Donostia Unibertsitate Ospitaleko Goi Mailako Isolamendu eta Tratamenduko Unitatea operatibo eta prest du edozein gorabeherari aurre egiteko.
Igorreko Udalak loteriaren saria kobratu ez dutenen arazoa "lehenbailehen" konpontzea espero du
Gabonetako Loterian saria egokitu eta kobratu ezinik geratu diren ehundik gora lagunen salaketak jaso ditu jada Ertzaintzak. Martxan da ikerketa, Igorreko errugbi taldeak iruzurra egin duen argitzeko.
10 salaketa eta 3 gazte ikerketapean Arabako 100 bat adingabek egindako ikasbidaiaren auzian
Bartzelonako Guardia Zibila ari da ikerketa zuzentzen, polizia judizial gisa, eta kasua Bartzelonako Guardiako Epaitegira bidali dute. Zenbait adingabe eta lekukori deklarazioa hartu diete jada, ikastetxe horietako ikasleak ez ziren bidaiariak ere joan zirelako itsas bidaian.
52 apaizek Juan Carlos Elizalde gotzainaren aurka egin dute, “agintekeriaz” jokatzea leporatuta
Apaizetako baten arabera, seminarioaren “erdia kikoen esku” utzi du gotzainak. Elizalderen esanetan, apaiz batzuek “denbora gehiegi dute inkordiatzeko”.
Albiste izango dira: Duranako ikasturte amaierako bidaia, hantabirus agerraldia gurutzaontzian eta Igorren loteriaren saria kobratu ez dutenak
Gaurkoan Orain-en albiste izango direnen laburpena, bi hitzetan.
Dagoeneko 107 dira Arratiko Zekorrak taldeak saldutako loteria txartelen auzian salaketa jarri duten herritarrak
Behar baino 225 partaidetza gehiago saldu zituela aitortu du Arratiko Zekorrak errugbi taldeak. 2,2 milioi euroko zuloa dago, saritutako txartel bakoitzari 9.600 euro dagozkio eta. Kaltetuak plataforma batean elkartzekotan dira.
Arratiko Zekorrak taldeak saldutako loteria txartelen auzian kaltetutakoen artean ziurgabetasuna eta haserrea da nagusi
Igorreko errugbi klubari loteria-partaidetzak erosi eta Gabonetako zozketan sarituak gertatu ostean, dagozkien diru-kopurua jaso ez duten kaltetuek haserre eta ziurgabetasun handiz bizi dute egoera. Dagoeneko salaketak jarri dituzte, eta gehienek uste dute iruzur egin dietela.