Forn: 'CIAren agiria faltsua da'
Joaquim Forn Generalitateko Barne kontseilariak ziurtatu duenez, El Periodicok argitaratutako CIAren agiria "faltsua da".
Fornek, ostegunean emandako prentsaurreko batean, Esquadra Mossoen izenaren aurkako kanpaina salatu eta kritikatu du "arduragabekeria" dela segurtasunaren inguruko informazioa argitaratzea.
Bestalde, Josep Lluis Trapero Mossoen buruak ziurtatu duenaren arabera, "ez dugu inolako agiririk jaso CIAren aldetik". Gainera, esan duenez, "egunkari honek CIA esan du hasieran, eta -AEBko- terrorismoaren aurkako inteligentzia zentroa, esandakoa zuzendu ondoren".
Traperok baieztatu du Mossoek eta Polizia Nazionalak duten lehen harremana atentatuen biharamunean izan zela, hain zuzen, Terrorismoaren eta Krimen Antolatuaren aurkako Inteligentzia Zentrotik (CITCO) Mossoen Informazio buruari deitu ziotenean.
Fornen arabera, azken hilabeteetan "dozenaka abisu jaso dituzte, Kataluniako zenbait puntutan atentatuak izateko arriskua zegoela ohartarazteko, eta otoi egiteko zentroak, azpiegiturak, kontzertuak eta jendetza pilatzen diren lekuak dira, besteak beste, Ramblak eta Familia Santua". Denak aztertu zituzten eta Ramblen ingurukoari sinesgarritasun gutxi eman zioten.
Mossoek azaldu dutenez, Rambletan egon litekeen atentatu baten alerta jaso zuten, maiatzaren 25ean; baina ondorioztatu zuten 'sinesgarritasun oso txikia' zuela alerta hark, eta Estatuak ere hala uste zuen; hortaz, aldez aurretik jasotako abisuek ez zuten inolako zerikusirik izan abuztuaren 17an izandako eraso terroristarekin.
"Udalak ez zuen abisurik jaso"
Beste alde batetik, Ada Colau Bartzelonako alkateak ostegun honetan ziurtatu duenez, Udalak ez zuen Rambletan izan zitekeen atentatuaren inguruko abisurik jaso. Alabaina, beste kasu batzuetan poliziak atentatu bat izateko aukerak zeudela ohartarazi ziela baieztatu du, eta kasu horietan neurri zehatzak hartu zirela nabarmendu du.
"Generalitatearekin eta Espainiako Estatuarekin koordinatuta lan egin du beti Udalak, Katalunian izandako bi eraso terroristen ostean ere", azpimarratu du Colauk. Hala, baieztatu gabe dauden hipotesiak zabaldu ez ditzaten eskatu die herritarrei, politikoei eta hedabideei.
"Estatuak eta Generalitateak Udalari abisatzea erabaki ez bazuten, sinesgarritasunik ematen ez ziotelako zela pentsatu nahi dut", nabarmendu du Bartzelonako alkateak, Rambletan atentatu bat izateko ustezko abisuaren inguruan.
CIAk uko egin dio adierazpenak egiteari
CIAko bozeramaile batek uko egin dio horren inguruko azalpenak emateari, eta ez du adierazpenik egin nahi izan Rambletan atentatua egiteko asmoa zutela ohartaraziz Esquadra Mossoei txostenik eman zioten edo ez.
El Periodicoren esklusiba
Esquadra Mossoek, Estatuko segurtasun indarrek eta CNIk CIAren abisua jaso zuten maiatzean, Estatu Islamikoak (EI) Katalunian "Rambletan, zehatz-mehatz", atentatua egiteko asmoa zuela ohartaraziz, terrorismoaren aurkako borrokako iturriek EFEri baieztatu diotenez, El Periodicok albistea argitaratu ostean.
El Periodico de Cataluña egunkariak plazaratu du gaur, osteguna, informazioa eta, aipatutako iturrien arabera, Polizia Nazioanalak Manel Castellvi Mossoen Informazioaren burua jarri zuen jakinaren gainean.
AEBko Inteligentzia zerbitzuen oharraren arabera, "2017ko maiatzaren amaierako baieztatu gabeko informazioaren arabera, Irak eta Siriako Estatu Islamikoa (ISIS) zehaztu gabeko ekintza terroristak prestatzen ari zen udan egiteko, Bartzelonako gune turistiko jendetsuen aurka, bereziki Rambla kalean".
Julian Assange eta Wikileaksen zalantzak
Julian Assangek eta Wikileaksek zalantzan jarri dute El Periodicok argitaratutako agiria benetakoa ote den, sare sozialetan zabaldu dutenaren arabera.
Gaztelaniaz erabili ohi diren markak agiriaren testuan, ustez CIAk ingelesez idatzita, eta inteligentzia zerbitzuek erabili ohi ez dituzten hitz batzuek ezbaian jarri dute mezua egiazkoa ote den.
Hala, "ISIS idaztea (hedabideetan erabilia) ISIL (inteligentzia zerbitzuek erabili ohi dute) beharrean"; "Irak" (gaztelaniaz) "Iraq"en ordez (ingelesez); "Nota", "Notice" idatzi beharrean etab. Hori dela eta, agiria "oso susmagarria" dela esan dute.
Zure interesekoa izan daiteke
'Euskaltzaleon Martxak' euskaltzale guztiak batu nahi ditu ekainaren 13an Iruñean
Aldarrikapena eta ospakizuna uztartuko ditu jardunaldiak, "euskaraz bizitzeko baldintzak eskatzeko eta euskaltzale izatearen harrotasuna balioan jartzeko".
Gurutzaontzian hantabirusak kutsatutako hiru pertsonak Herbehereetara ebakuatuko dituzte
Espainiako Osasun Ministerioak adierazi duenez, pertsona horiek ebakuatu ondoren, "ez litzateke egongo arrazoi klinikorik" Kanariar Uharteetan eskala egiteko, Cabo Verde eta Uharteen arteko bidean "kasu sintomatiko berririk agertu ezean".
Seaskako ikasleek desobedientziara joko dute eta euskaraz erantzungo dute baxoko matematikako azterketa
Baionan dagoen Bernat Etxepare lizeoan egin duten agerraldian, Seaskako ikasleek iragarri dute desobedientziara joko dutela eta ekainaren 12an egin behar duten baxoko matematikako azterketa euskaraz egingo dutela. Azterketa guztiak frantsesez egitera behartuta daude, eta aspalditik ari dira baxoa euskaraz egiteko aldarrikapenarekin. Momentuz baina, ez dute aurrerapausorik lortu. Euskal gizarteari babesa eskatu diote, eta besteak beste, igandean Herri Urratsen izango diren mobilizazioetara batzeko deia egin dute.
Iñigo Urkulluk eta Patxi Lopezek Garaikoetxea gogoratu dute, zendu berritan
Lehendakari biek doluminak eta esker ona adierazi dituzte Carlos Garaikoetxea zendu ondoren. Iñigo Urkulluk adierazi du beretzat "gertukoa" zela Euskadiri buruzko planteamentuetan. Lopezek, berriz, "erreferentea" dela esan du.
Lekuko batek adierazi du Maialenen ustezko hiltzailea “noraezean" zebilela eta biktimari “familia aurka jartzea" leporatzen ziola
Maialenen hilketaren epaiketaren bigarren egunean, hainbat lekukok deklaratu dute. Maialen maiatzaren 27an hil zuen omen bikotekideak, Gasteizko hotel batean, 13 labankada emanda. Akusazioek diote hiltzeko asmoz jardun zuela, eta 45 urteko espetxe-zigorra eskatu dute. Defentsak, berriz, "errealitatetik deskonektaturik" zegoela alegatzen du.
Epaileak ikertu gisa deitu du El Bocaleko pasabidearen diseinatzailea
Egitura diseinu eta eraikuntza akatsen ondorioz erori izana posible dela adierazi du epaileak bere autoan. Ingeniariak ekainaren 5ean deklaratuko du.
OMEk baieztatu egin du bi hantabirus kasu izan direla gurutzaontzian, eta zazpi kasu aztertzen ari dira
Hiru bidaiari hil dira hantabirusak jota, eta laugarren bat zainketa intentsiboetan dago. 23 nazionalitatetako 149 lagun (88 bidaiari) zeramatzan itsasontzia Argentinatik irten zen martxoaren 20an, Cabo Verderantz. Egun, han jarraitzen du, Kanaria Handian edo Tenerifen lehorreratzeko zain. OMEk uste du gaixo eta hildakoak gurutzaontzitik kanpo infektatu zirela.
Zer da hantabirusa, karraskariek transmititzen duten eta gaixotasun larriak eragin ditzakeen birusa?
Martxoaren 20an Ushuaiatik (Argentina) abiatu zen gurutzaontzi batean agerraldi bat izan da, eta dagoeneko hainbat hildako utzi ditu. Agerraldiak gaixotasun zoonotiko horren gainera eraman du fokua.
Pertsona bat zauritu da BI-10 errepidean, Bilbon, istripu baten ondorioz
Ezbeharra Errekalde parean gertatu da, Galdakaorako noranzkoan, eta hiru erreietako bi itxi dituzte. Hala ere, 07:00ak aldera errepidea erabat zabaldu dute.
Hiru pertsona hil dira, ustez hantabirusak jota, gurutzaontzi batean
Osasunaren Mundu Erakundeak (OME) adierazi duenez, "kutsatze-arriskuak txikia izaten jarraitzen du" eta "ez dago izutzeko arrazoirik". MV Hondius gurutzaontzia lehorreratzeko portu bila ari da, Cabo Verdek baimena ukatu baitio. Ontzian doazen 149 lagunetatik 14k Espainiako nazionalitatea dute.