Milaka pertsonak terrorismoaren aurkako oihua zabaldu dute Bartzelonan
Milioi erdi pertsonak lepo bete dute Bartzelonako erdigunea larunbat arratsalde honetan "No tinc por" ("Ez daukat beldurrik") leloa zeukan pankartaren atzean, joan zen astean Katalunian (Bartzelonan eta Cambrilsen) gertatu ziren atentatuak gaitzesteko.
"No tinc por" leloa zeraman pankarta. Argazkia: EFE
Manifestazioaren buruan segurtasun indarretako (Esquadra Mossoak, Polizia Nazionala, Guardia Zibila eta tokiko poliziak) joan dira, eta haiekin batera izan dira larrialdietako zerbitzuak zein beste hainbat gizarte erakundeetako ordezkariak ere, 15 hildako eta 120 zauritu eragin zituzten abuztuaren 17ko atentatuetan protagonismoa izan zutenak, hain zuzen ere.
Atzerago agintari politikoak joan dira. Horien artean izan dira Felipe VI Espainiako erregea, Espainiako eta Kataluniako presidenteak (Mariano Rajoy eta Carles Puigdemont), Ada Colau Bartzelonako alkatea eta autonomia erkidegoetako presidenteak (Iñigo Urkullu lehendakaria eta Uxue Barkos Nafarroako presidentea, tartean). Erregearen, Rajoyren eta haren Gobernuko ministroaren heldueran txistuak entzun ahal izan dira, baita "kanpora, kanpora" oihuak ere.
Agintari politikoa manifestazioan. Argazkia: EFE
Horrez gain, Espainiako erregea eta Madrilgo Gobernuko kideak bertan egotearen kontra zeuden kolektiboek bi pankarta urdin handi zabaldu dituzte: "Zuen politikak, gure heriotzak" eta "Felipe VI.a eta Gobernua, arma trafikoaren konplizeak" irakur zitezkeen beraietan.
Felipe VI.aren aurka zabaldu den pankartetariko bat. Argazkia: EFE
Gainerako pankartek indarkeria eta terrorismoa gaitzesteko mezuak irudikatu dituzte, eta Bartzelona hitza zuten kamiseta anitz ikusi ahal izan dira, zeintzuetan "l" letra dolu-xingola beltz batez ordezkatuta zegoen.
Manifestua
Manifestazioaren burua Katalunia plazara heldu denean, martxaren azken ekitaldiari eman zaio hasiera. 10 minutu inguru iraun duen ekitaldi horretan Pau Casalsen musika entzun eta Federico Garcia Lorcaren eta Josep Maria de Sagarraren testuak irakurri dira.
Ekitaldia gidatzen Rosa Maria Sarda aktorea eta Miriam Hatibi (Ibn Battuta elkartearen bozeramailea) egon dira, eta manifestua irakurri dutenean aipamen ugari egin dizkiote "Ez daukagu beldurrik" leloari.
Rosa Maria Sarda eta Miriam Hatibi manifestua irakurtzen. Argazkia: EFE
"Gaur hemen gaudenok 'Ez daukat beldurrik!' oihukatzera etorri gara ozen eta aho batez" esanez ekin diote agiria irakurtzeari.
Horrenbestez, manifestuak garbi erakutsi du Bartzelonak ez duela beldurrik "biktimen aldeko dolua erakusteko zein ekintza koldar horren eragina pairatu duten familienganako elkartasuna adierazteko".
"Ez daukagu beldurrik krimen horiek errefusatzeko. Heriotzaren eta suntsiketaren bidez izua hedatzea besterik ez dute xede, gure elkarbizitza eredua apurtzeko asmoz", gaineratu dute.
Elkarretaratzea, Bilbon
Hainbat emakumezko musulman bildu dira gaur Bilboko udaletxe aurrean "Izuaren, gorrotoaren eta gerren aurka. Ez gure izenean" lelopean. Emakume Musulman Independenteak izeneko kolektiboak deitu du elkarretaratzea, eta Bizkaiko SOS Arrazakeria eta Ongi Etorri Errefuxiatuak elkarteen babesa izan du.
"Nahiz eta janzteko orduan edota erlijioari dagokionez desberdinak garen, jende arrunta gara, ez gara terroristak eta ez daukagu ezer desberdinik besteekin alderatura" adierazi nahi izan dute.
Bilboko elkarretaratzea. Argazkia: EFE
azkia: EFEZure interesekoa izan daiteke
Ia Nafarroa osoa alertapean egongo da ekaitzengatik; EAE eta Iparralde, abisu horian
Arratsaldean bero hodeiak garatuko dira eta zaparrada trumoitsuak, txingorra eta haize bolada gogorrak espero dira, bereziki lurraldearen ekialdean.
Auto-ilarak AP-8an, Irunen, eta A-8an, Ortuella eta Abanto artean
Zirkulazioa hainbat puntutan dago baldintzatuta: Iruneko bidesariaren parean, Bilborako noranzkoan, sei kilometroko auto-ilarak daude.
Meta eta TikTok plataformei kontrola indartzeko eskatu die Europako Batzordeak, Ceutako krisia tarteko
Abuztuaren 15aren aurretik, sare sozialok estu zaintzen ari da Brusela. Izan ere, egun horretan beste migratzaile olde bat espero da hiri autonomoan. Horren ildoan, Europako komisarioa bi plataformetako arduradunekin bildu berri da.
Kanoikadak abiatuko du Donostiako Aste Nagusia larunbat honetan
Artillari nagusiak 19:00etan piztuko du metxa Alderdi Ederreko lorategietan, eta horrela emango dio hasiera zortzi eguneko jaiari. Guztira, 400 ekitaldi baino gehiago daude programatuta.
Elkanok munduari buelta eman eta jaioterrira itzuli zen unea antzeztu dute Getarian
Aurten, lehen aldiz, Mikel Larrañagak egin du Elkanoren papera, eta Saioa Etxeberria izan da tripulatzaile modura irten den lehen emakumea. Lau urterik behin ospatzen du Getariak Elkanoren iritsiera, munduari bira eman ostean.
Alejandrak 2.000 euro galdu ditu Bilboko etxebizitza baten alokairuaren iruzurrean
Kaltetuak salatu duenez, 2.000 euroko iruzurra egin diote hainbat pertsonari aldi berean eskainitako etxebizitza bat alokatzeagatik. Iruzurrez galdutako dirua eta beste bizitoki bat alokatzeko erabili beharrekoa gehituta, galerak 4.000 eurokoak direla azaldu du.
Iraulitako kamioi batek 31 kilometroko auto-ilarak eragin ditu Baiona inguruan
22:00etatik aurrera, A-63 errepidea erabat itxita egongo da 3 orduz, gutxi gorabehera, ibilgailua erretiratzeko.
Gutxienez 12 salaketa aurkeztu dituzte Bilbon etxebizitza turistiko bat alokatuta iruzurra egin zuen gizonaren aurka
EITBk biktimetako biren testigantzak jaso ditu. Iruzurgileak Airbnb bidez alokatu zuen pisua, hiru egunez. Ordu gutxi batzuetan, benetako jabeak ezer jakin gabe, dozena bat pertsonari alokatu zien. Ertzaintzak ikerketa abiatu du, gizona harrapatu eta biktimek galdutako dirua berreskura dezaten.
Mila pertsona inguru etxetik atera dituzte Baionako erdigunean gas-isuri baten ondorioz
Baionako hiriguneko mila bizilagun etxetik irtenarazi dituzte bart, gas-ihes bat dela eta; ondorioz, segurtasun dispositibo handia aktibatu behar izan dute. Suhiltzaileek 100 metroko perimetroa itxi dute, eta goizaldeko ordu bata arte ezin izan dute etxera itzuli.
Espainiak eskatutakoari entzungor eginez, Schengen berrezartzeari ezetz esan dio Italiak
Ceutan piztutako krisiaren harira, Schengen akordioa eten eta mugetan kontrolak egiteari ekin zion abuztuaren 1ean Meloniren gobernuak. Espainiako Gobernuak igandera arteko epea eman dio Italiakoari neurria bertan behera uzteko, baina Meloniren gobernuak lehengo lepotik du burua: "Abuztuaren 15etik aurrera aztertuko dugu gaia".