Talde jihadista baten 6 ustezko kide atxilotu dituzte Melillan eta Marokon
Talde jihadista bat desegin dute eta sei kide atxilotu dituzte Polizia Nazionalak eta Marokoko Erresumako Segurtasun Zuzendaritza Nagusiak (DGST); atxilotuetako bat Melillan atzeman dute, eta gainerako bostak, berriz, Marokon.
Hedabideei igorritako ohar baten bidez Barne Ministerioak adierazi duenez, "atxilotuetako bost marokoarrak dira, horietako batek Espainian du egoitza, eta seigarrena espainiarra da, marokoar jatorrikoa".
Taldearen ustezko buruak 39 urte ditu, espainiarra da eta Melillan du bizilekua; Marokoko poliziek atxilotu dute. Noizean behin hara joan ohi zenez, oharraren arabera, balizko kideak erakarri eta doktrinatu egiten zituen, ISISen "estrategia globalari jarraituta". Gainerako atxilotuek, liderraren agindupean, aktibazio maila arriskutsuan zegoen talde terrorista osatzen zuten, Barne Ministerioaren esanetan.
DGSTren ikerketari esker jakin dutenez, talde horrek tamaina handiko eraso terroristak prestatu ditu, elkarrekin gauez batuta. Bilera horietan, heziketa fisikoa eta hilketak simulatzen zituzten, burua mozten irakasteko, eta horrek eragin du poliziek esku hartzea.
Ikertzaileen hitzetan, baliteke usteko buruak erakartze lanak bukatu izana, "orain desegin duten talde terrorista eginda; horren helburua jihada berehala egitea zen, aktibazio maila arriskutsuarekin".
Polizia Nazionalaren eta Maroko DGSTren ikerketak azaleratu duenez, gainera, aipatutako gaueko bileretan "tamaina handiko eraso terroristak prestatzen ari ziren", oharraren arabera.
Polizia operazioak zabalik jarraitzen du, eta Auzitegi Nazionaleko 5 zenbakiko Instrukzio Epaitegi Zentralak gidatuta eta Fiskaltzak koordinatuta egin dute.
Zure interesekoa izan daiteke
Muskizen piztutako sutearen ondorioz 40 familia urik eta gasik gabe daude
Udalak behin-behineko komun batzuk jarri dizkie kalean. Garbitasunetarako, kiroldegira joan behar dute. Oinarrizko zerbitzu horiek lehenbailehen berreskuratzeko buru-belarri ari dira lanean. Sua garajean hasi zen, eta Ertzaintzak gertatukoa ikertzen jarraitzen du.
Astelehen honetan hasiko da Maialen Mazonen ustezko hiltzailearen aurkako epaiketa
Hilaren 15era arte dago programatuta, eta herri epaimahaia osatuko duten herritarrak aukeratuta hasiko da. Akusazioek 45 urteko kartzela-zigorra eskatzen dute ustezko hiltzailearentzat, Zigor Kodeak baimentzen duen zigorrik handiena.
Leon XIV.a aita santuak lehendakaria hartuko du Vatikanoan maiatzaren 13an
Egun horretan egingo den audientzia orokorrera gonbidatu du. Eusko Jaurlaritzaren arabera, balio handiko topaketa izango da, eta Euskadik nazioartean duen presentzia instituzionala indartuko du.
72 urteko mendizale bat hil da Serantesen
Bizkaiko mendiaren hegal batean aurkitu zuten hilda, hainbat orduz haren bila aritu ondoren.
Komunean kaka egiterakoan jarrera hobetzeko gailu bat diseinatu dute Iturgoiengo lau bizilagunek
Osasuna eta ergonomia uztartzen dituen ekimen berritzaile horren atzean Asier eta Iñigo Arabaolaza, Joseba Imaz eta Jose Antonio Lazcano daude; 'Naturpos' gailuaren sortzaileak. Oso sistema erraza erabiltzen du gailuak. Hankak altxarazten dizkio erabiltzaileari, nolabait gorputzaren jarrera naturala har dezan.
Hiru pertsona zauritu dira Arrigorriagan, autobus baten eta auto baten arteko istripuan
17:00ak pasatxo gertatu da ezbeharra, eta, ondorioz, errepidea itxita dago eta ibilgailuen zirkulazioa AP-68ra desbideratzen ari dira.
Maleta susmagarri bat leherrarazi du Poliziak Iruñean
Iruñean, Espainiako gobernu-ordezkaritzaren egoitza aurrean norbaitek utzitako maleta batek susmo txarra eragin du, eta gune osoa itxi dute. Merindadeen plazako autobus markesina batean aurkitu dute maleta susmagarria.
Donostian emakume bat hiltzen saiatu zen gizona espetxeratzeko agindua eman du epaileak
Hilketa saiakera egotzita, 26 urteko gizona kartzelan sartzeko agindua eman du epaileak.
Gizon batek emakume bat hil du Esplugues de Llobregateko kale batean
Erasoaren ondoren, gizonak ihes egin du, baina handik gutxira aurkitu dute Mossoek, eta atxilotu egin dute. Indarkeria matxista gisa ari dira ikertzen hilketa.
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.