Eraso homofobo bat salatu dute Gasteizen
Gasteizko Andre Maria Zuriaren jaietan eraso homofobo bat izan zela jakinarazi du Transbollomarika Sareak. Biktimari hainbat kolpe eman zizkioten aurpegian.
Elkarteak azaldu duenez, uda honetan lau eraso homofo izan dira hirian. Hiru kasutan biktimek salaketa jarri dute eta Ertzaintzak edo Udaltzaingoak erasotzaileak identifikatu dituzte.
Eraso guztiak eremu berean gertatu direla azpimarratu dute, eraikin instituzionaletatik hurbil, eta, beraz, "kamerek, poliziek eta segurtasun agenteek erabat zaindutako zonaldean".
"Non daude udal zerbitzuak horrelako egoeratan? Zer nolako zaintza agindu eman dituzte eremu horretan? Zelan gerta daiteke eraikin instituzionalak biltzen dien lekutik horren gertu erasoak etengabeak izatea eta inork ezer ez egitea? Zertan ari dira?", galdetu dute.
Gasteizko Udalak ingurune horretan polizien zaintza areagotuko zuela iragarri bazuen ere, horrelakorik egin ez duela salatu du Sareak.
"Maritxuen askatasuna garrantzi gutxiko kontua da gure Udalarentzat, nahiz eta Nazioarteko Egun bakoitzean adierazpen instituzional egin eta egunero gure kaleetan bertan lapurtzen diguten eta erasotua den askatasun sexualaren aldeko ekimenak antolatzen badituzte ere", kritikatu du.
Transbollomarika Sareak horrelako erasoak salatzea oso garrantzitsua dela nabarmendu du eta eurekin harremanetan jartzeko aukera eskaini dute (633 309 563).
Horrez gain, erasoak salatzeko elkarretaratzea deitu dute asteazken honetan eta bertan parte hartzeko deia luzatu dute. Bilkura 20:00etan izango da, Andre Maria Zuriaren plazan.
Zure interesekoa izan daiteke
Galarretako sutea eremu berrietara ez zabaltzea lortu dute gauean
Gau osoan lanean jardun dira suhiltzaileak eta sua perimetratzea lortu dute, baina ez itzaltzea. Gaur berriro helikopteroek lagunduko dute Aizkorri-Aratz parke naturaleko sutearen itzaltze-lanetan.
Emakume bat hil da Donostiako Ondarreta hondartzan, bainatzen ari zela
Gertaera asteazken honetako 23:30ak aldera izan da. Berarekin zegoen lagun taldeak abisua eman du, flotatzen ikusi dutenean. Ertzaintzak bere gain hartu du ikerketa.
Pertsona bat hil da eta beste bat desagertuta dago Biarritzeko itsasargiaren ondoko itsaslabar bat behera etorri ostean
Asteazken arratsaldean Biarritzeko Miramar hondartzaren eta itsasargiaren ondoan izandako luiziaren ondorioz lurperatuta geratu ziren bi pertsonetako baten gorpua berreskuratu dute larrialdietako taldeek.
Kantauri itsasoko ura 25,2 graduan dago, inoiz baino epelago
Ekainean, normalean, itsasoko ura 18 graduren bueltan egoten bada ere, gaur, ekainaren 24an, Donostiako Aquariumean egindako neurketak Kantauri itsasoko ura 25,2 gradutan dagoela erakutsi du, inoiz baino beroago.
Anne Baskaran Egido gasteiztarraren "Zuriaren, zure, gure... jaiak" izango da aurtengo Gasteizko jaietako kartela
Egileak azaldu du kartelak "Gasteizko jaiak bizitzeko dauden modu anitzak" islatu nahi dituela.
Ertzaintzak Euskadin erregistratutako gorroto delituak % 18 jaitsi dira 2025ean
Kasu horiei buruzko txostenaren egileek jaitsiera hori tentuz interpretatzeko eskatu dute, delitu asko ez baitira salatzen.
Sanferminek 516 ekitaldi izango dituzte, eta protagonismo handiagoa hartuko dute aurten haurrek eta auzoek
Asteazken honetan aurkeztu dute egitarau ofiziala, askotarikoentzako musika, jolasak, erakusketak, su artifizialak, kirol jarduerak, antzerkia, kalejira, ganadu-feria eta prozesioa biltzen dituena. Txupina uztailaren 6an jaurtiko dute, eta festak eztanda egingo du hilaren 14ra arte.
Bilbok badu kartela Aste Nagusirako: "Besarkada urdin bat Bilborentzat"
Juan Manuel Martinez Rodriguezen obra abuztuaren 22tik 30era ospatuko den Bilboko Aste Nagusiaren irudi ofiziala izango da.
"Naruto" anime japoniar arrakastatsua, estreinakoz euskaraz, EITBren PRIMERAN plataforman
Ostegun honetan, ekainak 25, estreinatuko ditu PRIMERANek lehen bost atalak. Guztira 52 kapitulu eskainiko ditu, ostiralero bost berri, lehen aldiz euskaraz bikoiztuta. Estreinaldiaren bezperan, EITBk aurrestreinaldi esklusiboa antolatu du Bilboko egoitzan. Gaur izango da, 18:00etan, Multibox aretoan, eta lehen lau atalak izango dira ikusgai.
"Ihesi, norbera izateko": Trumpen Amerikatik ihes egin eta Euskal Herrian bizi diren transen familien testigantzak jaso ditu EITBk
Seme-alaba transak dituzten zenbait familiak Estatu Batuak utzi eta Euskal Herrira etorri dira. EITBk haien lekukotasunak bildu ditu Ihesi, norbera izateko dokumentalean. Lehenengo erreportajeak asteazken honetako albistegietan ikusi ahal izango dira.