U-1ean pilotakada jaso zuen biktima batek Poliziaren aurkako kereila aurkeztu du
Roger Españolek, urriaren 1ean aurpegian pilotakada jaso zuen biktimak, lesioengatik kereila bat aurkeztu du, astearte honetan, pilotakada bota zuen polizia nazionalaren zein une horretan zeuden bi agintarien aurka ere. Españolek ikusmena galdu zuen begi batean Erreferendumaren egun hartan, eta pilota bota zuen agentearen irudiak badirela esan du prentsaurrekoan, baina agentearen plaka zenbakia ez dutela gaineratu du.
Anais Franquesa bere abokatuak gaineratu duenez, poliziak 15 metro baino gutxiagora tiro egin zion "une horretan han zeudenen bizitza arriskuan jarriko zuela jakinda"; eta, hori guztia bere nagusien aurrean.
Roger Españolek azaldu duenez, pilotakadaren eraginez ikusmena galdu du begi batean, baina ebakuntza bati esker begi-globoa mantendu ahal izan duela azaldu du. Hala ere, buruko min handiak jasaten dituela, aurpegiko hezur bat apurtuta duela eta zorabioak izan ohi dituela esan du.
Talka zuzena
Haren esanetan, pilotakada jaso zuen unean Polizia Bartzelonako Ramon Llull ikastetxetik erretiratzen hasia zen eta bera etxerantz zihoan. “Ez nuen ikusi pilotakada zein poliziak jaurti zuen, ez nuen neure burua babesteko erreflexurik izan eta zuzenean begian eman zidan”, gaineratu du.
Roger Españolek azaldu duenez, Bartzelonako 7. Instrukzio Epaitegian aurkeztu du kereila, zer gertatu zen zehazteko eta erantzukizunak argitzeko.
Kataluniako Parlamentuak gomazko pilotak erabiltzea debekatu bazuen ere, horiek Katalunia itzuli izana deitoratu du: “Ez dut niri gertatu zaidana beste inori gertatzerik nahi, ez dago eskubiderik, gogorregia berriro ere errepikatzeko”.
“Estatu espainiarrean gomazko pilotaz zauritutako azken pertsona izan nahi dut”, aldarrikatu du. Hori dela eta, Human Rights Watch eta Amnistia Internazionalarekin kontaktuan jarri da eta Estatuko beste hainbat erakunderekin ere harremanetan ipini nahi du, eztabaida hori mahai-gaineratzeko.
Zure interesekoa izan daiteke
Angelun bukatu da gaskoiaren aldeko lasterketa, 2.000 kilometro baino gehiago eginda
Apirilaren 30az geroztik, lekukoak bide luzea egin du eta milaka lagunek hartu dute parte lasterketan.
Dena prest da Senperen “Geroa eraikiz” lelopean egingo den Herri Urrats jairako
Urtero bezala, milaka euskaltzale bilduko dira igandean Senpereko lakuaren bueltan, aurten helburu zehatz bat jomugan: Donapaleun lizeo berria izan dezaten laguntzea. Jai giroa izango da nagusi goizetik arratsera, baina aldarrikapenak ere presentzia nabarmena izango du.
ELAk, LABek eta Steilasek ausardia eskatu diete alderdi politikoei eta euskaldunen hizkuntza eskubideak aldarrikatu dituzte
Lakuntzak (ELA) adierazi du milaka pertsona batu dituen gaur arratsaldeko mobilizazioaren asmoa zela "euskarak bizi duen erasoaldi politiko eta judizialari erantzun antolatu bat ematea". Aranburuk (LAB), bestalde, iritzi dio "gaztelania inposatu nahi dutela eta administrazioko langileei euskaraz lan egiteko eskubidea zaildu nahi dietela.
Bi adingabe eta haien aita atxilotu dituzte Gasteizen ikaskide ohi bati estortsioa egiteagatik
Antza denez, dirua eskatu zioten bere argazki batzuk (biluzik ageri zen horietan) ez zabaltzearen truke. Mutilak ordainketa egin zuen, baina handik bi astera berriro jarri ziren berarekin harremanetan, sare sozialen bidez, diru gehiago eskatzeko. Biktimari makila batekin eta labana batekin ere egin zioten eraso.
Gizon bat atxilotu dute Madrilen, kalean hilda agertu den emakume baten heriotzarekin zerikusia duelakoan
07:30 aldera gertatu da guztia, Carabanchel auzoan. Osasun-zerbitzuek emakumearen heriotza baieztatu besterik ezin izan dute egin, kolpe larriak baitzituen buruan. Ikerketak aurrera egin ahala, biktima bizi zen etxebizitzatik gertu gizon bat aurkitu dute agenteek, eta atxilotu egin dute, hilketa delitua egotzita. Genero-indarkeria kasu bat izan den ikertzen ari dira.
Honela lehorreratuko dituzte 'MV Hondius' ontziko bidaiariak Kanarietan
Espainiako Osasun ministroak argitu duenez, ekipajearen zati bat eta hildako bidaiariaren gorpua ez dira Kanarietan lehorreratuko, eta tripulazioko kide batzuekin jarraituko dute ontzi barruan.
Gizon batek sexu-erasoa egin dio bikotekide ohiari Agurainen, urruntzeko agindua urratuta
Gasteizen atxilotu dute 28 urteko gizona, eta epaileak espetxera bidali du. Aurretik heriotza-mehatxuak eginak zizkion, eta ez zen urruntzeko agindua urratzen zuen lehenengo aldia.
Arabako gazteen ikasbidaian gertatutakoa kontatu diote EITBri bi gurasok
Gazteetako batzuk "bizitzako gaurik okerrena" pasa zutela esan zieten gurasoei. Portura iritsi ondoren ontzian gelditu behar izan zuten Guardia Zibilaren aurrean deklaratu ahal izateko.
A-15 errepidea itxita egongo da bi noranzkoetan ostiraleko 22:00etatik igandeko 10:00etara
Andoainerako noranzkoan, Berastegiko lotunean moztuko da trafikoa, eta Iruñerakoan, berriz, Sorabillako (Andoain) lotunetik aurrera. Belabietako tunelean segurtasun ekipamenduak kontrolatzeko sistema berri bat jarri ahal izateko itxiko dute.
Osakidetzak prest dauka segurtasun biologiko handiko unitatea, hantabirus kasu posibleei aurre egiteko
Donostia Ospitaleko isolamendurako unitatea Espainiako Estatuan dauden 7 unitateetako bat da, eta bertako profesionalak etengabe entrenatzen dira arrisku handiko infekzioei aurre egin behar dietenerako.