Zubietako erraustegiaren lanak gelditzeko eskatu dute hainbat medikuk
Zubietako erraustegiaren lanak gelditzeko eskatu dute berriro OEIT Osasuna eta Errausketa Ikerketa Taldeko medikuntzako langileek.
Azken belaunaldiko erraustegien gaineko ikerketen jarraipena egiten ari dira eta diotenez ikerketa zientifiko guztiek ondorioztatzen dute eragina zuzena dela, eta erraustegitik gertu bizi diren herritarren osasuna okerragoa dela.
"100dik gora ikerketa zientifiko aztertu ditugu, eta ez dugu errauskailuen kaltegarritasuna baztertzen duen ikerketarik topatu. Aldiz, minbizi mota ezberdinen zein gaixotasun kardiobaskularren inzidentzia igotzen dela ikusi dugu" jakinarazi du Xabier Mitxelena medikuak.
Gauzak horrela, OEITko ordezkarien arabera, galdera ez da ea erraustegia kaltegarria den osasunerako, baizik eta "zenbateraino den kaltegarria". Eta horregatik, Administrazio publikoari jada inguru industrial kutsatuan bizi den herri bat "ez gehiago zigortzeko" eskatu diote.
Zubietako erraustegiaren lanak behin-behinean geldiarazteko eskatu dute eta eraikuntza hori egiten ari diren arduradunekin biltzeko prestutasuna ere agertu dute.
Era berean, ikerketa guztiak herritarren eskura jarriko dituztela iragarri dute, baita "hezkuntza, osasun, kirol zein gizarte eragileekin kontaktu erronda" hasiko dutela ere, erraustegiaren inguruko sentsibilizazio kanpaina eginez.
Bide batez, Eusko Jaurlaritzari Zabalgarbiren inguruko ikerketa bat egiteko eskatu diote. Izan ere, planta horren inguruan "izugarrizko artseniko kopuru handia" pilatu dela esan dute OEITko kideek eta horren jatorria argitu beharra dagoela.
Albiste gehiago gizartea
Beroak ez du etenik Euskal Herrian
Asteburuko bero-boladak jarraipena izango du astean zehar, eta 30 ºC-tik gorako tenperaturak neurtuko dira berriro hiriburuetan.
Garbitzaile bat hil da bero-bolada betean, Bartzelonan
Bartzelonako Udalak baieztatu egin du gertakaria, baina oraindik ezin da ziurtatu beroak eragin izana heriotza.
Lekeitiok bere egun handia ospatu du gaur Kaxarranka dantza tradizionalarekin
Zortzi arrantzalek eutsitako kutxaren gainean aritu da Olatz Maruri dantzaria. Bigarrengoz, emakume bat, duela bi urte Ane bere ahizpak egin ostean.
Pertsona bat atxilotu dute Donostian hiru edukiontzi erretzea egotzita
28 urteko gizonezko bat atxilotu dute, kalte-delituak egotzita.
Adina ez da oztopo euskal dantzak ikasten hasteko
Errenteriako Beti Bizkor erretiratuen elkarteko emakumeek adinari eta gaixotasunei aurre egin diete eta euskal dantzak ikasten dabiltza Nekane irakaslearekin. Ariketa fisikoa egitearekin batera, burua ere arin mantentzea da helburua.
5.000 metro karratu kiskali dira zereal-zelai batean, Gerendiainen, sute baten ondorioz
Dirudienez, traktore batek eta paketatzeko makina batek su hartu dutenean piztu da sutea. Nafarroako suhiltzaileak izan dira lanean eta, inguruko nekazarien laguntzarekin, gune beroak itzali dituzte.
Iritsi dira Iruñera aurtengo sanferminetako entzierroetako lehen zezenak
Iritsi dira sanferminetako lehen zezenak Iruñera. Fuente Ymbro eta Victoriano del Rio ganadutegietakoak dira, uztailaren 7ko eta 10eko entzierroen protagonistak. Momentuz, Gaseko ukuiluetan daude atseden hartzen.
Bizkaia zubia martxan da berriro, matxura konpondu ondoren
Erabiltzaileek beste aukera batzuk bilatu behar izan zituzten larunbatean Getxotik Portugaletera edo/eta Portugaletetik Getxora joateko, matxura konpondu zuten arte.
2.000 bat ezkontza parekide egin dira Hego Euskal Herrian sexu berekoen arteko ezkontzak baimentzen zuen legea onartu zutenetik
2005eko irailaren 3an egin zen Hego Euskal Herrian lehen ezkontza parekidea, Gasteizko udaletxean. Lortutako aurrepausoak, baina, arriskuan daudela ohartarazi, eta olatu atzerakoiari aho batez erantzuteko eskatu dute.
LGTBIQ+ Harrotasunak Euskal Herriko kaleak hartu ditu, askatasunaren alde eta faxismoaren kontra
Dozenaka jarduera egin dira lurralde osoan zehar LGTBIQ harrotasunaren egunean. Martxa garrantzitsuenak Bilbon (/eguerdian), eta Gasteizen, Donostian eta Iruñean (arratsaldean) izan dira, eta milaka lagun batu dira horietara.