Alerta laranja Euskal Herrian, elurragatik
Eusko Jaurlaritzaren Segurtasun Sailak alerta laranja ezarri du elurragatik ostiral honetan Euskal Autonomia Erkidegoan, eta larunbat eguerdira arte egongo da indarrean. Nafarroan ere, alerta laranjan daude elurragatik. Gainera, Bizkaian eta Gipuzkoan abisu horia aktibatu dute euriagatik.
Ostegunean, elur-maila 700 eta 900 metro artean egon da, baina ostiralean eguraldiak nabarmen egingo du okerrera.
Goizaldean elur-maila 500 eta 700 metro artean izango da, baina ostiralak aurrera egin ahala 300-400 metrora jaitsiko da. Gune batzuetan, elur-maila beherago egon daitekeela ohartarazi dute.
Larunbatean, elur-maila 300-400 metroan egongo da, baina eguerditik aurrera eguraldiak hobera egingo du eta prezipitazioak gutxitu egingo dira. Abisu horia ezarriko dute orduan, alerta laranjaren ordez. Barrualdean, elurra botako du, baina batez ere euria egingo du Bizkaian eta Gipuzkoan.
Horrela, Trafiko Zuzendaritzak errepideetan arreta berezia jartzeko eskatu die herritarrei, eta hainbat gomendio eman ditu, hala nola, Ertzaintzaren oharrak kontuan izatea eta ezkerreko erreia libre uztea, elurra kentzeko makinak eta larrialdi zerbitzuetako ibilgailuak pasa daitezen.
Elurra kentzeko 100 makina baino gehiago Nafarroan
Nafarroan, elurte handia dago iragarrita ostiral honetarako: elur-maila 200-300 metroan egongo da.
Nafarroako Gobernuak elurra kentzeko 109 makina ditu prest autobide, errepide eta mendateetan. Batez ere, iparraldeko eta erdiguneko eskualdeetan barrena ibiliko dira.
Iruñeko Udalak ere, elurrari aurre egiteko plana abiatu du. 200 pertsona baino gehiago eta elurra kentzeko bederatzi makina arituko dira lanean. Elur-jasa handienak 06:00ak eta 10:00ak bitartean eta 20:00etatik aurrera espero dira.
Albiste gehiago gizartea
Ehunka jarraitzailek omenaldia egin diote Diogo Jotari Liverpoolen, futbolari portugaldarra istripu batean hil ostean
Futbolari portugaldarra gaur goizaldean hil da, bere anaiarekin batera Espainian izandako auto-istripu batean. Hillsborogheko tragediaren biktimen oroimenez eraikitako memorialaren aurrean, Liverpooleko eta Evertoneko jarraitzaileek eta futbolzaleek aldare bat osatu dute, lore, bandera, bufanda eta kamisetekin.
Hernaniko Udalak zortzi gertakari arrazista eta eraso sexista bat antzeman ditu San Joan jaietan
Udalak azaldu du gertakari horiek gizartean gertatzen ari diren jarreren isla direla, eta aurreratu du herritarren kezkei erantzuteko eta bizikidetza sustatzeko neurriak eta espazioak jarriko direla martxan.
Iruñea sanferminetarako prest, pertsonako eta eguneko 125 eta 250 euro bitartean alokatzen diren balkoiekin
Entzierroak balkoi batetik ikustea negozio bihurtu den aukera bat da. Modan dago eta gero eta gehiago eskatzen dira. Hiriko eta inguruetako ostatuak ere datozen egunetan milaka pertsona hartzeko prestatzen ari dira.
‘Mater’ itsasontzi museoa kostaldean zehar ibiliko da, itsasora botatako zaborraren aurka borrokatzeko
Uztailean zortzi udalerritara iritsiko da, eta horietan itsasoko zaborra biltzeko doako jarduerak egingo dira. Ostegun honetan, Bilboko Itsasmuseum parean, 'Zero zabor uretan' ibilbideari hasiera eman diote, ingurumenari buruz kontzientziatzeko eta itsasoetako zaborrari buruz hausnartzeko.
Sonia Perezek gogorarazi du Cabifyk eta Uberrek hiriarteko ibilbideetan soilik jardun dezaketela
Aldundiak bost zigor jarri dizkie Gidaridun Garraio Ibilgailuen operadoreei 2025ean, gehienak hiriarteko ibilbideak soilik egitearen murrizketa ez betetzeagatik.
Kontaktuen orrien erabiltzaileei estortsioa egiten zien sare kriminal bat desegin dute Iruñean
Polizia Nazionalak 16 pertsona atxilotu ditu, eta ikerketak irekita jarraitzen du, Espainiatik kanpo egon daitezkeen beste bi inplikaturen bila ari batira.
Su handi batek Lleida kiskali du: zer da seigarren belaunaldiko sute bat?
Lleidako sutearen garrak 30 km/h-ko abiaduran joan ziren, 14 kilometroko altuerako hodei pirokumuloa sortu zen eta eguraldiak sua kontrolatzea zaildu zuen.
Joxe Azurmendi, euskararen eta euskal kulturaren aldeko ekintzaile nekaezina
Zegaman jaioa, Azurmendi Jakin taldeko kide aktiboa izan zen, Francoren debekuaren ondoren aldizkaria birsortu zenetik. Beste erakunde batzuekin ere kolaboratu zuen euskararen normalizaziorako, kulturan eta bakegintzan.
EHUk "jakintzaren demokratizazioan funtsezko rola jokatzen jarraitu" behar duela defendatu du Pradalesek
Imanol Pradales lehendakariak inauguratu du Donostian Euskal Herriko Unibertsitatearen (EHU) Udako Ikastaroen 44. edizioa. Ekitaldi horretan, Miren Arzalluz Guggenheim Bilbao Museoaren zuzendari nagusiak eskola magistrala eman du, 'Mugarik gabeko artea. Mugak gainditzen, lengoaiak esploratzen' izenburupean.
Joxe Azurmendi filosofo eta pentsalari zegamarra zendu da, 84 urte zituela
Jakin aldizkariak azpimarratu duenez, "pentsamendu itzela utzi diguzu. Hura lantzen jarraituko dugu, beti eskatu izan diguzun bezala, zu (eta inor) jainkotu gabe, baina maisu-maistrak aitortuz". Aldizkari historiko horrek nabarmendu duenez, Azurmendiren pentsamendua funtsezkoa izan zen joan den mendeko 60ko eta 70eko hamarkadetan euskara eta euskal kultura berritu eta bultzatzeko.