Down sindromea duten 30 gazte eta Ertzaintza, elkarrekin egutegi solidario batean
Ertzaintzak eta Down Araba Isabel Orbe elkarteak Gabonetan salduko duten egutegi solidarioa aurkeztu dute, Down sindromea duten 30 gaztek eta 20 ertzainek elkarrekin egindakoa.
Estefania Beltran de Heredia Segurtasun sailburua, Iosu Izuskitza Down Araba elkartearen zuzendaria eta Txema Delgado Ertzaintzako Idazkaritza Nagusiko Prestakuntza eta Baliabideak Ataleko burua ekimenean parte hartu duten gazteekin batera egon dira egutegia aurkezteko ekitaldian.
Izuskitzak eskertu egin du Ertzaintzak proiektu solidario horrekin izan duen kolaborazioa. Aurreko urteetan, Baskonia eta Gasteizko Gaztedi Rugby Taldea aritu dira elkartearekin elkarlanean. Zuzendariak dioenez, “batzuetan oraindik estereotipoz markatuta dauden pertsonak agerian jartzen laguntzen du, izan ere, estereotipo horiek ez diete ahalik eta bizitzarik normalena izaten uzten”.
Beraz, egutegiaren helburua jendeak gazte horiek “gauzak egin ditzaketela ikustea da, beharbada beste modu batera, batzuetan motelago, baina horietaz askoz gehiago gozatuz”, gaineratu du. Bestalde, Beltran de Herediak proiektu hori goraipatu du, “gizartearen aurrean segurtasuna guztion kontua dela eta erantzukizuna behar guztietara egokitutako segurtasuna eskaintzea dela” erakusten baitu.
Delgadok azpimarratu du ekimen hori orain dela 4 urte Ertzaintzak Down Arabarekin duen kolaborazioaren parte dela, elkartekideekin segurtasunaren hainbat alderi buruz lan egiteko “eta horrela horien bizitzetan segurtasun eta autonomia handiagoa izaten laguntzeko”.
Lan horri esker, Davis Wagman saria eman diote Ertzaintzari bigarren urtez jarraian, Ertzaintzaren eta gizarte anitzaren artean harreman handiagoa eta hobea lortzeko eta, horrela, segurtasunaren arloan dituzten premiak hobeto ezagutzeko eta diskriminazioari aurre egin eta gorroto-delituen aurka borrokatze aldera estrategia bateratuak garatzeko egindako lanagatik.
Zure interesekoa izan daiteke
Migrazioa delinkuentziarekin eta zerbitzu-abusuarekin lotzen dutenen kopurua jaitsi da
Ikuspegi Immigrazioaren Euskal Behatokiak egindako azterlan baten arabera, euskal herritarren % 10ek baino gutxiagok aipatzen du immigrazioa herrialdeko arazo nagusietako gisa, eta % 2,7k baino ez dio modu pertsonalean eragiten diola.
Gipuzkoako Auzitegiak absolbitu egin ditu haurra hiltzen saiatzeagatik akusatu zituzten gurasoak
Gipuzkoako Probintzia Auzitegiak absolbitu egin ditu gurasoak, haurra hiltzen saiatzeagatik akusatu ostean; ondorioztatu du ezin izan dela frogatu, neskatoaren lesioek jatorri traumatikoa zutenik edo kolpe baten ondorio zirenik.
3I/ATLAS kometa Lurrera ahalik eta gehien hurbildu da, eta ezustekorik gabe urruntzen ari da
Zientzialari errusiarrek baztertu egin dituzte, berriro ere, estralurtarren ustezko ontzi bat zela zioten teoriak.
Etxebizitzak gero eta gehiago kezkatzen du euskal gizartea, eta Osakidetzarekiko eta Ertzaintzarekiko konfiantza hobetzen ari da
Etxebizitza eskuratzea da euskal gizartearen arazo nagusia, azken Deustobarometroaren arabera; bitartean, osasunaren, segurtasunaren eta migrazioaren inguruko kezkak behera egin du, eta zerbitzu publikoekiko konfiantza berreskuratu da.
Guardia Zibilak erietxera eraman ditu Beloradotik joandakoekin Urduñan bizi ziren mojetako bost, osasun-baldintza kaxkarretan zeudelakoan
Ostegun honetan Santa Klarako monastegitik 87 eta 101 urte arteko bost moja atera dituzte eta Basurtuko erietxera eraman dituzte azterketa egitera, epailearen aginduz. Guardia Zibilak jakitera eman duenez, emakumeak osasun-baldintza txarretan bizi zirela egiaztatu ahala izan dute. Adierazpen horiek gezurtatzeko helburuz, etxeko mojetako batek sareetan zabaldu ditu eraikin barruko irudiak.
Fiskalak erretiratu egin ditu Zestoako akusatu nagusiaren aurkako akusazio guztiak, eta gainerako bostentzat isuna eskatu du
Salatzailearen bikotekide ohiaren deklarazioa entzun ostean, fiskalak frogatutzat jo du gizonarekiko beldur gaindiezina izan zuela eta zigor eskaerak aldatu ditu. Absoluzioa eskatu du akusatu nagusiarentzat eta gainerakoentzat, berriz, espetxe zigorra beharrean isunak eskatu ditu hertsatze delituagatik.
Moto gidari bat zauritu da Donostian, GI-20an hainbat ibilgailuren artean izandako istripuan
08:00ak aurretik izan da ezbeharra eta errepidea itxita gelditu da momentuan, auto ilara luzeak eraginez. Geroxeago zabaldu ahal izan dute erreietako bat.
Gabonak, inoiz baino garestiago: trikimailuak eta alternatibak, gure menua merkatzeko
Arkumea, bisigua, turroia, ostrak, anana... Gabonetan pairatzen dugun prezioen gorakadaren ondorioz, produktu batzuk gure mahain izatea ia ezinezkoa izaten da. Baina ez etsi, alternatiba goxoak egon badaude gure Gabonetako menua hain garestia ez izateko.
Elkartasun uholde bati esker, EITB Maratoiak 361.665 euro batu ditu zahartze osasuntsuaren aldeko ikerketarako
Beste urte batez, ehunka pertsonak eta erakundek euren onena eman dute zahartze osasungarria ikertzeko dirua biltzeko. Guztira, egun osoan zehar, EITB Maratoiak 361.665 euro batzea lortu du, eta kopuru horrek hazten jarraituko du datozen egunetako dohaintzei esker.
BiomaGUNEk ohartarazi du aspartamoa "kaltegarria" izan daitekeela bihotzerako eta garunerako
Aspartamoa pisua galtzen lagun dezakeen edulkoratzaile artifiziala da, baina azukrea baino 200 aldiz gozoagoa da.