Koopera, Ramon Barea, Abel Barriola eta 'EZ beti da EZ', 2017ko Sabino Arana Sariak
Eraso sexisten kontrako 'Ez beti da Ez' kanpainak, pertsonen gizarteratzea bultzatzea helburu duen Koopera kooperatibak, Ramon Barea aktoreak, Abel Barriola pilotariak eta Durangoko Gerediaga kultur elkarteak 2017ko Sabino Arana Sariak irabazi dituzte.
Sabino Arana Fundazioak urtero ematen ditu sari hauek, euskal abertzaletasunaren sortzailearen jaiotzaren urteurrena dela eta. Juan Mari Atutxa fundazio horretako presidenteak eta Irune Zuluaga zuzendariak larunbat goiz honetan jakinarazi dute nortzuk diren Sabino Arana sarien XXIX. edizioko irabazleak. Mundu hobeago baten alde lan egiten duten pertsonen eta elkarteen ahalegina aitortzea da sari horien helburua.
'EZ beti da EZ' kanpainari dagokionez, Sabino Arana Fundazioak "garrasi kolektiboaren esangura aintzatetsi eta saritu" nahi du. Goizean egindako agerraldian azaldu dutenez, garrasi horrek genero-indarkeria pairatu duten emakumeen eta gaitz larri horren kontra lanean ari diren elkarteen ahotsa darama, baita "euskal gizarte osoaren ahots tinko eta kementsua" ere.
Kasu honetan, elkarte edo pertsona ezagun bat izan beharrean, sariduna kanpaina bat denez, saria nola eman pentsatzen ari direla azaldu dute Atutxak eta Zuluagak. Iaz gauza bera gertatu zen, Picassoren Gernika margolana saritu baitzuten. Orduan, Gernikako bonbardaketaren biktimen senideek jaso zuten saria.
Beste alde batetik, Koopera Gizarte eta Ingurumen Berrikuntza "aintzatetsi eta saritu" nahi du Sabino Arana Fundazioak, kooperatiba horrek "apustu garbia egin duelako gizarte-bazterkeriako egoeran edo horren arriskuan dauden pertsonen gizarteratzea eta laneratzea errazten eta ingurumena sustatzen eta zaintzen".
Ramon Barea aktore, zuzendari eta ekoizle bilbotarrari emandako sariarekin, "lan eta bizimolde oparoa eta arte eszenikoei eskainitako konpromisoa" aitortu nahi du fundazioak. Ildo horretatik, azken lau hamarkadetan egindako lan batzuk nabarmendu ditu: antzerki-lan eta antzerkigile handien moldaketak eta interpretazioak, ehun film baino gehiago, film laburrak, telesailak, dokumentalak edota Ur antzerki-konpainia.
Halaber, Durangoko Azokaren sortzaile eta bultzatzaile den Gerediaga kultur elkarteak "Durangaldeari, bereziki, eta Euskal Herri osoari egin dion ekarpen handia" nabarmendu du Sabino Arana Fundazioko presidenteak.
Bestalde, Abel Barriola pilotariak "pilotalekuaren barruan zein kanpoan utzitako aztarnagatik" jasoko du saria. Hala, "kirolari eredugarri" eta "jende orok mate eta errespetatzen duen pilota profesionala" dela nabarmendu dute Atutxak eta Zuluagak agerraldian.
Sariak banatzeko ekitaldia urtarrilaren 28an egingo da, Bilboko Arriaga antzokian. Iñigo Urkullu lehendakaria bertan izango da.
Albiste gehiago gizartea
Giza Eskubideen Europako Auzitegiak Espainia zigortu du Iruñean izandako bortxaketa bikoitz bat behar bezala ez ikertzeagatik
Epaiak 2023ko azaroan bi neska iruindarrek aurkeztutako demanda ebazten du. Salaketa horren arabera, 2016ko abenduan bortxatuak izan ziren kontzientzia eta borondatea baliogabetu eta mendetasun kimikoko substantziaren bat (burundanga) emanez zentzu oro kendu ondoren; eta bortxaketa horiek zigorrik gabe geratu ziren, Nafarroako epaitegiek eta auzitegiek kasua artxibatu zutelako epaiketarik egin gabe.
Babarrun usainak Balmaseda bete du, urtero bezala, putxera lehiaketagatik
Aurten, errekorra hautsi dute eta 231 parte-hartzaile izan dira lehian indaba onenaren tituluagatik. Goizean zehar haizea izan da, baita euria tarteka ere, baina jai-giroari arazorik gabe eutsi diote herritarrek.
Bilboko gazte bat ikertzen ari dira, TikTok bidez makila-estokeak fabrikatu eta saltzeagatik
Bilboko Udaltzaingoak izapideak ireki ditu San Adriango bizilagun baten aurka. 33 urteko gizonak makila-estokeak fabrikatu eta saltzen zituela zabaltzen zuen sare sozialetan, bideoen bidez.
Benjamin borraskak hainbat intzidentzia eta gorabehera eragin ditu, gehienak errepideetan
Kamioi batek artaziarena egin du N-1ean, Villabona parean, eta errepidea itxi behar izan dute Donostiara bidean. 09:00ak aurretik ezbeharra izan duen Ibilgailua erretiratu dute. Halaber, haize-ufada zakarren ondorioz, zuhaitz bat bidera erori da Meñakan, eta BI-631 errepidea guztiz itxi dute, Bermeora bidean.
45 urte Ortuellako tragediatik, oraindik sendatu ez den zauria
1980ko urriaren 23an, 50 adingabe eta 3 heldu hil ziren Marcelino Ugalde ikastetxe publikoan, gas-leherketa batean. Eskola jada ez da existitzen, baina tragedia haren minak oroimenean irauten du, 45 urte geroago.
Sute izugarri batek Zumaiako baserri bat erre du
Ez da inor zauritu, eraikina hutsik zegoelako. Suhiltzaileak bertaratu dira, sutea itzalitzeko eta sutea zerk eragin duen jakiteko. Zumaia eta Getaria lotzen dituen N-634 errepidea itxi behar izan dute, garrak itzali arte.
Eusko Jaurlaritzak jarduera fisikoa eta ongizatea sustatzeko Mugiment Mahaia aurkeztu du
Mugiment Mahaiaren helburua aldaketa soziala sortzea da, sinergiak sortuz eta modu koordinatuan lan eginez.
Gasteizko Judimendi parkeko lanak geldiarazi dituzte, aztarna arkeologikoak aurkitu dituzte eta
Hezur-hondarrak aurkitu zituzten tirolina eta beste jolas batzuk jartzeko lanak gauzatzen ari ziren bitartean.
EHUko Arabako campusa kerik gabeko lehen unibertsitate eremu bihurtu da
Kerik Gabeko Guneen Sarearekin bat egin duen lehen unibertsitate-eremu bihurtu da Euskal Herriko Unibertsitatearen Arabako campusa. Sarea 2021ean sortu zuen Eusko Jaurlaritzak, Euskadiko foru-aldundiekin eta udalekin lankidetzan, eta, besteak beste, tabakoa eta horren deribatuak (lurrungailuak, esaterako) kontsumitzen hastea prebenitzea eta zigarrokinek eragindako kutsadura saihestea du helburu.
Osakidetzak txertaketa-zentro bat jarriko du Bilbon, gripearen aurkako txertoa aldez aurreko hitzordurik gabe jasotzeko
Ostiral honetatik aurrera, Bilboko Casillako pabilioian 15 postu jarriko dituzte, herritar guztiek, 08:00etatik 20:00etara, gripearen aurkako txertoa jartzeko, aldez aurretik hitzordua eskatu beharrik gabe, pandemian egin zuen bezala.