Erregetako loteriaren lehen saria Bilbon banatu da
Deustuko (Bilbo) Agirre Lehendakariaren etorbideko 19 zenbakian dagoen administrazioak banatu du, larunbat honetan, Erregetako loteriaren lehen saria. Zehazki, 05.685 zenbakiari egokitu zaio, serieko bi milioi eurorekin (200.000 euro dezimoari). Sari nagusia Bilbon saldu da, oso osorik.
Administrazio horrek 100 milioi euro banatu ditu guztira bezeroen artean, serie horri dagozkion dezimo guztiak saldu baititu. Hala, 05.685 zenbakiari egokitutako 50 serie saldu dira Bizkaiko hiriburuan.
Deustun kokatuta dagoen administrazio horretako arduradunetako batek jakitera eman duenez, leihatilan saldu dituzte dezimo guztiak. Erregetako loterian sari nagusia banatzen duten lehen aldia izan da aurtengoa. Dena dela, 60. hamarkadan Gabonetako loteriaren lehen saria banatu zuen gaur egungo arduradunaren amak, administrazio hori Autonomia kaletik gertu zegoenean.
Juan Elejalde Deustuko loteria-administrazio horretako saltzaileak adierazi duenez, Bilboko "toki askotan banatuta" dago lehen saria, izan ere, zenbaki horri dagozkion dezimo guztiak loteria-administrazio horretako leihatilan saldu dituzte. "Deustun, Arangoitin eta Bilbo osoan egokitu da, bide erdian dagoen administrazioa baita", esan du loteria-saltzaileak.
Gainera, dezimo asko inguruko taberna eta jatetxeetan banatu dira, eta Arangoiti auzoan ere milioien zaparrada jauzi da. Izan ere, Ziortza tabernako jabeak 133 dezimo saldu ditu. Guztira, beraz, 26 milioi euro inguru banatu ditu Tomasek. Ziortza tabernako jabea "oso pozik" agertu da saldutako zenbakiarekin.
Aurtengoa ez da lehen aldia izan Bilbon Erregetako loteriaren lehen saria banatzen dela. Aurretik, Bizkaiko hiriburuko loteria-administrazioek beste 17 aldiz banatu dute sari nagusia (azken aldiz 2016an).
Urtero bezala, Erregetako loteriak amaiera borobila eman die gabonei. Izan ere, larunbat honetan 700 milioi euro banatu dira guztira, hau da, iaz baino 70 milioi gehiago. 2017an, 630 milioi euro banatu zituen Erregetako loteriak.
Gasteizen, Eibarren eta Anoetan egokitu da bigarren sariaren parte bat
Bigarren saria 18.442 zenbakiari dagokio eta oso banatua egon da. Besteak beste, Gasteizen (Aiala kantzilerraren kalea, 7), Anoetan (San Juan kalea, 6) eta Eibarren (Errebal kalea, 15) saldu da.
Bigarren sariak 750.000 euro banatu ditu serie bakoitzeko. Estatu osoan oso banatuta egon da 18.442 zenbakia: Valentzian, Andaluzian, Katalunian, Kanarietan, Madrilen, Murtzian edota Asturiasen saldu da.
Zure interesekoa izan daiteke
Miguel Angel Montes, Iruña Okako alkatea: "Ez da kalte pertsonalik ezta materialik izan, dena kontrolpean dago"
Gauerdia pasata, Iruña Okan epizentroa duen 4 graduko lurrikara batek Araba astindu du. Miguel Angel Montes alkateak berak adierazi duenez, ez da inolako kalterik izan herrian. Gainera, alkateak lasaitasuna helarazi du, Eusko Jaurlaritzako eta Arabako Foru Aldundiko adituen txostenak eta ondorioak jasotzeko zain.
Gutxienez lau pertsona hil dira Tenerife hegoaldean, itsas kolpe baten ondorioz
Gainera, desagertuta jarraitzen du oraindik pertsona batek, eta bilaketa lanek aurrera jarraitzen dute.
Sokonuskoa, kakao mexikarretik eta gozogile bilbotarren eskutik jaiotako turroia
Bizkaiko gozotegiak galtzak bete lan dabiltza Gabonetako gozokirik esanguratsuenetako bat prestatzen: sokonuskoa, 300 urte baino gehiagoko historia duen Bilbon egindako turroia. Mexikoko Santa Ana de Soconusco herritik datorkio izena, XVII. mendean bilbotar batek kalitate bikaineko kakaoa aurkitu zuenean.
Jaurlaritzak ohi baino bentzeno-maila altuagoa antzeman du Muskizen, baina esan du osasunerako "segurutzat" jotzen diren mailak direla
Joan den ostiralean, Petronorrek jakinarazi zuen isuria izan zuela Bizkaiko findegiko gasolina-depositu batean, eta berehala ezarri zituzten beharrezko kontrol-neurriak.
Pertsona bat hil da AP-15 autobidean, Castejonen izandako istripu batean
Azken 15 urteetako hildako kopururik handiena utzi du urteak Nafarroan, eta oraindik ez da amaitu. Jada 45 dira aurtengo hildakoak.
Antonio Aretxabala: "Euskadiko historiako lurrikararik handiena izan da"
Iruña Okan epizentroa duen 4 graduko lurrikara batek Araba astindu du astelehen honetan, abenduaren 8an. Radio Euskadin egindako elkarrizketa batean, Antonio Aretxabaleta geologo eta dibulgatzaile zientifikoak adierazi duenez, mugimendu sismikoa Euskadiko historiako handiena izan da. Gainera, lurrikarak agerian utzi du Araban orain arte ezezaguna zen faila bat dagoela. Zientzialariak nabarmendu duenez, ziur aski 1 eta 2 km arteko luzera izango du. Hala ere, oraindik atea irekita utzi behar zaio etorkizuneko ikerketei.
Etxerik gabeko 1.500 lagunek baino gehiagok egiten dute lo egunero kalean Euskadin, 2022an baino bi aldiz gehiagok
Horietako 10etik 7 hiru hiriburuetan bizi dira. Gainera, beste 2.700 etxegabe daude, baina gaueko harrera-zentroetan edo aterpetxeetan lo egiten dute. Gehienak gizonezkoak dira, eta atzerritarrak 10etik 8tan. Erdiak dio dirua edo ondasunak lapurtu dizkiotela, 10etik 4k irainak edo mehatxuak jasan dituela, eta 10etik 3k fisikoki eraso egin dietela.
4 graduko lurrikara batek Araba astindu du, kalterik eta zauriturik eragin gabe
00:10ean izan da lurrikara eta epizentroa Iruña Okan izan du; milaka pertsona esnatu ditu gaur goizaldean Araban. Ez du kalterik eragin eta ez da erreplikarik espero, SOS Deiaken arabera.
Biriatuko ordainlekua itxita egongo da asteartetik asteazkenerako gauean, A-63 errepideko obrak direla eta
Abenduaren 9an itxiko dute, 21:00etan, eta 10ean irekiko dute berriro, 06:00etan. AP-8tik Lapurdirako noranzkoan doazen ibilgailu eta kamioiak Irunen atera beharko dira.
Gizon bat larri zauritu da Iruñeko Aranzadiko komentu abandonatuan, eskailerako zulotik erorita
Iruñeko Udaltzaingoak ingurua hesitu du eta erorikoaren arrazoiak ikertzen ari da.