Erromes bat erreskatatu dute hipotermia zantzuekin, Ibañetan

Aurizko suhiltzaileek Ibañeta mendatean (Orreaga, Nafarroa) galduta zegoen erromes bat erreskatatu dute bart, Foruzaingoak eitb.eus-i jakinarazi dionez.

Iturrion arabera, 65 urteko gizon kanadarrak berak deitu zuen larrialdietara, 19:15 aldera, mendatetik hurbil galduta zegoela esanez. Aurizko suhiltzaileak orotariko ibilgailu eta beldar-ibilgailu birekin bertaratu dira. Elur asko eta laino itxia zegoen arren, handik gutxira (20:30) topatu dute gizona, Ibañeta gainetik kilometro batera.

Erromesa "oso urduri" zegoen eta hipotermia zantzuak zituen, tenperatura baxuengatik. Orreagako aterpetxera eraman zuten, eta hantxe geratu zen, suspertzen.