500 ertzain, 100 udaltzain eta 200 zaindari pribatu, Athletic-Spartak partidan
Ertzaintzak, Udaltzaingoak eta Athleticek segurtasun dispositibo bat prestatu dute talde zuri-gorriaren eta Moskuko Spartaken arteko partidarako. Horrela, osteguneko norgehiagokan segurtasuna bermatzeko, 500 ertzain, 100 udaltzain eta talde bilbotarrak kontratatutako 200 zaindari pribatu prest izango dira, Josu Zubiaga Eusko Jaurlaritzako Segurtasun sailburuordeak jakitera eman duenez.
Herritarrei zein zale zuri-gorriei “lasaitasuna” eskatu die sailburuordeak. Errusiako taldeko jarraitzaileen balizko “probokazioetan ez erortzeko” eskatu die Zubiagak.
Athleticen eta Moskuko Spartaken arteko norgehiagoka “Bilbon egiten den beste ekitaldi” bat dela esan du sailburuordeak. Zentzu horretan, “halako guztiek segurtasunean eragina dute”, gogorarazi du Zubiagak.
Errusiako 2.500 zale
Athleticek Spartaki bidali dizkion sarreren arabera, Errusiatik 2.500 jarraitzaile etortzea espero dutela zehaztu du Zubiagak.
Sailburuordearen ahotan, “gehienak Bilboz eta futbol partidaz gozatzera etorriko dira”, baina “beste batzuen bizitza ikusteko modua eta jokabidea kontutan hartuta, istiluak sortzeko asmoz etor daitezke, eta hiriaren normaltasuna edonola aztoratu dezakete”.
Sarrera barik
Zentzu horretan, Errusiatik Bilbora sarrerarik gabe hurbilduko diren jarraitzaileen kopurua ezin izan du zehaztu.
Bestalde, astearte honetatik segurtasun dispositiboan lanean ari direla azaldu du Zubiagak, “zaleak etortzen hasi direlako”.
“Gasteizen ostatu hartu duten Spartakeko hiru jarraitzailek borroka bat izan zuten atzo bertako kirol-denda batean”, azaldu du sailburuordeak.
Zure interesekoa izan daiteke
Gasteizko blusek eta neskek zapi beltzekin omenduko dituzte martxoaren 3ko biktimak Andre Maria Zuriaren jaietan
Gainera, abuztuaren 6an ekitaldi bat egingo dute Poliziak hildako bost langileen oroimenez.
Orpoko probaren bitartez bizkarrezurreko muskulu-atrofia hauteman du aurrenekoz Osakidetzak
Gaitz neuromuskular arraro horren diagnostiko goiztiarrari esker, haurtxoa Donostiako Unibertsitate Ospitaleko Neuropediatriara bideratu dute dagoeneko, terapia genikoa jasotzen ari da eta hasierako bilakaera ona da. Jaioberrien baheketa-programak, orpoko proba izenekoak, 24 gaixotasun detektatzeko aukera ematen du.
Sexu erasoei aurre egiteko informazio gunea Gaztelu plazan zabalduko dute sanferminetan, beste urte batez
Foruzaingoak, Udaltzaingoak eta Guardia Zibilak elkarlanean segurtasun dispositiboa diseinatu dute, eta horren baitan alkohol eta droga kontrolak egingo dituzte Iruñeko sarbideetan.
San Fermineko entzierroen ibilbidean irrist ez egiteko produktua aplikatu dute
Hamar bat pertsonak lan egin dute gauean produktu irristagaitza 1.875 metro karratu ingurutan zabaltzeko. Eremu babestuak Santo Domingoko aldaparen amaieran hasi eta Mercaderesko bihurgunera eta metro batzuk harago heltzen dira, Estafetaraino, hain zuzen ere. Lana eskuz egiten da, ureztagailuak eta erratzak erabilita. Arduradunen arabera, likido irristagaitzak erreakzio bat sortzen du, eta erreakzio horrek zoladuraren mikroporoak askatzen ditu. Zulo horiek bentosa-efektua sortzen dute, eta saihestu egiten du pertsonek edo zezenek irrist egitea. Konposatua duela 20 urtetik aplikatzen da Sanferminetan, eta bereziki ondo funtzionatzen du zoladura bustita dagoenean.
Non eta nola kontsultatu trafikoaren egoera? Telefonoak, webguneak eta informazio kanal guztiak
Errepideen egoeraren berri izatea funtsezkoa da istripuak saihesteko eta gure ibilbidea modu seguruan eta ezustekorik gabe egin ahal izateko. Informazio iturri nagusiak bildu ditugu, Euskal Herrian zein atzerrira bidaiatu behar baduzu.
Navarreria kaleko harrapaketan zauritutako bi lagunak egonkor daude, bat ZIUtik kanpo
Gertatutako argitzeko ikerketak zabalik jarraitzen du.
Adinekoen aurkako tratu txar ekonomikoari eta finantza-abusuari buruzko gida bat landu dute
Dokumentuak hainbat alerta-seinale jasotzen ditu, besteak beste, banku-mugimenduak ugaritzea, ordaindu gabeko fakturak pilatzea edota beste pertsona batek diruaren gehiegizko kontrola egitea.
Sanferminetarako osasun-dispositiboa, prest
Nobedade gisa, uztailaren 6ko Txupinazorako dispositibo bera martxan jarriko dute hilaren 10ean, Txupinazo Txikian.
Donostiako gozoki-denda bateko jabea espetxera bidali dute, bere dendan neskato bati sexu-erasoa egiteagatik
Segurtasun Sailak ostegun honetan jakitera eman duenez, atxilotuak bi aldiz egin zion eraso adingabeari, ekainaren 25ean eta 26an; gainera, aurrekariak ditu antzeko delituengatik. Ostegun honetan epailearen esku utzi dute, eta hark espetxeratzea agindu du.
EAEko kanpinak erabat beteta egongo dira udan
Geroz eta jende gehiagok kanpinak aukeratzen ditu euren oporrak igarotzeko, besteak beste, zerbitzu ugari eskaintzen dutelako. Horren adierazle da okupazio maila: euskal kanpinak beteta daude abuzturako, eta uztailerako ere.