San Mameseko istiluak eta ertzainaren heriotza salatu dituzte Bilbon
Ehunka pertsona bildu dira gaur Bilbon bart Athleticen eta Moskuko Spartaken arteko partidaren atarian jazotako istiluak gaitzesteko eta bihotzekoak jota hil zen ertzainaren senide eta lagunei elkartasuna adierazteko.
Juan Mari Aburto alkatea buru zutela, Bilboko udalbatzako ordezkari politikoak, Ertzaintzako kideak eta Josu Urrutia Athleticeko presidentea eta herritar ugari bildu dira 13:00etan Udaletxeko eskaileratan.
Elkarretaratzea bukatzean, Aburtok hildako ertzainaren familiari elkartasuna erakutsi dio, baita Ertzaintzako lankideei eta Eusko Jaurlaritzari ere.
Aburtoren hitzetan, "ultra erradikalak, edonongoak eta edonola deitzen direla ere, futbolaren mundutik kanpo egon behar dira, baita gizartetik eta hiri honetatik kanpo ere. ez ditugu nahi, mespretxatzen ditugu". Gainera, "istiluok hiriaren irudia ezin dutela zikindu" esan du alkateak.
Bestalde, Josu urrutia Athleticeko presidenteak atzoko liskarrak gaitzetsi ditu; horietan, bederatzi lagun atxilotu zituzten, bost euskaldun eta lau errusiar. Gainera, Ertzaintzak armak konfiskatu zizkien Herri Norteko taldekideei.
Athleticeko presidenteak, berriz, "taldeak neurriak hartuko dituela" esan du, baldin eta liskarretan parte hartutako bazkideren bat harrapatzen badute.
Halaber, Urrutiak doluminak eman dizkio hildako ertzainaren familiari. "Guztion erantzukizuna da lurralde, hiri eta futbol giro hobeagoa lortzea, eta horretan ari gara erakundeen laguntzarekin", esan du.
Elkarretaratzearen amaieran, Aburtok eta Javier de Andres Espainiako Gobernuaren ordezkariak Euskadin, Ertzaintzako eta Udaltzaingoko agintariei eskua eman eta euren jokabidea eskertu diete, liskarren ondorioak larriagoak izatea saihestu baitzuten.
Elkarretaratzean honako hauek izan dira: Pedro Azpiazu, Jon Darpon eta Alfredo Retortillo sailburuak; Unai Rementeria Bizkaiko ahaldun nagusia; Jose Maria Iruarrizaga diputatua eta Bilboko udaleko alderdi guztietako ordezkariak. Bertan ere, besteak beste, Andoni Ortuzar (EAJ), Idoia Mendia (PSE-EE), Lander Martinez (Podemos) eta Raquel Gonzalez (PP) izan dira.
UEFAk ere liskarrak gaitzetsi ditu
Bestalde, UEFAk ere atzoko liskarrak gaitzetsi ditu Nyonen (Suitza) Europako Ligako final-zortzirenetarako zozketa egin aurretik.
"Zozketarekin hasi aurretik, Bilbon atzo gertatutako liskar laidogarriak gaitzetsi behar ditugu", esan du Pedro Pinto UEFAko komunikazio zuzendariak.
Albiste gehiago gizartea
Hernaniko Udalak zortzi gertakari arrazista eta eraso sexista bat antzeman ditu San Joan jaietan
Udalak azaldu du gertakari horiek gizartean gertatzen ari diren jarreren isla direla, eta aurreratu du herritarren kezkei erantzuteko eta bizikidetza sustatzeko neurriak eta espazioak jarriko direla martxan.
Iruñea sanferminetarako prest, pertsonako eta eguneko 125 eta 250 euro bitartean alokatzen diren balkoiekin
Entzierroak balkoi batetik ikustea negozio bihurtu den aukera bat da. Modan dago eta gero eta gehiago eskatzen dira. Hiriko eta inguruetako ostatuak ere datozen egunetan milaka pertsona hartzeko prestatzen ari dira.
‘Mater’ itsasontzi museoa kostaldean zehar ibiliko da, itsasora botatako zaborraren aurka borrokatzeko
Uztailean zortzi udalerritara iritsiko da, eta horietan itsasoko zaborra biltzeko doako jarduerak egingo dira. Ostegun honetan, Bilboko Itsasmuseum parean, 'Zero zabor uretan' ibilbideari hasiera eman diote, ingurumenari buruz kontzientziatzeko eta itsasoetako zaborrari buruz hausnartzeko.
Sonia Perezek gogorarazi du Cabifyk eta Uberrek hiriarteko ibilbideetan soilik jardun dezaketela
Aldundiak bost zigor jarri dizkie Gidaridun Garraio Ibilgailuen operadoreei 2025ean, gehienak hiriarteko ibilbideak soilik egitearen murrizketa ez betetzeagatik.
Kontaktuen orrien erabiltzaileei estortsioa egiten zien sare kriminal bat desegin dute Iruñean
Polizia Nazionalak 16 pertsona atxilotu ditu, eta ikerketak irekita jarraitzen du, Espainiatik kanpo egon daitezkeen beste bi inplikaturen bila ari batira.
Su handi batek Lleida kiskali du: zer da seigarren belaunaldiko sute bat?
Lleidako sutearen garrak 30 km/h-ko abiaduran joan ziren, 14 kilometroko altuerako hodei pirokumuloa sortu zen eta eguraldiak sua kontrolatzea zaildu zuen.
Joxe Azurmendi, euskararen eta euskal kulturaren aldeko ekintzaile nekaezina
Zegaman jaioa, Azurmendi Jakin taldeko kide aktiboa izan zen, Francoren debekuaren ondoren aldizkaria birsortu zenetik. Beste erakunde batzuekin ere kolaboratu zuen euskararen normalizaziorako, kulturan eta bakegintzan.
EHUk "jakintzaren demokratizazioan funtsezko rola jokatzen jarraitu" behar duela defendatu du Pradalesek
Imanol Pradales lehendakariak inauguratu du Donostian Euskal Herriko Unibertsitatearen (EHU) Udako Ikastaroen 44. edizioa. Ekitaldi horretan, Miren Arzalluz Guggenheim Bilbao Museoaren zuzendari nagusiak eskola magistrala eman du, 'Mugarik gabeko artea. Mugak gainditzen, lengoaiak esploratzen' izenburupean.
Joxe Azurmendi filosofo eta pentsalari zegamarra zendu da, 84 urte zituela
Jakin aldizkariak azpimarratu duenez, "pentsamendu itzela utzi diguzu. Hura lantzen jarraituko dugu, beti eskatu izan diguzun bezala, zu (eta inor) jainkotu gabe, baina maisu-maistrak aitortuz". Aldizkari historiko horrek nabarmendu duenez, Azurmendiren pentsamendua funtsezkoa izan zen joan den mendeko 60ko eta 70eko hamarkadetan euskara eta euskal kultura berritu eta bultzatzeko.
Zer gertatzen da gure datu pertsonalekin hotel batean ostatu hartzen dugunean?
Segurtasunagatik, hotelek datu jakin batzuk bildu eta Poliziari helarazi behar diote, baina ezin dituzte muga argi batzuez harago. Adibidez, ez dute eskubiderik gure NANa fotokopiatu edo eskaneatzeko.