Emakundek bat egiten du martxoaren 8ko greba feministaren aldarrikapenekin
Emakunde Emakumearen Euskal Erakundeak bat egiten du martxoaren 8rako deituta dagoen greba feministaren aldarrikapenekin, eta emakume guztiek beren babesa eskaini ahal izateko "aukera anitz" daudela uste du, baita ohiko greba parte hartu ezin dutenek ere.
Izaskun Landaida Emakundeko zuzendariak prentsaurrekoa eskaini du gaur goizean Gasteizen, Zuriñe Elordi idazkari nagusiarekin batera, emakumeen nazioarteko egunaren harira antolatu duen kanpainaren nondik norakoak azaltzeko.
Landaidaren esanetan, "ez da ohiko greba bat", besteak beste, nazioarteko mugimendu feministak deitu duelako, ez sindikatuek, eta protesta mundu osoko 177 herrialdeetan egingo delako.
Azpimarratu duenez, grebak lan mundurik haragoko eragina izango du; izan ere, lau esparrutan izango du eragina: enpleguan, hezkuntzan, pertsonen zainketan eta kontsumoan. Gainera, emakumeen lan-baldintzak hobetzeko, soldata arrakalarekin eta kristalezko sabaiarekin amaitzea, etxeko arduren partekatzea sustatzea eta indarkeria matxistaren aurkako borroka sustatzea. Horrenbestez, Emakundek bat egiten du greba honetako aldarrikapenekin.
Emakundeko zuzendariaren iritziz, greba egiteko hainbat aukera dituzte emakumeek, beraien egoera edozein dela ere.
Martxoaren 8ko kanpainaren aurkezpena
Emakumeen nazioarteko egunaren harira, antolatu duen kanpainaren berri ere eman du gaur Emakundek. Aurtengo kanpainan helduengan jarri du arreta, belaunaldi gazteagoekin arduratsu joka dezaten eta berdintasunaren transmisioa, egunero, eta bizitzaren arlo guztietan egion dezaten. "Berdintasuna ikasi egiten da. Irakatsi berdintasuna" lelopean, neskatilak eta mutikoak ditu protagonista, eta horien bidez gogorazten du ikastaldi baten fruitu direla haien jarrerak, balioak eta bizitzarekiko duten ikuspegia.
Aurten, Emakunderen sorreraren 30. urtemugarekin bat egiten du kanpainak, eta txartelez gain, irratiko iragarkiak, iragarki-bandak eta bideo bat biltzen ditu. Otsailaren 27a eta martxoaren 13a bitartean garatuko da, kanpoko euskarrietan, komunikabideetan eta sare sozialetan. Horrez gain, kartelak bidali dira erakundeetara, ikastetxetara, osasun zentroetara, elkarteetara, enpresetara, kultura-etxeetara, liburutegietara, eta abar.
Halaber, eta egunero belaunaldi berriei berdintasuna irakasten dieten bestelako jarrerak eta ekintzak erakuste aldera, herritarrak gonbidatuko dira sare sozialetan traola hau erabiltzera: #EnseñoIgualdad #BerdintasunaIrakastenDut
Zure interesekoa izan daiteke
Lau adingabe ikertzen ari dira, Lasarte-Orian, bi gazte jipoitzea egotzita
Biktimak, 20 eta 17 urtekoak, Lasarte-Oriako ikastetxe bateko patioan zeuden eta zazpi gazteko talde bat hurbildu zitzaien zigarro bat eskatuz. Ezetz erantzun ondoren, horietako lau ukabilkadak ematen hasi zitzaizkien eta ospitalean artatu behar izan zituzten.
Gizon baten gorpua aurkitu dute Eskoriatzan, ibaian flotatzen
Herritar batek eman du abisua, 09:15 aldera. Deba ibaian hilotz bat ikusi du, udalerriko Aingeru Guarda auzoaren parean.
Iragarki faltsuen bidez iruzur egiten zuen talde kriminal bat desegin dute Bizkaian
Bost pertsona ikertzen ari dira, eta 'Negare' polizia operazioak zabalik jarraitzen du. Oraingoz, 28 kaltetu identifikatu dituzte, batzuk Araban (1), Gipuzkoan (1) eta Nafarroan.
Duela 4.000 urteko bisonte baten hezurdura topatu dute, ia osorik, Urbasan, eta Iberiar penintsulan dokumentatutako lehen bisonte europarra izan daiteke
Maria Chivite presidenteak eta Rebeca Esnaola Kultura eta Kirol kontseilariak "garrantzi zientifiko handiko" aurkikuntza aurkeztu dute astelehen honetan. Aurkikuntza “bakarra” da Iberiar penintsulan, eta Arrafela leizean egin zen, Kultura Departamentuak sustatutako esku-hartze arkeologiko batean, Euskal Herriko Unibertsitatearen eta Madrilgo Historia Naturalaren Museoaren parte-hartzearekin, besteak beste.
Donostiako Udalak atxilotuen jatorriaren berri emango du aurrerantzean
Bilbok eta Gasteizek ez bezala, Donostiak bat egin du Eusko Jaurlaritzako Segurtasun Sailak ezarritako irizpidearekin. Aurrerantzean, Donostiako Udaltzaingoak atxilotuen jatorria jakinaraziko du, hedabideek zein herritarrek eskatuta edo "egoerak hala eskatzen duenean".
Goiz korapilatsua Bilbo inguruko errepide nagusietan
Istripu bat izan da Barakaldon, Ansioko bihurguneetan, Donostiarako noranzkoan, eta pertsona bat ospitalera eraman dute, zauriturik. Bestalde, lau ibilgailuk talka egin dute Zamudion, Txorierrin, eta auto-ilarak izan dira goizean goiz.
Setenil herrira doazen turisten jarioa ez da eten, kalteak handiak izanik ere
Cadizko herririk bisitatuenetako bat da Setenil, herrixka zurien ibilbidean baitago. Setenilgo alkateak bisita gidaturik ez antolatzeko eskatu die turismo enpresei.
Euriari aurre eginez, Donostiako kaleak girotu ditu inude eta artzainen konpartsak
Ospakizun eguna dute gaurkoa Donostiako Parte Zaharrean. Azken 49 urteetan bezala, inauteri aurreko igandean, Kresala elkartearen konpartsa desfilean atera da, antzinako inauterietako pertsonaiak gorpuztuta. Sarriegiren doinuak lagun, zortziko, fandango eta arin-arinen erritmoek hartu dituzte Donostiako kaleak.
Euriteak baretu dira Andaluzian, azken egunotako ekaitzak igarota
Guadalquivir ibaian, Kordoban, agerikoa da egoerak hobera egin duela. Goizean, emariak behera egin du apur bat, gauerdian 6 metroko altuera izan ondoren. Jaitsiera horrek behin-behinean lasaitasuna eman du, baina garbiketak aurrera jarraitzen du etenik gabe, datozen orduotan euri gehiago egingo baitu.
Zaldibar Argitu plataformak auziaren instrukzio fasea amaitzeko galdegin du hondamendiaren 6. urtemugan
Alberto Sololuze eta Joaquin Beltran langileak gogoan, urtero legez, ekitaldia egin du herri plataformak Eitzaga auzoan. Bildutakoek esan dutenez, "gogaituta" daude, epaitegiak 72 hilabete baitaramatza ingurumen delituak ikertzen. "Argitu dadila dena", aldarrikatu dute. Horrez gain, zabortegiaren zati bat "babesik gabe" dagoela eta bertako hondakinak "zuzenean errekara jausten" ari direla salatu dute.