Mugimendu feministaren aldarrikapenekin 'bat egin' du Eusko Jaurlaritzak
“Eusko Jaurlaritzak, berez, ez du grebarik egingo”, errepikatu du Josu Erkoreka EAEko Exekutiboaren bozeramaileak, baina deitutako ekimenekin bat egiteko Administrazioko langileen eskubidea “errespetatzen” dutela gogorarazi du. Zentzu horretan, Jaurlaritzak nazioarteko mugimendu feministaren aldarrikapenekin “bat egiten” duela azpimarratu du Erkorekak.
Horrela, 'Emakumeen Nazioarteko Eguna', Martxoak 8 dela-eta adierazpen instituzionala onartu du astearte honetan Gobernu Kontseiluak.
Aldarrikapenerako jardunaldia izango dela goraipatu du Exekutiboak adierazpenean, “nahiz eta aurrerapausoak eman, gizon-emakumeentzako berdintasunik ez dagoen gizarte batean bizi garelako”.
Era berean, “oinarrizko eskubide batzuk lortzeko, historian zehar bere burua eman zuten emakume guztiak” gogorarazteko eta aintzat hartzeko eguna izango dela dio adierazpenak.
"Egiturazko berdintasun eza"
“Mundu guztian, egiturazko berdintasun eza pairatzen dute emakumeek: gizon-emakumeen arteko soldata arrakala, botere eta erabakitzeko esparruetara heltzeko zailtasunak, zaintza eta etxeko lanen banaketa oso desorekatuaren ondorio diren lanaldi bikoitzak, lan merkatuan zailtasun handiagoak edo emakumeen aurkako indarkeria”, nabarmendu ditu testuak.
Horregatik, “berdintasun ezari aurre egiteko tresnarik onenak” berdintasun politikak direla errepikatu du Eusko Jaurlaritzak. Legealdi bakoitzean, diseinatu diren berdintasun plan ezberdinetan, planteatu izan diren ekintzarako ardatzak berretsi ditu Exekutiboak adierazpenean.
“Berdintasuna gizarte osoaren eta erakunde, entitate edo pertsona bakoitzaren erronka da; bakoitzak bere estrategiak ditu, guztiak osagarriak, gizon-emakumeen arteko berdintasuna bultzatzeko”, azpimarratu du.
Albiste gehiago gizartea
Bilboko Aireportuan lurreratzekoak ziren zazpi hegaldi desbideratu behar izan dituzte lainoagatik
Madriletik, Alacantetik, Basileatik, Bartzelonatik, Vienatik eta Paristik goizeko lehen orduko zetozen hegaldiak Santanderrera desbideratu dituzte. Horietako bat Madrilera itzuli behar izan da, eta azken bat Zaragozara bidali dute. Loiuko aireportuan zabaldutako laino mardulagatik.
Sute batek Renfeko aldirietako tren-zirkulazioa etenarazi du Santurtzin, Peñotako geltokian
Bestalde, sutearen ondorioz, Bilbo eta Santurtzi arteko tentsio elektrikoa kaltetu da, eta horrek atzerapenak eragin ditu C1 eta C2 lineetan.
Arantza Beitia, Kermanen ama: "Porteroek sekulako inpunitatea sentitzen zuten erasoak egiten zituztenean"
Kerman, Gasteizko Mitika diskotekan hil zuten gaztearen ama da Arantza Beitia. Euskadi Irratian elkarrizketa egin diote, gertatutakoaz jardun da eta erreparazioaz ere mintzatu da: "Utzikeriak, negligentziak eta praxis txarrak publikoki onartzea, aitortzea eta hiritarrei azaltzea zer egingo duten hori konpontzeko. Kermanen eskubideak errespetatzea, hiritar moduan", azpimarratu du. Entzun hemen elkarrizketa osoa.
Hiru pertsona atxilotu dituzte, Bilboko Fika kaleko homizidioan inplikatutak daudelakoan
Ertzaintzak hiru pertsona atxilotu ditu, igandean Bilbon izandako krimenarekin lotura dutelakoan. Azken atxilotuak 28 urte ditu, eta borondatez entregatu zuen bere burua Ertzaintzaren komisarian.
Gizon bat atxilotu dute Bilbon, atzo izandako hilketarekin zerikusia duelakoan
31 urteko gizon bat da. Ertzaintzak ikerketa zabalik du oraindik, gertakaria argitzeko. Beste bi gizonezko daude identifikatuta.
Haurtxo bat hil da Gasteizen, bigarren solairuko leiho batetik erorita
Adingabea Txagorritxuko ospitalera eraman zuten urgentziaz, eta han heriotza egiaztatu besterik ezin izan zuten egin.
Israelek Gazan hil dituen 1.580 osasun-langileak omendu dituzte Gasteizen
Txagorritxuko Ospitalearen atarian egindako irakurketaren helburua "genozidio sionistak hildako osasun-langileen memoria eta bizitzak gogoan izatea" izan da. Mugarik Gabeko Medikuen arabera, bi urte hauetan 1580 osasun-profesional hil ditu Netanyahuren Armadak ospitaleen, kliniken eta larrialdi eta erreskate taldeen aurka egindako erasoetan.
Abian da Beldur Barik egitasmoaren 16. bideo lehiaketa, gazteek indarkeria matxistaren aurrean duten jarrera erakuts dezaten
Miren Elgarresta Emakunderen zuzendariak Donostiako Lauaizeta ikastetxean egindako ekitaldian gogorarazi duenez, programaren helburua da gazteen artean indarkeria matxista prebenitzea, "neskak ahalduntzea lagunduz eta mutilei berdintasunaren beharraren gainean hausnartzen lagunduz, denen parte-hartzearekin gizarte berdinzaleago baten alde egiteko".
Berdintasun Ministerioak orkatilako telematikoak kudeatzeko kontratu berri bat lizitatuko du "hilabete gutxi barru"
"Hobekuntza teknikoak" egongo dira, hala nola plataforma bat gailu horien datuen jarraipen etengabea egin ahal izateko. Dena dela, Berdintasun ministroak esan duenez, "orkatilakoek funtzionatzen dute, ondo funtzionatu ere".
Gizon bat atxilotu dute Hernanin, urtebetean laugarrenez, pertsonen trafikoan ibiltzea egotzita
25 urteko atxilotuak bost lagun zeramatzan gidatzen zuen furgonetan, modu irregularrean. Gainera, atxilotuak ez zuen gidabaimenik.