Soldata-arrakala desagerrarazteko erakundeen inplikazioa eskatu du Arartekoak
Manuel Lezertua Arartekoak euskal botere publiko guztiei eskatzen die eraginkortasunez eta erabakitasunez esku har dezatela soldata eta pentsioen arteko desberdintasuna zenbaterainokoa den aztertzen eta kalkulatzen, baita beste lan-baldintza batzuk izateko orduan dagoena ere, eta, aldi berean, zehaztu ditzatela desberdintasun horien zergatiak.
Emakumeen Nazioarteko Eguna dela eta, Arartekoak agiri instituzionala zabaldu du. Horren harira, Arartekoak atseginez gogoan hartu du ezin ukatuzko aurrerapenak lortu direla gizonen eta emakumeen arteko eskubide berdintasunaren arloan.
Aldi berean, biziki gaitzetsi ditu gizonen eta emakumeen artean oraindik bizirik dirauten benetako desberdintasun adierazpen ugariak. Begi-bistakoa da orain arte egin diren ahaleginak ez direla nahikoa izan generoagatik bereizkeriarik egingo ez den mundutik oraindik banatzen gaituen bide luzea ibiltzeko.
Arartekoaren ustez arreta berezia merezi du lan-eremuak; izan ere, bereziki onartezina da Europako herrialde gehienetan gizonen eta emakumeen artean oraindik dagoen soldata-arrakala.
Gainera, emakumeek zailtasun handiagoak aurkitzen dituzte lan-merkatuan jarraikitasunez eta guztiz sartuta egoteko, gehienbat beste pertsona batzuk zaindu ohi dituztelako, tradizioz. Horregatik, erretiroa hartu ondoren, gizonak baino askoz egoera ekonomiko okerragoan egoten dira.
"Emakumeek langabezia-tasa handiagoak nozitzen dituzte, eta oraindik aurre egin behar diote lanpostu jakin batzuk lortzeko edo lanbide-karrera koherenteak egin ahal izateko. Horrez gain, lana eta familia bateragarri egiteko trabek nagusiki emakumeengan dute eragina, gaur
Horretarako, ezinbestekoa da lan-merkatuan eta egitura ekonomiko osoan genero ikuspegia barneratzea.
"Euskadin helburu hori erdiesteko ekintza positiboak sustatu behar dira desberdintasun horiek gainditzeko, ez bakarrik administrazio publikoen eremuan, baizik eta baita ere lan-eremu pribatuan", gaineratu du.
Albiste gehiago gizartea
“Elkartasun zapia”, Gazako herriari elkartasuna adierazteko kanpaina
Gernika-Palestina herri ekimenak “Elkartasun zapia” udako kanpaina aurkeztu du gaur Gasteizen. Zapia jaietan erabiltzeko proposatu dute, Gazako herriari elkartasuna adierazteko. Hiri eta herrietako jai eragile askorekin elkarlanean, Gernika-Palestinak gazatarren aldeko aldarrikapena jai guztietan presente egotea nahi du.
Baso-suteak sortzeko arrisku "handia" eta "oso handia" Nafarroan
Horren aurrean, tenperatura altuak diren bitartean, sua eragin dezakeen edozein jarduera saihesteko gomendatu du SOS Nafarroak.
Gasteizko Udalak "itzalitzat eta erabat kontrolatutzat" jo du LEA fabrikan izandako sutea
Udaleko Larrialdi Plana desaktibatu dute eta oraindik itxita zeuden errepideak zabaldu dituzte dagoeneko.
EITBk aitortza jaso du EHUko Gizarte eta Komunikazio Zientzien Fakultateko graduazio ekitaldian
Dozenaka ikaslek jaso dute diploma, eta ekitaldia aprobetxatuz, EITBri saria eman diote gizarteari egiten dion ekarpenagatik. Bertan egon dira Andoni Aldekoa EITBko zuzendari nagusia, Arantza Ruiz Albistegietako zuzendaria eta Lontzo Sainz EITBko Estrategia eta Ikerketa burua.
Gasteizko LEA enpresaren lantegiko sutearen aireko irudiak
Gaur arratsaldean izandako sute handia kontrolatutzat jotzen da, ez baita zabaltzerik espero, baina erabat itzaltzeko "denbora" beharko da. Suteak ez du zauriturik utzi, baina bi auzo konfinatu behar izan dituzte bi orduz, ke handia dela eta. Sutea 13:45 inguruan hasi da, eta litekeena da enpresara produktu kimikoak eramaten ari zen zisterna-kamioi batek eragitea ezbeharra.
"6 edo 7 leherketa izan dira, baina bat oso handia izan da eta eraikin osoa dardarka jarri du"
Abetxuku eta Arriaga auzoetako bizilagunek ez dakite oraindik noiz itzuli ahalko diren etxera. Gasteizko Udalak iragarri du Arriaga Gizarte Etxera eramango dituztela Aramangelu kaleko atarietan, ezbeharraren ingurutik gertu, bizi diren hainbat pertsona.
Sutea piztu da LEA fabrikan, eta Arabako hiriburu osotik ikus daiteke kea
Sute handia piztu da Gasteizko LEA lantegian, eta Arabako hiriburu osotik ikus daiteke kea. Langileak barrutik atera, eta suhiltzaileak bertaratu dira. Sua bertan dagoen oxigeno biltegira ez heltzeko lanean ari dira. Segurtasun Sailak etxeko leihoak itxita izateko gomendatu die inguruko bizilagunei.
LEAko langilea: "Shock egoeran gaude, eta ez dakigu zer gertatuko den gure lanpostuekin"
Ana Esther Condek ia 20 urte daramatza Lascaray-LEA enpresan lanean. EITB Mediari adierazi dionez, 13:30ean suteen aurkako alarma jotzen hasi da, eta alde egin behar izan dute, korrika. "Irtetean, sugarrak ikusi ditugu, eta beldurtu egin gara", gaineratu du.
Bizkaiko Foru Aldundiak baso-sute baten simulakroa egin du Arbaltzagan
Bizkaiko Foru Aldundiak baso-sute baten simulakroa egin du Arbaltzaga inguruan, Baso-suteetarako larrialdi plana (INFOBI) osatzen duten taldeen prestakuntza, koordinazioa eta erantzuteko gaitasuna hobetzeko.
Yazan, gazatarra eta paziente onkologikoa Euskadin: "Handitan medikua izango naiz, beste ume batzuk artatzeko"
Gaixotasun onkologikoak dituzten Gazako 5 ume artatzen ari da Osakidetza Gurutzetako Ospitalean eta Donostiakoan. Horietako bat, Yazan, duela bi hilabete dago Donostian, amarekin, tratamendua jasotzen.