Senar ohiak Leyre Rodriguez 'odol hotzean' hil zuela uste dute akusazioek
Leyre Rodriguezen senar ohiari 23-30 urteko espetxe-zigorra ezartzea eskatu dute Fiskaltzak eta gainerako akusazioek, hilketa maltzurkeriarekin egin zuela uste dutelako; izan ere, “odol hotzean hil zuen”, “aldez aurretik pentsatu eta prestatuta”, eta gazteak ez zuen defendatzeko “inolako” aukerarik izan.
Bestalde, zazpi urteko kartzela-zigorra eskatu du defentsak, gertakariak akusazioek azaldu bezala jazo zirena pentsatzeko “zalantzak” daudela iritzita. Abokatuaren hitzetan, “maltzurkeriarik ez zen izan eta, ondorioz, hilketarik ez lukete leporatu behar, homizidioa baizik”.
Fiskaltzak, Estatuko Abokatutzak, akusazio partikularrak (familia) eta herri-akusazioak (Clara Campoamor Elkartea) ondorioak aurkeztu dituzte ostiral honetan, baita defentsak ere, epaiketaren bosgarren saioan. Epaiketa epaimahaiarekin egin dute Bizkaiko Lurralde-auzitegian. 2015eko abuztuan Leyre Rodriguez hil zuten Bilboko Abusu auzoan. J.M.P. biktimaren senar ohia epaitu dute.
Saioa akusatuaren hitzekin bukatu da: “sentitzen dut”. Datorren astelehenean epaiaren objektua epaimahaiari entregatuko diote, eztabaidatzen hasteko.
Biktimaren senar ohiari hilketa maltzurkeriarekin eta ahaidetasun zein genero larrigarriekin leporatzen diote akusazio ezberdinek. Aste honetan epaiketan ikusi eta entzun dituzten frogek eta testigantzek argi utzi dutenez, J.M.P. akusatuak Leyre “hiltzeko asmoa zuen lehen unetik” eta, gainera, “modu horretan egiteko aldez aurretik prentsatu eta prestatu zuen”, fiskalaren arabera.
Defentsak, ostera, 7 urteko espetxe-zigorra eskatu du homizidio delitu batengatik. Abokatuaren ahotan, “justizia ezin daiteke mendekatia izan”, “bidezkoa eta une bakoitzean epaitzen diren gertakari konkretuei egokitu” baizik.
Albiste gehiago gizartea
Udako helmugarik gogokoenak: Nora goaz euskal herritarrok oporretan?
Zenbaki handietatik haratago, hurbiltasunak pisu handia du uda sasoiko joan-etorrien mapa marrazterakoan, nahiz eta Mediterraneoak eta hirigune handiek erakargarritasunari eusten dioten.
Santurtzik eta Donostiak arrantzaleen zaindaria den Karmengo Amaren eguna ospatu dute
30.000 pertsona inguru hurbildu dira Santurtziko (Bizkaia) itsas prozesioa ikustera. Donostian, urtero bezala, Gipuzkoako Arrantzaleen Kofradien Federazioak omenaldia egin die arrantzale eta saregile erretiratuei.
Domingok, Torre Pachecon erasoa jasan zuen gizonak, EITBrentzat hitz egin du: "Gerta daitekeen gauzarik onena herrian egoera baretzea da"
Erasoa gertatu eta astebetera, Domingo lagunekin elkartu da berriro. Oraindik begi batean arazoak dituen arren, fisikoki ondo dagoela esan du. Herriko egoera laster baretzea espero du eta "filmeko protagonista" ez duela izan nahi esan du.
Elgoibarko alkatea: "Ezbeharraren unean 10 bat pertsona zeuden kiroldegian, horietako lau igerilekuetan, eta azkenean hiru artatu behar izan dituzte: langile bat eta bi erabiltzaile"
Hiru pertsona arnasteko arazo arinekin eraman dituzte gaur Mendaroko ospitalera, Elgoibarko (Gipuzkoa) Olaizaga kiroldegian gas toxikoa arnastu ondoren. Istripu kimikoa gertatu da instalazioen barruan. 14:30 aldera ezbehar baten ondorioz azido klorhidrikoa eta sodio hipokloritoa nahastu dira igerilekuetan.
Hiru pertsona ospitaleratu behar izan dituzte Elgoibarko Olaizaga kiroldegian gas toxikoa arnastu ondoren
14:30 aldera, istripu baten ondorioz, azido klorhidrikoa eta sodio hipokloritoa nahastu dira kiroldegiko igerilekuetan. Bi produktu horiek igerilekuak garbi mantentzeko erabiltzen dira normalean, baina nahasketa horrek "gas-hodei arriskutsua eragin du".
Tokiko erakundeetan euskara lehenesten duten hainbat artikulu baliogabe utzi ditu Auzitegi Gorenak
Auzitegi Gorenak atzera bota du Eusko Jaurlaritzak EAEko Auzitegi Nagusiaren epaiari jarritako errekurtsoa, eta bertan behera utzi ditu euskaldunen hizkuntza-eskubideak bermatzeko egin zen 179/2019 dekretuaren artikuluetako batzuk. Epaia "euskararen normalizazioaren aurka ez ezik, euskal gizartearen eta erakundeen borondatearen aurka" doala salatu du Kontseiluak.
Gorotzak agertu dira Bizkaiko hainbat igerilekutan: "Arraroa da hainbeste aldiz gertatzea, erronka birala izan daiteke"
Azken egunotan Sopelako eta Urduñako hainbat igerileku itxi behar izan dituzte, uretan gorotzak (kaka) agertu direlako. Zikinkeria horren jatorria sare sozialetan zabaldu eta birala egin den erronka batean legoke, antza. Egoerak haserrea eragin du erabitzaileen artean.
Araudi berri batek aukera emango die pazienteen elkarteei osasun-sisteman gehiago eragiteko
Osasun sailburuak araudi horren garapena iragarri du, eta elkarteei adierazi die “gertu eta oso aktibo behar” dituztela Osasun Ituneko neurriak ezartzeko eta sistema eraldatzeko fasean.
Nortzuk osatzen dute “Deport Them Now” talde neonazia?
Europa osoan migratzaileen aurkako gorroto diskurtsoa bultzatzen duen mugimendua da, eta, antza, Torre Pachecon "magrebtarraren aurkako ehiza" bultzatzen zuen kartela diseinatu zuena.
Gas-ihesa gertatu da Bilbo erdigunean, eta hainbat etxebizitza eraikin jendez hustu dituzte
Rodriguez Arias kaleko obretan lanean ari zen langile batek, nahi gabe, hodi bat zulatu du. Hala ere, udaleko iturriek baieztatu dutenez, ihesa konpondu dute.