Herri-epaimahaiak errudun jo du Leyre Rodriguezen senar ohia
Herri-epaimahaiak aho batez errudun jo du Leyre Rodriguezen senar ohia, "nahita hil zuelako, eta biktimari defendatzeko inolako aukerarik eman gabe". Emakume gaztea 2015eko abuztuan hilik topatu zuten, Bilboko errepide batean.
Herri-epaimahaia bost gizonezkok eta lau emakumezkok osatu dute. Eztabaida astelehen honetan bertan hasi dute epaimahaiko kideek, goizean. Epaiketaren ahozko saioak iragan astean egin zituzten Bizkaiko Lurralde-auzitegian. J.M.P. epaitu dute, emazte ohia hil izana egotzita.
Epaimahaiaren erabakia entzun ondoren, Fiskaltzak, Estatuko Abokatutzak, akusazio partikularrak (familia) eta herri-akusazioak (Clara Campoamor Elkartea) zigor eskaerak mantendu dituzte: 23 eta 30 urte arteko espetxe-zigorra. Defentsak, aldiz, "zigorrik txikiena" ezartzeko eskatu du.
Herri-epaimahaiak frogatutzat eman du, 2015eko abuztuaren 27an, 21:30 inguruan, Jorge Mateos emazte ohiaren etxera joan zela, "Leyre hiltzeko asmoz".
"Ezustean", gizonezkoak ahoa eta sudurra indarrez estali zizkion eta bainugelara eraman zuen, "burua baineraren kontra gutxienez sei aldiz kolpatuta", eta biktima zorabiatuta edo konorterik gabe utzi arte.
Ondoren bainugelatik atera eta pasilloko alfonbra gainean utzi zuen emakumea botata. Hiru ordu geroago, Leyre besoetan hartu eta etxeko atari parean aparkatuta zuen autoan sartu zuen, ibilgailuaren maletategian. Biktima oraindik bizirik zegoen.
Jorge Mateos Bilboko Abusu auzoraino joan zen. Autoa gelditu, Leyre maletategitik atera eta errepidean utzi zuen, "istripu bat izan zela irudikatzeko asmoz".
Emazte ohia hiltzeko, ibilgailuarekin haren gainetik bi aldiz pasatu zen, lehenengo atzeraka eta ondoren aurreraka, "Leyreri heriotza eraginez".
Herri-epaimahaiaren arabera, gorpua autoarekin harrapatu izanak agerian uzten du emakumea hiltzea zela bere helburua. Etxean kolpatu ostean edo hainbat orduz ibilgailuko maletategian izan ondoren bizirik edo hilda ote zegoen egiaztatu ez zuela erantsi du.
Horrez gain, Leyre emakume izateagatik hil zuela ondorioztatu du, lekukoek erasotzailearen eta biktimaren arteko harremanari buruz epaiketan esan dituztenak entzunda.
Herri-epaimahaiak uste du akusatuak ez zuela onartu harremana amaitu zela eta banaketak "haserre handia" eragin ziola.
Halaber, ikerketan lagundu ez duela, benetan gertatu zena aitortu ez duela eta emazte ohia hil izanagatik damurik agertu ez duela nabarmendu du.
Bestalde, akusatuak bi seme-alabei bere etxearen erdia eman izanak, hipoteka ordaintzen jarraitu izanak edota epaitegian bere erantzukizunei aurre egiteko 16.000 euro kontsignatu izanak "ez du eragindako kaltearen ondorioak murrizten", pertsona bat hil duelako eta ume horiek ama gabe utzi dituelako.
Herri-epaimahaiaren erabakia jakinda, epaileak datozen egunetan emango du epaia.
Zure interesekoa izan daiteke
Ertzaintzaren jarrerarekin harrituta eta minduta agertu dira euskal ekintzaileak, aske geratu ostean
Gazara laguntza zeraman Global Sumud Flotillan parte hartzeagatik Israelek atxilotutako euskal ekintzaileen aurkako esku-hartzea salatu dute. Loiun bildutako lagun, senide eta jarraitzaileek gertatutakoa deitoratu, eta Gazara begira jarraitzeko eskatu dute.
Palestinan gertatzen ari dena gaitzetsi, eta Loiun ekintzaileekin gertatutakoa salatu dute Iruñean
Global Sumud Flotillako Arantxa Paniaguak adierazi duenez, Bilbon gertatutakoak ez ditu geldiaraziko, "are gehiago, aurrera jarraitzeko eta behar den guztietan nahikoa, nahikoa eta nahikoa dela esateko bultzada izango da".
Hondartzetan soroslerik gabe, surflariek dozenaka pertsona erreskatatu dituzte azken orduetan Zurriolan
Udako eguraldia dugun arren, ofizialki ez da hondartza denboraldia hasi eta, beraz, ez dago soroslerik hondartzetan. Gauza horrela, atzo Donostiako Zurriolan, egoera arriskutsuan zuden hainbat bainulari erreskatatu behar izan zituten surflariek. Eguraldi onak jarraituko duenez, "neurriak hartzeko" eskatzen diete erakundeei.
Tuteran eltxoen arazoak ez du etenik: iluntzean nabaritzen da gehien
Tuteran hiru egun daramatzate eltxo artean, eta iluntzean nabaritzen da gehien. Bero itogarria bat-batean iristeak eltxo izurritea ekarri du Erriberako hiriburura. Eltxoei aurre egiteko produktuak agortzen hasi dira Tuterako farmazietan.
"Sionistek modu posible guztietan torturatu gaituzte, eta iristean egin diguten lehenengo gauza gehiago jotzea izan da"
Luka Remiro Global Sumud Flotillako aktibistak malkoak begietan zituela salatu du larunbat honetan Loiuko aireportura iritsi direnean Ertzaintzak izan duen jokabidea. Ekintzaileetako batzuk sorbaldan zein saihetsetan hausturak zituztela iritsi direla nabarmendu, eta kolpeka hartu dituztela salatu du. Lau pertsona atxilotu ditu Ertzaintzak, bi ekintzaile tartean.
Kontrabandoko 9.000 tabako pakete baino gehiago zeramatzan ibilgailu bat atzeman dute Zubirin
Gidaria atxilotu egin dute kontrabando delitua leporatuta, tabakoaren fakturarik edo egiaztagiririk aurkeztu ez duelako.
Hainbat bidaiari artatu dituzte Ezkirotzen, matxura batengatik trena bat-batean gelditu ostean
Iruñea-Zaragoza trenbidearen katenarian izandako gorabehera elektriko baten ondorioz, hiru tren gelditu dira Ezkirotzen, Muru Artederretan eta Artederretan. Beroaren eraginez, larrialdi zerbitzuek bidaiariak artatu behar izan dituzte eta ura eman diete.
Emakume bat hil da Tafallan, auto batek harrapatuta
Istripua goizean gertatu da. Emakumea oso larri eraman dute ospitalera, eta ordu batzuk geroago hil da.
Gorenak errefusatu egin du etorkinen erregularizazioa kautelaz geldiaraztea
Espainiako Gobernuak "positibotzat" jo du milaka lagunen "oraina eta etorkizuna argitzen" duen erabaki hori. Dekretua onartuta apirilaren 16an abian jarri zen prozesua gelditzeko eskatu zuten bost erakundek.
Giro ezin hobea Bilboko Europako errugbiaren festa handian
Asteburu honetan Challenge Cup eta Champions Cup txapelketetako finalak jokatuko dituzten errugbi-taldeetako zaleen arteko giroaz gozatu dute ehunka lagunek ostiral honetan Bilbon. Montpellier eta Ulster izango dira elkarren aurka jokatuko duten lehenak, gaur, San Mamesen.