Laguntza eta 'aitorpena' eskatu dizkio 'lapurtutako ume' batek Eusko Legebiltzarrari
Amaia Cerejidoren testigantza entzun du astearte honetan Eusko Legebiltzarreko Giza Eskubideen Batzordeak. 'Lapurtutako ume' bezala bizi izan duen “kalbarioa” azaldu du Cerejidok. Bere egoera berdinean aurkitzen diren pertsonak guraso biologikoak topatu ahal izateko eta “aitorpena” lortzeko, Gasteizko Ganberaren laguntza eskatu du emakumeak.
Cerejidok eta Iñigo Sancho haren abokatuak Eusko Legebiltzarreko Giza Eskubideen Batzordean agerraldia egin dute, Julen Arzuaga EH Bilduko legebiltzarkideak eskatuta. Guraso biologikoei legez kanpo kendu dizkieten seme-alaben “tragedia erreparatzeko” beharra azpimarratu du Arzuagak.
Seme-alabatasun prozedura zibil baten bidez, Amaia Cerejidoren bigarren abizena Muñoz zela onartu zuen epaitegi batek 2015ean, eta ez Erregistro Zibileko ziurtagirian agertzen zen abizena, Sanchok azaldu duenez. Cerejidok berak salatu duenez, ziurtagiria “faltsua” zen.
Cerejidok jakitera eman duenez, jaio eta handik gutxira, “etsipen” egoera batean bere ama biologikoak senar-emazte batzuen eskuetan utzi zuen 1971ean, baina aldi baterako.
Nabarmendu duenez, bere benetako ama “ahulezia ekonomiko eta sozialean” zegoen, eta etorkizunean berreskuratzeko asmoa zuen, une horretan zituen arazoak atzean utzi ondoren.
Hala ere, amaordeak alaba biologiko bezala erregistratu zuela salatu du Cerejidok; horretarako erditze ziurtagiri faltsu bat entregatu zuen, eta benetako amak ez zuen berreskuratzeko inolako aukerarik izan.
“Legez kanpoko” jokabide “ziztrina” izan zela salatu du Cerejidok. Txikitan gertatutakoaz ohartu ondoren, bizi izan duen sufrimendua eta “gezurrak” azaldu ditu.
Gainera, gertatutakoa argitzeko garaian administrazioaren “mespretxuarekin” eta oztopoekin aurkitu dela kritikatu du ‘lapurtutako umeak’.
Bestalde, “bai, haurtxo lapurtuak” izan direla aitortzeko eskatu dio abokatuak Legebiltzarrari. Ama biologikoak bilatzeko orduan administrazioen babesa izateko, neurriak hartzea eskatu dio Ganberari, hala nola, doako justizia eskubidea.
Zure interesekoa izan daiteke
Haurrak protagonista Gasteizko jaietan, Edurne eta Zeledon Txikiren jaitsierarekin
Jaietako laugarren eguna haurrei eskainiko diote gaur, Edurne eta Zeledon Txikiren jaitsierarekin. Egun osoan zehar, jarduerak izango dira eta orain.eus-ek zuzenean eskainiko du jaitsiera Andre Maria Zuriaren plazatik.
Migratzaileek helmuga berri baterainoko bidea azaldu dute
Azaldu dutenez, askok saiakera bat baino gehiago egin behar izan zituzten aurreikusitako helmugara iritsi aurretik. Migratzaile batzuek egoera berean dauden beste pertsona batzuekin egiten dute ibilbidea.
Martxoaren 3ko biktimak gogoan, zapi beltzak jantzi dituzte blusek eta neskek
Jaiak eta memoria ekimenaren barruan, Martxoaren 3ko sarraskian hildako bost langileak eta ehunka zaurituak gogoratu dituzte gaur Gasteizko Andre Maria Zuriaren festetan. Jendetza batu da Katedral Berriaren atarian egin duten oroimen ekitaldian.
Abuztuaren 12an eguzki eklipseaz segurtasunez gozatzeko aholkuak
Ahal den guztietan bidaia luzeak saihestea da gomendio nagusia. Eklipsea bizilekutik edo ikuspen-baldintza onak dituen gertuko udalerri batetik ikus badaiteke, hobe da horren alde egitea, gehiegizko joan-etorriak murrizteko.
Itsuek eklipsea "entzun" ahal izango dute, ONCEk jarriko dituen gailue batzuei esker
LightSound dispositiboa soinu bihurtzen du argiaren intentsitatea, eta abuztuaren 12ko fenomeno astronomikoa behatzeko gune batzuetan egongo da eskuragarri.
Gizon batek bikotekide ohia, 44 urteko emakume bat, hil du Murtziako merkataritza-gune batean
Halaber, 45 urteko emakume bat hiltzeagatik Benahavisen (Malaga) atxilotutako gizonak aitortu du hiltzailea dela, ihesaldian idatzi eta lagun baten etxeko atarian utzi zuen ohar batean. Horrek idatzia aurkitu eta Guardia Zibilari eman dio.
Gaztelugatxerako sarbideak itxita egongo dira eklipsearen egunean, arratsaldetik aurrera
Natur gunearen inguruan jendetza biltzea espero da, fenomeno astronomikoa ikusteko. Hori dela eta, segurtasun operatibo berezia aktibatuko dute Bizkaiko Aldundiak eta Bakioko eta Bermeoko udalek.
Onintza Enbeita eta Ainhoa Urrejola, Aste Nagusiari hasiera emateko prest
Enbeitak pregoia idatzita dauka. Bertsoak egongo direla aurreratu du, baina dena ez dela bertsotan izango. Pregoilariak errespetuan eta bizikidetzan oinarritutako jaien alde egin du, albiste txarrik gabe.
Abuztuaren 15ean Maroko eta Ceuta arteko muga berriro zeharkatzeko deia egiten ari dira sare sozialetan
Ceutako Gobernuaren bozeramaileak ziurtatu duenez, Espainiako Gobernuak deialdi horren berri du, eta iragan asteko krisia ez errepikatzeko baliabide nahikoak jartzea espero du.
Uharteko bizilagunak haserre, herriko apaizak Ceutako migrazio-krisiari buruz egindako adierazpenengatik
Uharteko (Nafarroa) biztanleak haserre daude Javier Aizpun herriko parrokoarekin, X sare sozialean (lehengo Twitter) migratzaileak Ceutara iristeari buruz zabaldu zituen mezuengatik. Kritiken ostean, apaizak barkamena eskatu du eta bere kontua ezabatu du. Argitalpenetako batean, apaizak zioen "Rabat bonbardatu" egin behar dela, Marokoren aurkako neurri gogorrak ezartzearen aldeko hainbat mezurekin batera. Aizpunek adierazi zuen, halaber, suarekin erantzun beharko litzaiekeela Ceutan sartzen saiatzen diren migratzaileei, eta Maroko "errekonkistatzea" proposatu zuen, haren hitzetan, "jatorrizko Espainia" berreskuratzeko, Erromatar Inperio garaiko Hispaniari erreferentzia eginez.