Dbusek eskaripeko geldialdien sistema probatuko du uda honetan B8 gautxori linean
Dbus Donostiako autobus konpainia publikoak eskaripeko geldialdien sistema probatuko du uda honetan B8 Miraconcha-Benta Berri-Seminario gautxori linean. Eneko Goia Donostiako alkateak azaldu duenez, emakumeek eta adin txikikoek ibilbidearen geltoki ofizialen artean gelditzeko eskaera egin ahal izango dute, "autobuseko bidaia seguruago izan dadin beraientzat".
Gaur goizean Donostian eskainitako prentsaurrekoan esandakoaren arabera, proiektu pilotu berria ekainean jarriko da martxan. Gisa horretako lehen esperientzia izango da Donostian, eta emaitzak aztertu ondoren erabakiko dute zerbitzu mota hori gaueko beste linea batzuetara zabaldu edo zerbitzua bera birplanteatu behar den.
B8 lineak ostiral eta larunbatean eskaintzen du zerbitzua eta hiriaren mendebaldetik egiten du bere bidea. Hain zuzen ere, ingurune horretako kale batzuen ezaugarriak direla-eta erabaki dute sistema berria bertan probatzea.
Eskaripeko geldialdia emakumeek edota 18 urtetik beherakoek eskatu behar diote, berariaz, gidariari, geldiune bateko aurrerapenarekin. Jaisteko eskaera egin duen erabiltzaileak autobusaren aurreko aldean jarri beharko du, aurreko atetik jaitsi beharko baitu.
Eskaripeko geldialdiak jaisteko bakarrik izango dira. Horrez gain, erabiltzailearentzat arriskutsuak ez diren baldintzetan egingo da jaitsiera eta, horregatik, istripu posibleak ekiditeko, espaloia dagoen tokietan egin ahal izango da.
Zure interesekoa izan daiteke
Gazte bat atxilotu dute Metro Bilbaoko segurtasun-zaintzaile bati eraso egiteagatik
17:30 aldera jazo da erasoa, Abandoko geltokian, atxilotuak trenbidea gurutzatu duenean, batetik bestera. Segurtasuneko langileak bertaratu direnean, egindakoa aurpegiratu diote eta gazteak eraso egin dio horietako bati.
Irungo Belaskoenea auzoan su armaz egindako hilketagatik atxilotutako gizona espetxeratu dute
Gaur goizean utzi dute atxilotua epailearen esku, eta arratsaldean eman du magistratuak Martuteneko espetxera bidaltzeko agindua.
Arzakek salatu du bere marka ordeztu dutela, online bidezko erreserbetan iruzurrak egiteko
3 Michelin izar dituen jatetxeak bere webgune ofiziala imitatzen duten iruzurrezko orriak daudela ohartarazi, eta polizia-etxean salaketa jarri dutela iragarri du.
Gizon bat bikotekidea itotzen saiatu da Donostian
Ertzaintzak gertakarien lekuan atxilotu du ustezko erasotzailea. Biktima ospitalera eraman dute artatzera, eta alta medikoa jaso du.
Euskal esploratzaile batek Zerzura oasi zuri mitikoaren legendaren balizko jatorria aurkitu du
Ouniangako lakuetan, Txadeko iparraldean, kokatu du Miguel Gutierrez-Garitanok mendeetan zehar bilatu duten oasi mitikoa.
Gasteizko Mitika aretoaren auzia herri-epaimahai baten aurrean epaitzea baztertu du Gorenak
Arabako Probintzia Auzitegiak arrazoia eman zien akusatuaren defentsari eta Fiskaltzari, uste baitzuten gertakariak hobeto egokitzen zirela lesio-delitu batera, zuhurtziagabekeriazko homizidio batekin batera, eta horrek eragotzi egingo luke kasua herri-epaimahai baten aurrean epaitzea.
26 urteko emakume bat oso larri zauritu da Saratsan, auto-istripuan
Ezbeharra N-240-A errepideko 11,5 kilometroan jazo da. Larrialdi zerbitzuek ibilgailutik atera dute emakumea, eta anbulantzian eraman dute Nafarroako Unibertsitate Ospitalera, Iruñera. Guardia Zibila ezbeharraren nondik norakoak ikertzen ari da.
Garcia Ortizi aurre egin zion Madrilgo fiskala ordezkatu du fiskal nagusiak
Zehazki, Maria Isabel Martin Lopezek hartuko du Lastrak orain arte betetako kargua. Fiskaltzaren Idazkaritza Teknikoan aritu izan da 2018tik , fiskal nagusiaren laguntza-organoan. Lastrak bost urte zeramatzan karguan eta Madrilgo fiskal nagusi gisa jarraitu nahi zuen.
Global Sumud Euskal Herria: "Tirokatu gaituzte eta bueltatzeko agindu digute, baina aurrera jarraitzea erabaki dugu"
Israelgo soldaduak ontzira igo eta miaketa sakon bat egin dute Global Sumud Euskal Herriako aktibista batek zehaztu duenez. Soldaduen jarrera kritikatu dute eta gure artean Israelek dituen "konplizeak" ere aipatu dituzte.
Osakidetzak ebakuntza itunpeko zentroetan egiteko aukera eskainiko die 6 hilabete baino gehiago zain egondako 1.800 pazienteri
Alberto Martinezen hitzetan, Espainiako Osasun Ministerioa "Estatutu Markoa berritzeko moduan ez badago", Euskadi prest dago transferentziari ekiteko.